عراق،رمادی اورفلوجہ جھڑپوں میں حکومتی فورسز کو بھاری جانی نقصان،35افرادہلاک،فورسز کا تین ہفتوں بعد البوبالی پر قبضے کا دعویٰ،ڈیڑھ درجن اہلکار مارے گئے ،جنگ جاری رہے گی،عراقی وزیراعظم
پیر 20 جنوری 2014 20:24
بغداد(اُردو پوائنٹ اخبار تازہ ترین۔20 جنوری ۔2014ء) عراق کے شہر رمادی اورفلوجہ میں فورسز اورجنگجوؤں کے درمیان جھڑپوں میں 35 افرادہلاک ہوگئے ،جبکہ سرکاری فورسز کی پیش قدمی جاری ہے تاہم اسے زیادہ جانی نقصان کا سامنا ہے ، حکومتی فوج نے رمادی اور فلوجہ کو ملانے والی بڑی شاہراہ پر واقع اسٹریٹیجیک نوعیت کے گاؤں البوبالی پر تین ہفتوں کے بعد دوبارہ قبضے کا دعویٰ کیا ہے، عراقی وزیراعظم نوری المالکی نے کہاہے کہ دہشت گردی کے خلاف جنگ جاری ضرور رکھی جائے گی جبکہ عراق میں القاعدہ کے سربراہ ابو بکر البغدادی نے عراقی شہریوں سے جوق در جوق مسلح جہادیوں کی صفوں میں شامل ہو کر حکومتی فورسزکے خلاف لڑنے کی اپیل کی ہے ،غیرملکی خبررساں ادارے کے مطابق رمادی شہر میں فوج اور اتحادی قبائلی لشکر کا مشترکہ فوجی آپریشن جاری ہے جبکہ جنگجووں کے حملے میں ڈیڑھ درجن سے زائد پولیس اہلکاربھی مارے گئے ،دو مقامی اہلکاروں اور ایک فوجی افسر نے اپنی شناخت مخفی رکھتے ہوئے بتایا کہ رمادی کے مقبوضہ علاقوں میں شدید جھڑپوں کا سلسلہ جاری ہے لیکن جانی و مالی نقصان کی تفصیلات فراہم نہیں کی گئیں، انبار میں کیے جانے والے فوجی آپریشن کے سربراہ لیفٹیننٹ جنرل رشید فلیح نے بتایا کہ حکومتی فوج نے رمادی اور فلوجہ کو ملانے والی بڑی شاہراہ پر واقع اسٹریٹیجیک نوعیت کے گاؤں البوبالی پر تین ہفتوں کے بعد دوبارہ قبضہ کر لیا ہے، انہوں نے کہاکہ اِس گاؤں سے پسپائی اختیار کرتے ہوئے مسلح جہادی کھلونا نما بم تقریبا ہر گھر اور اندرونی راستوں میں چھوڑ گئے ،اس موقع پر عراقی وزیراعظم نوری المالکی نے پیر کو جاری ایک بیان میں کہاکہ دہشت گردی کے خلاف جنگ جاری ضرور رکھی جائے گی لیکن اگر بات چیت سے معاملات حل ہوتے ہیں تو یہ عمل بھی ممکن ہے،انہوں نے کہاکہ ان کی جنگ کا پہلا مقصد دہشت گردی کا صفایا ہے اور سیاسی رابطوں کے دروازے کو بند نہیں کیا جائے گا،دوسری جانب عراق میں القاعدہ گروپ کے سربراہ ابو بکر البغدادی نے عراقی شہریوں سے اپیل کی کہ وہ جوق در جوق مسلح جہادیوں کی صفوں میں شامل ہو کر بغداد حکومت کے فوجی آپریشن کو ناکام بنانے کے عمل کا حصہ بنیں۔
(جاری ہے)
مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.