طالبان کیساتھ مذاکرات میں ہمارا موقف واضع ہے،طاقت سے مسائل حل نہیں خراب ہوتے ہیں، ملک میں قیام امن ہماری ترجیح ہے،مولاناعبدالغفورحیدری
ہفتہ 18 جنوری 2014 15:26
جیکب آباد( اُردو پوائنٹ تازہ ترین اخبار۔ 18جنوری 2014ء) وفاقی وزیر مملکت و جمعیت علماء اسلام کے مرکزی سیکرٹری جنرل مولانا عبدالغفور حیدری نے کہا ہے کہ طالبان کے ساتھ مزاکرات میں ہمارا موقف واضع ہے حال ہی میں وزیر اعظم نواز شریف نے طالبان کے ساتھ مزاکرات کے حوالے سے صاف بیان دیا ہے جس میں انہوں نے مولانا فضل الرحمن سمیت دیگر رہنماوٴں سے تعاون کی اپیل کی ہے ۔
ان خیالات کا اظہار انہوں نے جے یو آئی ضلع جیکب آباد کے صدر ڈاکٹر اے جی انصاری کی رہائشگاہ پر صحافیوں سے ٹیلی فونک خطاب اور عائمہ مساجد اوقاف کے چےئر مین حافظ محمد صدیق کھوسو کی قیادت میں ملنے والے وفد سے گفتگوکرتے ہوئے کیا۔(جاری ہے)
انہوں نے کہا کہ جے یو آئی اب حکومت کا حصہ ہے طالبان سے مزاکرات کے سلسلے میں حکومت جے یو آئی کے ساتھ مشاورت کریگی اگر حکومت سے باہر بھی ہمیں کردار اداکرنا پڑا تو ہم مکمل تعاون کریں گے ،انہوں نے کہا کہ مسائل طاقت سے حل نہیں ہوتے بلکہ طاقت کے استعمال سے حالات مزید خراب ہوتے ہیں جس کی مثال افغانستان میں 12سال تک امریکی سرپرستی میں نیٹو افواج نے افغانستان کی عوام پرطاقت کا استعمال کرکے مظالم کی انتہا کردی مگر افغانستان میں امن کا قیام ممکن نہیں ہوسکا ،انہوں نے کہا کہ آخر کب تک ہم غیروں کی جنگ لڑتے رہیں گے ،اس لیے ہمیں غیروں کی جنگ سے علیحدگی کا اعلان کرنا ہوگا اور طالبان کے ساتھ مزاکرات کرکے ملک میں قیام امن کے لیے اقدامات کرنے پڑیں گے ، انہوں نے مزید کہا کہ حکومت میں شمولیت کے بعد ہم نے تین مسائل کو حل کرنا اپنی ترجیح میں شامل کیا ہے ان میں ملک میں امن امان کا قیام، اقتصادی مسائل کو حل کرنا اور ملک میں انرجی بحران کو حل کرنا ہے ہم نے عوام کے مسائل کو حل کرنے کا تہیہ کرلیا ہے ،ملک کئی مسائل کا شکار ہے جن کو حل کرنے میں وقت ضرور لگے گا،ایک سوال کے جواب میں انہوں نے کہا کہ جے یو آئی بلوچستان حکومت میں شامل نہیں ہوگی اور بلوچستان میں ہم اپوزیشن میں رہیں گے ،انہوں نے کہا کہ بلوچستان میں قوم پرستوں کو عوام پر مسلط کیا گیا مگر اس کے باوجود ہم نے انہیں تسلیم کیا ہے قومپرستوں کو موقعہ دیا ہے کہ وہ عوام کے مسائل کو حل کریں،عائمہ مساجد اوقاف کے وفد سے گفتگو کرتے ہوئے مولانا عبدالغفور حیدری نے مزید کہا کہ جے یو آئی کی حکومت میں شمولیت کے بعد عوام کو مثبت تبدیلی نظر آئے گی ،علماء کرام نے ہمیشہ عوام کے فلاح و بہبود کیلئے آواز بلند کی ہے۔
مزید اہم خبریں
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
حکومت کا پیٹرولیم مصنوعات کی قیمتیں ڈی ریگولیٹ کرنے پر غور
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
اسرائیلی جنگی طیاروں کا جنوبی شام میں فوجی اڈے پر حملہ
-
قومی اسمبلی،بلاول بھٹو وزیرِ اعظم کی نشست پربیٹھ گئے
-
ٹی ایل پی پر پابندی سے متعلق انٹیلی جنس کی کوئی رپورٹ صوبائی حکومت سے شیئر نہیں کی گئی تھی، شہبازشریف
-
ڈاکٹرعاصم کی سربراہی میں میڈیکل وفد کہہ چکا بشریٰ بی بی کو زہر نہیں دیا گیا
-
چین کی 8 کمپنیاں نوازشریف آئی ٹی سٹی میں فوری طور پر کام کرنے کیلئے تیار
-
لوٹا ہوا پیسہ پاکستان واپس لایا جائے تو ڈالر 50 روپے کا ہو جائے گا
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
اسٹریمنگ سروس نیٹ فلکس کے ناظرین نصف بلین ہو گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.