وزیراعظم محمد نواز شریف کی موجودہ حکومت نے پاکستان میں اسلامی بینکاری کے فروغ کا تہیہ کر رکھا ہے ،مریم نواز ،نوجوان تاجروں میں اسلامی طریقوں سے قرضوں کے حصول کے بارے میں بہتر سمجھ بوجھ پیدا ہوگی ،اجلاس سے خطاب ،ملک میں اسلامی بینکاری کی صنعت میں نمایاں اضافہ ہو رہا ہے ،ایگزیکٹو وائس پریذیڈنٹ میزان بینک
جمعہ 17 جنوری 2014 23:18
اسلام آباد(اُردو پوائنٹ اخبار تازہ ترین۔17 جنوری ۔2014ء) وزیراعظم یوتھ بزنس لون سکیم کی چیئرپرسن مریم نواز نے کہا ہے کہ وزیراعظم محمد نواز شریف کی موجودہ حکومت نے پاکستان میں اسلامی بینکاری کے فروغ کا تہیہ کر رکھا ہے وہ جمعہ کو یہاں وزیراعظم یوتھ بزنس لون سکیم کے قرضہ جات کیلئے اسلامی طریقہ کار اختیار کرنے سے متعلق اجلاس کی صدارت کررہی تھیں انہوں نے کہاکہ وزیراعظم یوتھ بزنس لون سکیم کیلئے اسلامی طریقے سے قرضوں کی فراہمی سے ان افراد کو بھی قرضہ حاصل کرنے کا موقع فراہم ہوگا جو سودی نظام کے تحت قرضہ نہیں لینا چاہتے۔
انہوں نے کہاکہ یہ سکیم نچلی سطح پر اسلامی بینکاری کے فروغ کیلئے ایک سنگ میل ثابت ہوگی اور اس سے نوجوان تاجروں میں اسلامی طریقوں سے قرضوں کے حصول کے بارے میں بہتر سمجھ بوجھ پیدا ہوگی۔(جاری ہے)
اسلامی بینکاری کے فروغ کے بارے میں کمیٹی کے چیئرمین سعید احمد بھی اس موقع پر موجود تھے۔ میزان بینک کے ایگزیکٹو وائس پریذیڈنٹ سعید احمد نے کہاکہ ملک میں اسلامی بینکاری کی صنعت میں نمایاں اضافہ ہو رہا ہے۔
انہوں نے کہاکہ بنیادی طورایک مذہبی معاشرہ ہونے کے ناطے قرضوں کی فراہمی کے اسلامی طریقہ کار کے فروغ کے ذریعے معاشرے کے ان افراد کو بھی قرضہ حاصل کرنے کے مواقع حاصل ہوں گے جو روایتی بینکاری نظام کے تحت قرضے حاصل کرنے سے اجتناب کرتے ہیں۔ اس موقع پر یوتھ بزنس لون سکیم کی چیئرپرسن مریم نواز نے بینک حکام کو ہدایت کی کہ وہ قرضوں کی فراہمی کے لئے اسلامی طریقہ کار متعارف کرانے کیلئے دن رات کام کریں تاکہ اسلامی بینکاری سے فائدہ اٹھانا نوجوانوں کی اولین ترجیح ہو۔ انہوں نے کہاکہ انہیں نیشنل بینک آف پاکستان کے حکام پر پورا اعتماد ہے، وہ وزیراعظم یوتھ بزنس لون سکیم کو اسلامی طریقہ بینکاری میں منتقل کرنے کو بہت جلد حتمی شکل دیں گے۔ اجلاس میں شریک بینک کے حکام نے کہاکہ بینک عملے کی تربیت اور سہولیات کی فراہمی کے ذریعے نوجوانوں کو بہت جلد بینکاری کے اسلامی طریقے سے قرضہ فراہم کیا جا سکے گا۔ اس موقع پر نیشنل بینک آف پاکستان کے شریعہ بورڈ کے مشیر نے سکیم کی چیئرپرسن کے سامنے ایک چارٹ پیش کیا جس میں اسلامی بینکاری کا مکمل طریقہ کار کی وضاحت کی گئی تھی۔ میزان بینک کے حکام نے وزیراعظم بزنس یوتھ لون سکیم کیلئے نیشنل بینک کے اہلکاروں کو تربیت فراہم کرنے کیلئے تعاون کی بھی پیشکش کی۔متعلقہ عنوان :
مزید اہم خبریں
-
آپ محافظ ہیں مالک نہیں
-
مشرقی افریقہ میں غیر معمولی سیلابوں سے لاکھوں لوگ بے گھر
-
گوگل نے پاکستان میں مصنوعی ذہانت (AI) کی مہارت کو فروغ دینے کے لیے اپنی سپورٹ دگنی کردی
-
شعبہ صحت میں 145 ارب روپے کی لاگت سے 7 میگا پراجیکٹ زیر تکمیل ہیں: مریم اورنگزیب
-
سکیورٹی فورسز کے خیبرپختونخواہ میں دو الگ الگ آپریشن ، 6دہشتگرد مارے گئے
-
سیکرٹری داخلہ نے اسلام آباد ہائیکورٹ کے حکم کے مطابق عملدرآمد نہیں کیا،اہلیہ پرویز الہی
-
صدرمملکت آصف علی زرداری کوئٹہ کا 3 روزہ دورہ مکمل کرکے اسلام آباد واپس روانہ ہو گئے
-
وزیراعلٰی کا مری ہسپتال پراجیکٹ کو سابق دور میں 4 ارب روپے نقصان پہنچانے پر کارروائی کا فیصلہ
-
کمپٹیشن کمیشن آف پاکستان نے پی ٹی سی ایل کی جانب سے ٹیلی نار پاکستان کے حصول کے جائزے کے دوسرے مرحلے کا آغاز کر دیا
-
موبائل کمپنیاں پانچ لاکھ سمیں بلاک کرنے پر آمادہ، مہلت مانگ لی
-
رفح پر اسرائیلی حملوں کے خوف سے لوگ ’علاج معالجہ سے گریزاں‘
-
جس نے ہمیں انتشاری ٹولہ کہا ہم ان سے کہتے آپ معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.