فلسطینی قیدیوں کی جانب سے اسرائیلیوں کے اغوا کا منصوبہ ناکام بنادیا، الشاباک
جمعہ 17 جنوری 2014 14:53
نابلس (اُردو پوائنٹ تازہ ترین اخبار۔ 17جنوری 2014ء) اسرائیل میں داخلی سلامتی کے ادارے الشاباک نے فلسطینی قیدیوں کی جانب سے اسرائیلیوں کے اغوا کا ایک منصوبہ ناکام بنانے کا دعوی کیا ہے۔ یرغمال اسرائیلیوں کی رہائی کے بدلے فلسطینی اپنے قیدی رہا کروانا چاہتے تھے۔ مرکز اطلاعات فلسطین نے الشاباک کی جاری کردہ معلومات کے حوالے سے اپنی رپورٹ میں بتایا کہ اسرائیل نے دعوی کیا ہے کہ منصوبے کا ماسٹر مائنڈ غزہ کی الزیتون کالونی کا 24 سالہ نوجوان عماد محمد البل ہے جس نے مغربی کنارے میں رہائی پانے والے دو فلسطینیوں کو اس مقصد کیلئے بھرتی کیا۔
الشاباک کے مطابق اغوا کا منصوبہ منکشف ہونے کے بعد گرفتار کئے جانے والے تینوں فلسطینیوں نے دوران تفتیش اعتراف کیا کہ وہ اسرائیلیوں کے اغواء کے منصوبے کو عملی جامہ پہنانا چاہتے تھے۔(جاری ہے)
اسرائیلی چینل نے اپنی رپورٹ میں بتایا کہ تینوں فلسطینیوں کو صہیونی شہریوں کے اغوا کی ہدایت المجاہدین بریگیڈ کی ہائی کمان نے دی تھی۔ محمد البل اسی تنظیم کا غزہ کی پٹی میں رابطہ کار کی خدمات سرانجام دیتا تھا۔
صہیونی چینل کے مطابق المجاہدین بریگیڈ کا قیام دراصل شہداء اقصی بریگیڈ سے علیحدگی کے نیتجے میں عمل میں آیا۔ اسلامی نظریات کے حامل اس گروہ کو مبینہ طور پر حماس کا ہم خیال سمجھا جاتا ہے۔ اسرائیلی ٹی وی کے مطابق اغوا منصوبے کے الزام میں گرفتار ہونے والے تینوں فلسطینیوں پر بئر السبع کی ضلعی عدالت میں فرد جرم عائد کی جائیگی۔ ان پر کالعدم تنظیموں کی رکنیت اور غیر قانونی سرگرمیوں میں شرکت اور مجرمانہ سرگرمیوں کیلئے غیر ملکی ایجنٹوں سے رابطے کا الزام ہے۔مزید بین الاقوامی خبریں
-
ورلڈ بینک کی حالیہ رپورٹ میں افغانستان کی تباہ کن معیشت کے متعلق نئی معلومات منظرعام پر آگئیں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.