لاہور ہائیکورٹ نے چیف جسٹس اسلام آبادہائیکورٹ کی گاڑی روکنے کا نوٹس لے لیا

جمعہ 10 جنوری 2014 21:23

لاہور(اُردو پوائنٹ اخبار تازہ ترین۔10جنوری۔2014ء) لاہور ہائیکورٹ نے چیف جسٹس اسلام آباد ہائیکورٹ جسٹس انورکاسی اسلام آبادکی گاڑی بلاوجہ روکنے کے معاملے کا نوٹس لے لیا۔

(جاری ہے)

رجسٹرار کے مطابق چیف جسٹس اسلام آباد ہائیکورٹ جسٹس انورکاسی براستہ موٹروے لاہور آرہے تھے کہ پولیس نے گاڑی روک کر ایک اہم شخصیت کے بیٹے کی گاڑی کو بغیر چیکنگ جانے دیا۔ رجسٹرار کا کہنا ہے کہ اعتراض کرنے پر پولیس اہلکار نے چیف جسٹس اسلام آباد کی گاڑی پر مکے بھی مارے۔ عدالت نے آئی جی پولیس پنجاب کو واقعے کی تحقیقات کا حکم دے دیا۔