قاضی حسین احمد کو ہم سے جدا ہوئے ایک سال بیت گیا

پیر 6 جنوری 2014 12:06

لاہور(اُردو پوائنٹ تازہ ترین اخبار۔ 6جنوری 2014ء) جماعت اسلامی کے تیسرے امیرقاضی حسین احمد کو ہم سے جدا ہوئے آج ایک سال بیت گیا،قاضی حسین احمدنے1938ء میں نوشہرہ میں آنکھ کھولی،10بہن بھائیوں میں سب سے چھوٹے تھے،جغرافیہ میں ایم ایس سی کی اور استاد بنے،پھر کاروبار شروع کیا اور پشاور چیمبر آف کامرس اینڈ انڈسٹری کے نائب صدر منتخب ہوئے،دوران تعلیم 1970ء میں اسلامی جمعیت کے رکن بنے اور 1978میں جماعت اسلامی کے سیکرٹری جنرل بنے۔

(جاری ہے)

1987 کو پہلی بار جماعت اسلامی کے امیر مقرر ہوئے۔معتدل رویے کے حامل سیاستدان قاضی حسین احمد ، جماعت اسلامی کے کامیاب امیر گردانے جاتے تھے،اسی لئے4 بار امیر مقرر کئے گئے۔قاضی حسین احمد نے متحدہ مجلس عمل کے قیام میں مرکزی کردار ادا کیا ، ایم ایم اے نے اس وقت کے صوبہ سرحد میں حکومت بھی تشکیل دی۔ جنرل مشرف کے دور میں افغانستان پر امریکی حملے اور گستاخانہ خاکوں کے خلاف احتجاج کے دوران قاضی حسین احمد پابند سلاسل بھی رہے ، ان کی قیادت کے دوران نعرہ"ظالمو قاضی آ رہا ہے"بھی وجود میں آیا اور ضرب المثل بنا۔

متعلقہ عنوان :