فاٹا متاثرین کی مکمل بحالی سے چین تک نہیں بیٹھیں گے،بحالی کیلئے ہر ممکن جدوجہد اور قربانی دینگے،چار سال سے متاثرین کی مسلسل خدمت کر رہے ہیں،آفتاب شیر پاؤ کو آج متاثرین یاد آئے،شیر پاؤ بتائیں جب وہ وزیر داخلہ تھے اور فوج قبائلی علاقوں میں بھجوا رہے تھے اس وقت ان کی پشتون ولی اور غیر ت کہاں مر گئی تھی؟،تحریک انصاف فاٹا کے زیر اہتمام جلوزئی کیمپ میں جلسے سے اقبال آفریدی و دیگر کا خطاب
اتوار 5 جنوری 2014 18:30
پشاور(اُردو پوائنٹ اخبار تازہ ترین۔5 جنوری ۔2014ء) تحریک انصاف فاٹا نے جلوزئی کیمپ میں رہائش پذیرمتاثرین کی بحالی کیلئے ہر ممکن جدوجہد کرنے اور ان کی بحالی نہ ہونے تک چین سے نہ بیٹھنے کا اعلان کیا ہے ۔تحریک انصاف فاٹا نے اتوار کو جلوزئی متاثرین کیمپ میں ایک جلسہ ء عام کا انعقاد کیا جس میں ہزاروں کی تعداد میں متاثرین نے شرکت کی۔جلسہ تحریک انصاف فاٹا کے رہنما حاجی اقبال آفریدی نے منعقد کیا جبکہ پی ٹی آئی ضلع پشاور کے جنرل سیکرٹری یونس ظہیر مہمند،گل باچا اور اصغر خلیل نے بھی جلسے سے خطا ب کیا۔
حاجی اقبال آفریدی نے جلسے سے خطاب کرتے ہوئے کہا کہ تحریک انصاف فاٹا کے متاثرین کیلئے روز اول سے جدوجہد کرتی چلی آ رہی ہے اور جلوزئی کیمپ میں متعدد بار متاثرین میں راشن،نقدی اور اشیائے ضروریہ تقسیم کی گئیں۔(جاری ہے)
انھوں نے کہا کہ چار سال سے متاثرین کی مسلسل خدمت کر رہے ہیں اور ان کی مکمل بحالی تک چین سے نہیں بیٹھیں گے ۔اقبال آفریدی نے قومی وطن پارٹی کے چیئرمین آفتاب شیرپاؤ پر تنقید کرتے ہوئے کہا کہ آفتاب شیر پاؤ کو آج چار سال بعد متاثرین یاد آئے اور انھوں نے جلوزئی کیمپ کا دورہ کیا۔
شیر پاؤ یہ بتائیں کہ جب وہ وفاقی وزیر داخلہ تھے اور فوج قبائلی علاقوں میں آپریشن کیلئے جا رہی تھی تو اس وقت ان کی پشتون ولی اور غیر ت کہاں مر گئی تھی؟آج چار سالوں کے بعد یہاں آ کر انھوں نے جھوٹے دعوے اور وعدے کئے اور قبائل کی دل آزاری کی ۔انھوں نے کہا کہ آفتاب شیر پاؤ کو پختونوں بالخصوص قبائلیوں سے اپنے کرتوتوں پر معافی مانگنی چاہئے جب تک وہ علی الاعلان پختونوں سے معافی نہیں مانگتے تب تک کوئی پختون ان کے جھوٹے دعوؤں پر یقین نہیں کریگا۔انھوں نے کہا کہ جلوزئی کیمپ سمیت جہاں بھی قبائلی متاثرین ہونگے تحریک انصاف فاٹا ان تک پہنچے گی اور ان کی بحالی کیلئے ہر ممکن جدوجہد کریگی۔ان کا کہنا تھا کہ اسلام اورپشتونوں کے نام پر سیاست کرنیوالوں نے کبھی اس خطے کے پشتونوں سے وفانہیں کی بلکہ پشتونوں کواپنے ذاتی مفادات اور سیاست کی بھینٹ چڑھایا۔جلسے میں جلوزئی کیمپ کا دورہ کرنیوالے آفتاب شیر پاؤ کیخلاف نعرے بازی بھی کی گئی۔واضح رہے کہ اتوار کو جلوزئی کیمپ میں قومی وطن پارٹی نے بھی جلسہ کیا جس میں چند سو افراد نے شرکت کی جبکہ تحریک انصاف فاٹا کے جلسے میں ہزاروں کی تعداد میں قبائلی عمائدین اور عوام نے شرکت کی ۔متعلقہ عنوان :
مزید قومی خبریں
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.