ایشز سیریز کے آخری ٹیسٹ میچ کے تیسرے دن آسٹریلیا نے انگلینڈ کو 281 رنز سے شکست دیکر ایشز سیریز 5-0سے جیت لی ،انگلینڈ کے بلے باز آسٹریلیا کے بولروں کے سامنے ریت کی دیوار ثابت ہوئے ، وکٹیں خزاں کے پتوں کی طرح گرتی رہیں، انگلینڈ کی سات وکٹیں مجموعی سکور میں صرف 79 رنز کا اضافہ کر سکیں ،پوری ٹیم دوسری اننگز میں 166 رنز پر ہی ڈھیر ہو گئی،آسٹریلیا کی جانب سے دوسری اننگز میں ہیرس نے پانچ، جانسن نے تین اور نیتھن لیون نے دو وکٹیں حاصل کیں
اتوار 5 جنوری 2014 13:05
سڈنی (اُردو پوائنٹ اخبار تازہ ترین۔5 جنوری ۔2014ء) ایشز سیریز کے آخری ٹیسٹ میچ کے تیسرے دن آسٹریلیا نے انگلینڈ کو 281 رنز سے شکست دیکر ایشز سیریز 5-0سے جیت لی ہے ،انگلینڈ کے بلے باز آسٹریلیا کے بولروں کے سامنے ریت کی دیوار ثابت ہوئے اور اس کی وکٹیں خزاں کے پتوں کی طرح گرتی رہیں۔سڈنی میں کھیلے گئے میچ کے تیسرے روز چائے کے وقفے پر انگلینڈ نے تین وکٹوں کے نقصان پر 87 رنز بنائے تھے۔
چائے کے وقفے کے بعد انگلینڈ کی باقی سات وکٹیں مجموعی سکور میں صرف 79 رنز کا اضافہ کر سکیں اور اس کی پوری ٹیم دوسری اننگز میں 166 رنز پر ہی ڈھیر ہو گئی۔انگلینڈ کی جانب سے ایلسٹر کک اور مائیکل کاربیری نے دوسری اننگز کا آغاز کیا۔انگلینڈ کا آغاز اچھا نہ تھا اور صرف سات رنز کے مجوعی سکور پر ایلسٹر کک سات رنزبنا کر آوٴٹ ہو گئے۔(جاری ہے)
انگلینڈ کو 37 رنز کے مجموعی سکور پر دوسرا نقصان اس وقت اٹھانا پڑا جب ائین بیل 16 رنز بنا کر پویلین لوٹ گئے۔
آسٹریلیا کی جانب سے دوسری اننگز میں ہیرس نے پانچ، جانسن نے تین اور نیتھن لیون نے دو وکٹیں حاصل کی اس سے پہلے آسٹریلیا کی جانب سے کرس راجرز اور جارج بیلے نے اتوار کو تیسرے دن کے کھیل کا آغاز کیا۔آسٹریلیا کی پوری ٹیم دوسری اننگز میں 276 رنز بنا کر آوٴٹ ہو گئی اور اس نے انگلینڈ کو جیتنے کیلئے 448 رنز کا ہدف دیا۔آسٹریلیا کی جانب سے دوسری اننگز میں کرس راجرز نے 15 چوکوں کی مدد سے 119 اور جارج بیلے نے چھ چوکوں کی مدد سے 46 رنز بنائے ان دونوں کے علاوہ آسٹریلیا کے دیگر بلے باز دوسری اننگز میں نمایاں کارکردگی کا مظاہرہ نہ کر سکے۔آسٹریلیا کے چھ بلے بازوں کا ہدف دوہرے ہندسے تک نہ پہنچ سکا۔انگلینڈ کی جانب سے دوسری اننگز میں بورتھ وک نے تین، جیمز اینڈرسن، سٹوارٹ براڈ اور بین سٹوکس نے دو دو کھلاڑیوں کو آوٴٹ کیا اس سے قبل انگلینڈ نے ٹاس جیت کر آسٹریلیا کو بیٹنگ کی دعوت دی تھی۔آسٹریلیا کی شروعات اچھی نہیں تھی تاہم سٹیون سمتھ کے 115 رنز اور بریڈ ہیڈن کے 75 رنزکی بدولت آسٹریلیا نے پہلی اننگز میں 326 رنز بنائے۔انگلینڈ کی جانب سے پہلی اننگز میں سٹوکس نے چھ، سٹوارٹ براڈ نے دو اور اینڈرسن اور بورتھ وک نے ایک ایک کھلاڑی کو آوٴٹ کیا۔انگلینڈ کی ٹیم پہلی اننگز میں صرف 155 رنز بنا کر پویلین لوٹ گئی تھی اور یوں آسٹریلیا کو انگلینڈ پر 171 رنز کی برتری حاصل ہوئی تھی۔متعلقہ عنوان :
مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.