پرویز مشرف کو بیرون ملک جانے سے روکنے کیلئے درخواست دائر
بند کریں
تازہ ترین ایڈ یشن کے لیے ابھی کلک کریں
جمعہ جنوری

اسلام آباد

پرویز مشرف کو بیرون ملک جانے سے روکنے کیلئے درخواست دائر

اسلام آباد(اُردو پوائنٹ تازہ ترین اخبار۔ 3جنوری 2014ء) پرویز مشرف کو بیرون ملک جانے سے روکنے کیلئے اسلام آباد ہائیکورٹ میں درخواست دائر کر دی گئی۔ درخواست لال مسجد شہدا فائونڈیشن کے حافظ احتشام کی جانب سے دائر کی گئی ہے۔ لال مسجد شہدا فائونڈیشن کی جانب سے دائر کروائی گئی درخواست میں وفاقی وزیر داخلہ، سیکرٹری داخلہ اور آئی جی اسلام آباد کو فریق بنایا گیا ہے۔

درخواست میں موقف اختیار کیا گیا ہے کہ سابق صدر پرویز مشرف غازی عبدالرشید کیس اور مقدمات میں ملوث ہیں۔ اس لئے انھیں پاکستان میں علاج کی بہترین سہولیات فراہم کی جائیں۔ واضع رہے کہ سابق صدر پرویز مشرف عسکری ادارہ برائے امراض قلب میں زیر علاج ہیں۔ انہیں علاج کے لئے لندن منتقل کئے جانے کا امکان ہے۔ لندن کے دو معروف ڈاکٹروں سے رابطہ کر لیا گیا ہے۔

سابق صدر پرویز مشرف کی سکیورٹی کے لئے ہسپتال میں رینجرز کی اضافی نفری تعینات کر دی گئی ہے۔ ذرائع کے مطابق جنرل ریٹائرڈ پرویز مشرف کے قریبی ساتھیوں کی جانب سے لندن کے دو بڑے ہسپتالوں کارڈیو ویسکو کلینک ہارلے سٹریٹ اور ویلنگٹن ہسپتال سے رابطہ کیا گیا ہے۔ لندن کارڈیو ویسکولر کلینک کے ڈاکٹر اقبال ملک اور ویلنگٹن ہسپتال کے ڈاکٹر جارج امین یوسف بھائی سے پرویز مشرف کے علاج معالجے کے لئے وقت لیا جارہا ہے۔

ذرائع کے مطابق پرویز مشرف کے خون کے نمونے حاصل کر لئے گئے ہیں۔ سابق صدر کی ابتدائی میڈیکل رپورٹس آج لندن بھیجی جائینگی جن کو دیکھ کر ہی ڈاکٹرز ان کے علاج سے متعلق کوئی فیصلہ کریں گے۔ برطانوی ڈاکٹروں کی جانب سے علاج کیلئے دیا گیا ٹائم شیڈول غداری کیس کی اگلی سماعت پر عدالت میں پیش کیا

اس خبر کی تفصیل پڑھنے کیلئے یہاں پر کلک کیجئے

03/01/2014 - 11:56:18 :وقت اشاعت

:متعلقہ عنوان