قرآن پر ہاتھ رکھ کر حلف دینے کو تیار ہوں کہ ملک ریاض سے آج تک ایک روپیہ نہیں لیا،عمران خان،عدلیہ کی آزادی کے تحفظ کیلئے لانگ مارچ سمیت کچھ بھی کرنے سے گریز نہیں کریں گے،ارسلان افتخار کو سامنے رکھ کر افتخار چوہدری کو گرانے کی کوشش کی جا رہی ہے ہم ایسا نہیں ہونے دیں گے، ملک ریاض نے پاکستان کو نیلام گھر بنا دیا ہے ،وہ قرآن ہاتھ میں لے کر بتائے کہ اب تک کن سیاستدانوں، جرنیلوں، بیوروکریٹس اور صحافیوں کو پیسے دیئے، چور ڈاکو، لٹیرے اور قبضہ گروپ آزاد عدلیہ اور افتخار محمد چوہدری کو نہیں دیکھنا چاہتے، تھوڑے سے لوگ ملک میں سٹیٹس کو کو برقرار رکھ کر تبدیلی کی راہ میں رکاوٹ ہیں، میمو سکینڈل میں زرداری براہ راست ملوث ہیں سب کو کٹہرے میں لانا ہو گا، شفاف انتخابات نہ ہوئے تو بہت بڑا انقلاب دیکھ رہا ہوں، تحریک انصاف کے چیئرمین عمران خان کی لاہور آمد پر میڈیا سے ایئرپورٹ پرگفتگو