امریکامیں بلوچستان کے مسئلے پربحث قبول نہیں،حنا ربانی کھر ،جمہوری حکومت کے مثبت اقدامات کی وجہ سے اس وقت پاکستان کی معیشت بہتری کی طرف رواں ہے ، وزیر خارجہ کاآکسفورڈ یونیورسٹی میں پاکستانی سوسائٹی سے خطاب

منگل 21 فروری 2012 11:42

وزیرخارجہ حناربانی کھر نے کہا ہے کہ پاکستان خطے میں امن او استحکام کے لیے کوشاں ہے ۔ بلوچستان کامسئلہ پاکستان کا اندرونی معاملہ ہے ۔ بیرورنی ممالک سے امداد کے بجائے تجارت کو ترجیح دے رہے ہیں۔برطانیہ کی آکسفورڈ یونیورسٹی میں پاکستانی سوسائٹی سے خطاب کرتے ہوئے ان کا کہنا تھا کہ برطانیہ نے پاکستان میں ہمیشہ جمہوری حکومتوں کی حمایت کی ہے اور برطانیہ نے حالات کے پیش نظر کئی ممالک کی امداد بند کی، لیکن پاکستان کی امداد بڑھا ئی ہے ۔

(جاری ہے)

انہوں نے واضح کیا کہ بلوچستان پر امریکا میں بحث کسی صورت قبول نہیں، یہ مسئلہ پاکستان کااندرونی معاملہ ہے ۔ پاکستان نے دہشت گردی کے خلاف جنگ میں بڑی قربانیاں دی ہیں۔ وزیر خارجہ کا کہنا تھا کہ کچھ وقت قبل برطانوی وزیر اعظم ڈیوڈ کمرون نے اسٹریجٹک ڈائلاگ شروع کئے تھے ، وہ انہیں مزید بڑھانے کے لئے برطانیہ پہنچی ہیں۔ وزیرخارجہ نے طلبہ کو بتایا کہ جمہوری حکومت کے مثبت اقدامات کی وجہ سے اس وقت پاکستان کی معیشت بہتری کی طرف رواں ہے ۔

Facebook Twitter Google + Share on Whatsapp

متعلقہ عنوان :

مزید اہم خبریں