صدر آصف علی زر داری کو آئینی تحفظ حاصل ہے این آر او کی منسوخی سے نا اہل نہیں ہونگےم شیر افگن نیازی
جمعہ 11 دسمبر 2009 18:26
(جاری ہے)
جمعہ کو مسلم لیگ ہاؤ س میں ذرائع ابلاغ سے غیر رسمی بات چیت کرتے ہوئے ڈاکٹر شیر افگن نے کہاکہ آئین کے آرٹیکل 62اور 63صدر مملکت پر لاگو نہیں ہوتا این آر او تاحال قومی اسمبلی کی قائمہ کمیٹی کے پاس ہے اسے پارلیمنٹ نے واپس نہیں کیا مسلم لیگ ق کے دور میں وفاقی کابینہ میں وزیر اعظم نے این آر او کے حوالے سے نہ صرف بریفنگ دی تھی این آر او بنانے والے چیئر مین سینٹ فاروق ایچ نائیک تھے جبکہ چوہدری شجاعت حسین اور بے نظیر بھٹو اور پرویز مشرف کی باہمی رضا مندی سے ہوا اس کے نتیجے میں بے نظیر بھٹو اور میاں برادران پاکستان واپس آ ئے ڈاکٹر شیر افگن نے ایک سوال کے جواب میں کہاکہ جس طرح انہوں نے ضلعی نظام حکومت کے حوالے سے کہا تھا کہ 31دسمبر 2009ء تک ختم نہیں ہونگے اور جب تک شیڈول 6 سے نہیں نکالا جاتا اس وقت ضلعی نظام حکومت کو تحفظ حاصل ہے اسی طرح اب کہہ رہا ہوں کہ صدر مملکت کو این آر او سے کوئی خطرہ نہیں ہے انہیں مکمل تحفظ حاصل ہے سابق صدر پرویز مشرف پر بھی آرٹیکل 6لاگو نہیں ہو سکتی ایک اور سوال کے جواب میں ڈاکٹر شیر افگن نیازی نے کہاکہ سابق صدر پرویز مشرف جلد وطن واپس آ کر ملکی سیاست اور بالخصوص مسلم لیگ میں اہم کر دار ادا کرینگے کیونکہ پوری قوم ان کے ساتھ ہوگی موجودہ قیادت کے ساتھ عوام نہیں ہے مسلم لیگ ہم خیال والے بھی واپس آ جائیں گے ایک اور سوال کے جواب میں انہوں نے کہاکہ 1973ء کا آئین سویلین ڈکٹیٹر شپ تھا لیکن موجودہ آئین میں وزیراعظم اور صدر کے اختیارات میں توازن ہے قائد اعظم ذو الفقار علی بھٹو، بے نظیر بھٹو کے بعد ملک میں وژن رکھنے والا شخص صرف پرویز مشرف ہے ڈاکٹر شیر افگن نیازی نے ججز بحالی تحریک کے حوالے سے تبصرہ کرتے ہوئے کہاکہ امریکی وزیر خارجہ ہیلری کلنٹن آرمی چیف جنرل اشفاق پرویز کیانی اور ڈی جی آئی ایس آئی کی مداخلت سے افتخار محمد چوہدری بطور چیف جسٹس بحال کئے گئے جبکہ میاں محمد نواز شریف کا لانگ مارچ ڈیل میں شامل تھا انہوں نے کہاکہ میاں نواز شریف کو پہلے ہی بتا دیا گیا تھاجسٹس ڈوگر کی ریٹائر منٹ کے بعد چیف جسٹس افتخار محمد چوہدری بحال ہو نگے اسی ڈیل کی وجہ سے لانگ مارچ کا ڈرامہ رچایا گیا تھا اگر میاں نواز شریف گوجرانوالہ سے آگے آتے تو پھر 300باکس تیار پڑے تھے میاں نواز شریف کے سیاسی مستقبل سے متعلق سوال پر مختصر تبصرہ کرتے ہوئے انہوں نے کہاکہ میاں نواز شریف رہیں گے تو ان کا سیاسی مستقبل ہوگا ۔
متعلقہ عنوان :
مزید اہم خبریں
-
سولر پینل بنانے والوں کو 10 سالہ مراعات دینے کی پالیسی تیار
-
سی ویو کے ساحل پر نوجوان کی مبینہ خودکشی کا ڈراپ سین ،نوجوان گھر واپس پہنچ گیا
-
سائفر کیس میں سزا سنانے والے جج کو واپس لاہور ہائیکورٹ بھیجنے کی سفارش
-
اسلام آباد ہائیکورٹ کا بشریٰ بی بی کے پرائیویٹ لیب سے طبی معائنے کا حکم
-
پاکستان سٹاک ایکسچینج میں نئے ریکارڈز، تاریخ میں انڈیکس پہلی بار 72 ہزار کی نفسیاتی حد عبور کر گیا
-
حکومت کا چینی کی ذخیرہ اندوزی اور سمگلنگ کیخلاف کریک ڈاؤن کا فیصلہ
-
پاکستان ایران نئے معاہدوں پر پیشرفت ہوئی تو پابندیاں لگ سکتی ہیں، امریکہ کی وارننگ
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.