Daily UrduPoint.com, Urdu News, Updated 24x7

سپریم کورٹ نے ملک ریاض کے ڈاکٹر ارسلان افتخار کو کروڑوں روپے دینے کے شواہد طلب کرلئے، ٹی وی چینل کے متعلقہ پروگراموں کا ریکارڈ بھی پیش کرنے کی ہدایت، چیف جسٹس کے بیٹے کے کیس کی سماعت کرنے بارے اٹارنی جنرل کااعتراض مسترد،ڈاکٹر ارسلان ملزم ہوا تو قانون کے مطابق کارروائی ہو گی ، فیصلہ قرآنی احکامات کے مطابق ہوگا ،چیف جسٹس کے ریمارکس:
سپریم کورٹ نے چیف جسٹس افتخارمحمدچوہدری کے صاحبزادے ڈاکٹر ارسلان افتخار کو بحریہ ٹاو ن کے مالک ملک ریاض کی طرف سے کروڑوں روپے کی رقوم اور فوائد دیئے جانے کے الزامات سے متعلق شواہدپرمبنی موادطلب کرلیا ، ٹی وی چینل کے متعلقہ پروگراموں کا ریکارڈ بھی پیش کرنے کی ہدایت، چیف جسٹس افتخارمحمدچودھری نے ریمارکس دیتے ہوئے کہا ہے کہ فیصلہ قرآنی احکامات کے مطابق ہوگا ۔ اٹارنی جنرل نے عدالت کو بتایا کہ ضابطہ اخلاق کے مطابق چیف جسٹس کو اس مقدمے کی سماعت نہیں کرنی چاہیے کیونکہ اس میں ان کا بیٹا فریق ہے تاہم چیف جسٹس نے ان کااعتراض مسترد کرتے ہوئے کہاکہ یہ سیاسی معاملہ نہیں ڈاکٹر ارسلان ملزم ہوا تو اس کیخلاف قانون کے مطابق کارروائی ہو گی ہمیں ضابطہ اخلاق کا علم ہے۔ انہوں نے حدیث کے حوالے دے کر بتایا کہ یہ معاملہ ذاتی نہیں ادارے کی عزت کا ہے۔ اٹارنی جنرل نے چیف جسٹس سے کہاکہ آپ جذباتی ہو رہے ہیں میں کہہ رہا ہوں کہ آپ بنچ سے الگ ہو جائیں اورکیس کسی اور بنچ کے حوالے کریں۔ایک موقع پر جسٹس خلجی عارف نے کہاکہ ہم تو اس کے پیروکار ہیں جس نے کہاتھاکہ حضرت فاطمہ کو بھی سزا دے سکتے ہیں ۔جسٹس جواد ایس خواجہ نے کہاکہ ہمیں جذباتی ہونے کی ضرورت نہیں۔۔۔ مزید

سپریم کورٹ نے سپیکرقومی اسمبلی کی رولنگ کے خلاف دائرتمام درخواستوں کو سماعت کیلئے منظورکرلیا، سپیکر قومی اسمبلی ، اٹارنی جنرل اوروفاق سمیت تمام فریقین کو نوٹس جاری ، سماعت 14 جون تک ملتوی:
سپریم کورٹ نے وزیراعظم کے خلاف توہین عدالت کے مقدمے میں سات رکنی لارجربنچ کے فیصلے پر سپیکرقومی اسمبلی ڈاکٹرفہمیدہ مرز کی رولنگ کے خلاف دائرتمام درخواستوں کو سماعت کیلئے منظورکرتے ہوئے سپیکر قومی اسمبلی، اٹارنی جنرل، وفاق، اسٹیبلشمنٹ اور کابینہ ڈویژن کے سیکرٹریوں سمیت تمام فریقین کو نوٹس جاری کردیئے ،سماعت 14 جون تک ملتوی کردی گئی۔بدھ کو چیف جسٹس افتخار محمد چوہدری کی سربراہی میں عدالت عظمیٰ کے تین رکنی بنچ نے سپیکر کی رولنگ کیخلاف متعدد درخواستوں کی سماعت کی۔ درخواست گزار سپریم کورٹ کے سینئر وکیل اظہر صدیق کے وکیل اے کے ڈوگر نے اپنے دلائل کا آغاز کرتے ہوئے عدالت کو بتایا کہ وزیراعظم سید یوسف رضا گیلانی نے اعلی عدلیہ کے فیصلے کی حکم عدولی کی یہ معاملہ عوامی نوعیت کا ہے وزیراعظم توہین عدالت کے مقدمے میں نااہل ہوچکے ہیں سات رکنی بنچ نے اپنے فیصلے میں لکھا ہے کہ وزیراعظم نے جان بوجھ کر عدالتوں کا مذاق اڑایا عدالت نے بھی یہ قرار دیا ہے کہ وزیراعظم دانستہ طور پر عدالت کی حکم عدولی کررہے ہیں فیصلے کی مطابق وزیراعظم کے اقدام سے ظاہر ہوچکا ہے کہ وہ عدالتی احکامات کا مذاق اڑا رہے ہیں چونکہ وزیراعظم کو نہ صرف سزا ہوئی بلکہ انہوں نے سزا بھگت بھی لی ہے عدالتی حکم سے انحراف آئین کی پامالی کے مترادف ہے۔ جسٹس خلجی عارف حسین نے کہا کہ اپیل نہ کرنے کا مطلب یہ ہے کہ وزیراعظم نے عدالت کا فیصلہ قبول کرلیا ہے۔ چیف جسٹس نے جوڈیشل بورڈ کے ڈپٹی رجسٹرار خالد سے استفسار کیا کہ کیا سپریم کورٹ کی کسی برانچ یا ماتحت عدالت میں کوئی اپیل دائر کی گئی ہے جس پر انہوں نے بتایا کہ ابھی تک کوئی اپیل دائر نہیں کی گئی ۔۔۔ مزید

نائن الیون حملوں کی منصوبہ بندی پاکستان میں کی گئی، امریکی وزیردفاع	پاکستان کے پاس ڈرون گرانے کے صلاحیت موجود ہے ، ڈاکٹرعبدالقدیر	ارسلان کیس، چیف جسٹس نے کیس کے فیصلے تک بیٹے کوگھر سے نکال دیا
سانحہ سلالہ کے بعد نیٹو سپلائی بندکرنے کا فیصلہ جنرل کیانی نے کیا تھا،امریکی اخبار	آنیوالے دنوں میں حکومت مخالف احتجاج میں شدت لائیں گے، چوہدری نثار	قومی اسمبلی اجلاس، ڈپٹی سپیکر،خورشید شاہ نے (ن) لیگ کا ہنگامہ آرائی کا منصوبہ ناکام بنا دیا
حکومت چیف جسٹس کے صاحبزادے کیخلاف کوئی سازش نہیں کررہی،وزیر اطلاعات	شریف برادران کیخلاف کرپشن کا بڑا کیس فائل کروں گا،رحمان ملک	میں نے ایسا کوئی نہیں کیا جس پر شر مندگی ہو،ارسلان افتخار

آج کا سوال
انتخابات میں‌ اکثریت حاصل کرنے کے بعد مسلم لیگ ن آئندہ حکومت بنائے گی، آپ کے خیال میں نئی حکومت کو درپیش اہم مسائل کون سے ہوں گے اور کیا نئی حکومت ان مسائل سے نبردآزما ہو سکے گی؟
آپ اس سوال پر ووٹ دینے کے علاوہ اپنا تبصرہ بھی شامل کر سکتے ہیں۔
ملک کا اہم مسئلہ لوڈشیڈنگ ہے ۔

عسکریت پسندی، دہشتگردی کو ختم کرنا اہم مسئلہ ہے جس کی وجہ سے پاکستان کی بدنامی ہو رہی ہے۔

ملکی معیشت لڑکھڑا رہی ہے ، معیشت درست کرنے پر دیگر مسائل سے نمٹنا آسان ہو گا۔




نتائج
اپنی رائے دیجئے
دوسرے قارئین کی رائے پڑھئیے۔
پرانے / دیگر سوالات