بند کریں
تازہ ترین ایڈ یشن کے لیے ابھی کلک کریں
بدھ اپریل

آج کی اہم خبریں (2016-04-27)

پانامہ لیکس تحقیقات کمیشن کے ٹی او آرز پر حکومت ڈٹ گئی، اپوزیشن تنقید برائے تنقید کررہی ہے ٹی او آرز میں کوئی تبدیلی نہیں ہوگی،وفاقی وزیر قانون

پاکستان اور برطانیہ کا عمران فاروق قتل ، منی لانڈرنگ کیس کی آزادانہ و شفاف تحقیقا ت پر اتفاق ،دونوں ممالک اپنے متعلقہ قوانین کے مطابق تحقیقات کریں گے، نثارتھریسامے ملاقات میں پاکستان اور برطانیہ مابین خفیہ معلومات کا تبادلہ مضبوط بنانے کیلئے مشترکہ ٹیم بنانے پر اتفاق کیا گیا،اس میں نیکٹا اور وزارت داخلہ کے حکام بھی شامل ہونگے، تحقیقاتی ایجنسیاں ایک دوسرے کے ملکوں کا دورہ کریں گی ، وزیر داخلہ چوہدری نثار اور برطانوی ہم منصب کے درمیان ملاقا ت میں اتفاق، اعلامیہ جاری ، دہشت گردی عالمی مسئلہ بن چکا ہے‘ پاکستان کو کئی بار دہشت گردوں سے لڑنے کیلئے تنہا چھوڑ دیا گیا، چوہدری نثار ، پاکستان کے سیکورٹی مسائل دوسروں کی وجہ سے پیدا ہوئے ہیں، دہشت گردی کے مسئلے کے حل کو تھونپنا نہیں چاہیے بلکہ عالمی برادری کو مل کر کوشش کرنا ہوگی ،وزیر داخلہ کا انٹرنیشنل انسٹی ٹیوٹ آف سٹریٹجک سٹڈیز سے خطاب

پاک بھارت سیکرٹری خارجہ ملاقات ، مسئلہ کشمیر سمیت اہم امور پر تبادلہ خیال،مسئلہ کشمیر اقوام متحدہ کی قرار دادوں اور کشمیریوں کی خواہشات کے مطابق حل کیا جائے ،اعزاز چوہدری،بھارت نے کلبھوشن یادیوسمیت دیگربھارتی قیدیوں کامعاملہ اٹھایا ہے،رپورٹ

99 ء سے 2013 ء تک پاکستان میں توانائی کے شعبے میں کوئی سرمایہ کاری نہیں کی گئی ،نواز شریف، بجلی کی طلب میں اضافے ہوا اور ملک میں لوڈشیڈنگ 18 گھنٹے تک پہنچ گئی ،توانائی منصوبوں کی تکمیل سے ملکی معیشت میں مزید بہتری آئے گی ، وزیر اعظم کا اجلاس سے خطاب ،اجلاس میں ملک میں جاری توانائی کے منصوبوں کا جائزہ لیا گیا ،کچھ لوگ حکومت پر ناجائز تنقید کرکے ہمیں ترقی کے سفر سے ہٹانا چاہتے ہیں، نواز شریف، تنقیدی عنا صر اپنے مذموم مقاصد میں کبھی کامیاب نہیں ہونگے،پاکستان میں ترقی اور خوشحالی کا سفر جاری رہے ، وزیراعظم کا اراکین قومی اسمبلی سے ملاقات میں اظہا ر خیال

آرمی چیف کی شاہ عبداﷲ سے ملاقات ، دفاعی تعاون بڑھانے اور علاقائی سلامتی بارے تبادلہ خیال، دہشتگردی کے خلاف جنگ میں پاک فوج کی کامیابیوں کو سراہتے ہیں، شاہ عبد اﷲ ،دونوں ممالک کے درمیان برادرانہ تعلقات شراکت داری میں بدل رہے ہیں، اردن کے حکمران اور جنرل راحیل شریف میں اتفاق

سپریم کورٹ نے کئی سال سے بند قرضہ معافی کیس کی فائل پھر کھول دی، 2007میں سپریم کورٹ نے سیاستدانوں کی جانب سے مختلف بینکوں سے قرض لینے اور معاف کرانے پر سوموٹو نو ٹس لیا تھا

اپوزیشن لیڈر خورشید کے غلام بلور اور آفتاب شیرپاؤ سے ٹیلی فونک رابطے،دو مئی کو اپوزیشن کے اجلاس میں شرکت کی دعوت

کراچی ، احتساب عدالت نے ڈاکٹر عاصم کویواے ای سفارتخانے اوردفتر خارجہ جانے کی اجازت دے دی

ملک میں کھڑپینچوں کی بھرمار ہے تاہم کوئی آئین اور قانون سے بالاتر نہیں،سپریم کورٹ، کھڑپینچی کیلئے عمر کی کوئی حد نہیں،ہر سطح پر ہوتے ہیں ، وکلاء اور ججوں میں بھی کھڑپینچ موجود ہیں،جسٹس آصف سعید کھوسہ،عدالت عظمیٰ نے قتل کے مجرمان کی عمر قید کی سزا پھانسی میں تبدیل کرنے کے کیس میں ہائیکورٹ کا فیصلہ برقرار رکھا،اپیل خارج

دہشت گردوں میں عدم تفریق پر یقین رکھتے ہیں‘افغا ن صدر کا بیان درست نہیں‘ پاکستان ، افغان حکومت اور طالبان کے درمیان مصالحت کے لیے پاکستان نے سنجیدہ کاوشیں کی ہیں: تر جما ن دفتر خارجہ، افغان طالبان کو مذاکرات کی میز پر لانے کی ذمہ داری تنہا پاکستان پر ہی نہیں ہے، نفیس ذکریا

ایم کیو ایم کے ٹارگٹ کلر کاشف ڈیوڈ کا دوران تفتیش سنسنی خیز انکشافات،متحدہ کی ٹارگٹ کلنگ ٹیمیں تین دھڑوں میں تقسیم ہیں،تینوں ٹیموں کا نام ”اے ،بی ،سی“ ہے،ملزم کا فرقہ وارانہ ٹارگٹ کلنگ اور دبئی میں پاکستانی تاجروں سے بھتہ وصولی کا اعتراف

ایف بی آر کا پانامہ لیکس پر تحقیقات کا آغاز کرنے کا دعویٰ غیر مستند ثابت ہو گیا، دوطرفہ ٹریٹی نہ ہونے کے باعث پاکستان پانامہ سے مالی معلومات اور دستاویزات تک رسائی نہیں کر سکتا

جہانگیر ترین کا فاروقی پلپ کمپنی اپنے داماد سے خریدنے کا اعتراف،فاروقی پلپ کمپنی اپنے داماد سے خریدی ، کمپنی خریدنے سے قبل تمام قرضے معاف ہو چکے تھے ، اثرو رسوخ استعمال کرکے قرضے معاف کروانے کا تاثر غلط ہے ، تحقیقات کے لئے کمیشن کے سامنے پیش ہونے کو تیار ہوں ، پاکستان تحریک انصاف کے رہنما جہانگیر ترین کا نجی ٹی وی کو انٹرویو

خیبرپختونخوا حکومت کی ڈیرن سیمی کو شہریت دینے کی تردید،زیر اعلی خیبرپختونخوا پرویز خٹک کے نام سے جعلی ٹوئٹر اکاونٹ بن گیا،۔ جعلی اکاونٹ سے ویسٹ اینڈیز کے کھلاڑی ڈیرن سیمی کو شہریت دینے کے حوالے سے ٹویٹ کی گئی، ترجمان مشتاق غنی