کرپشن کیخلاف ٹرین مارچ کا قافلہ کینٹ سٹیشن پشاور سے چل پڑا
کرپٹ اشرافیہ کے حساب ،احتساب کا دن قریب آگیا ، پاکستان کو بچانے ،کرپشن کیخلاف عوام کو منظم کرنے کے لئے نکلا ہوں،سراج الحق حکمران سن لیں اگر عدالت کے ذریعے احتساب نہ ہوا تو پھر مظلوم ،مجبور عوام کے ہاتھ ان کے گریبانوں پر ہوں گے، امیر جماعت اسلامی کا جلسے سے خطاب
بدھ 25 مئی 2016 20:30
پشاور(اُردو پوائنٹ اخبارتازہ ترین - این این آئی۔25 مئی۔2016ء) امیر جماعت اسلامی سینیٹر سراج الحق کی قیادت میں کرپشن کے خلاف ٹرین مارچ کا قافلہ کینٹ سٹیشن پشاور سے چل پڑا۔ پشاور سے لالہ موسیٰ تک ریلوے سٹیشنوں پر ٹرین مارچ کے شرکاء کا پرتپاک استقبال کیا گیا۔کرپشن فری پاکستان ٹرین مارچ پشاور سے جماعت اسلامی کے سیکرٹری جنرل لیاقت بلوچ، امیر جماعت اسلامی خیبر پختونخوا مشتاق احمد خان ، سیکرٹری جنرل عبدالواسع اور جماعت اسلامی فاٹا کے امیر صاحبزادہ ہارون الرشید و دیگر قائدین نے بھی خطاب کیا۔
جبکہ اس موقع پرجماعت اسلامی کے مرکزی نائب امیر ڈاکٹر راشد نسیم، اسد اﷲ بھٹو، مرکزی سیکرٹری اطلاعات امیر العظیم، صوبائی سیکرٹری اطلاعات محمد اقبال و دیگر بھی موجود تھے۔(جاری ہے)
کینٹ ریلوے سٹیشن پر ٹرین کی روانگی سے قبل جلسہ عام سے خطاب کرتے ہوئے امیر جماعت اسلامی سینیٹر سراج الحق نے کہا کہ کرپٹ اشرافیہ کے حساب اور احتساب کا دن قریب آگیا ہے۔
پاکستان کو بچانے اور کرپشن کے خلاف عوام کو منظم کرنے کے لئے نکلا ہوں۔پاکستان کے اندر کرپشن میں ملوث مافیاز کو اڈیالہ جیل اور نیک اور ایماندار لوگوں کو ایوانوں کے اندر دیکھنا چاہتا ہوں۔جنہوں نے اس ملک کو لوٹا ہے میں ان کے ہاتھوں میں ہتھکڑیاں دیکھ رہا ہوں۔ انشاء اﷲ پاکستان کرپشن فری پاکستان بنے گا ۔انہوں نے کہا کہ پشاور سے ٹرین مارچ اسے لئے شروع کی ہے کہ حکمرانوں کو آگاہ کروں کہ اگر عدالت کے ذریعے احتساب نہ ہوا اور دودھ کا دودھ اور پانی کا پانی نہ ہوا تو پھر مظلوم اور مجبور عوام کے ہاتھ آپ کے گریبانوں پر ہوں گے۔ حکمران اس دن سے ڈریں جب غریب جھونپڑی سے نکلے گا، مزدور، کسان اور دہقان زمینوں اور گاؤں سے نکل کر اسلام آباد کی طرف مارچ کریں گے۔انہوں نے کہا کہ بلوچستان کے لوگوں کے مٹکے پانی سے خالی ہیں جبکہ بیوروکریٹس کے پانی کے ٹینک بھی پیسوں سے بھرے پڑے ہیں۔ ایسے نظام کو نہیں مانتا جس میں محنت غریب کسان کرے اور پھل امیر کو ملے۔انہوں نے کہا کہ پاکستان کے عوام پر گزشتہ 68سال سے مختلف مافیاز مسلط ہیں۔ ان مافیاز کو زنجیروں میں جھکڑنے کا وقت آگیا ہے۔الحمدﷲ پانامہ لیکس میں جماعت اسلامی کے کسی لیڈر کا نام نہیں آیا۔ جن لوگوں کے نام پانامہ لیکس میں آئے ہیں ان سے کہتا ہوں کہ اپنی مرضی اور شعورکے ساتھ سیاست اور سرکاری منصب چھوڑ دیں۔ کرپشن ، کرپٹ پارٹیاں اور پاکستان ساتھ ساتھ نہیں چل سکتے۔انہوں نے کہا کہ حکومت بتائے امریکہ نے پاکستان کے حدود کی خلاف ورزی کیوں کی؟ امریکی پہلے حملہ کرتے ہیں اور پھر ہمارے اداروں کو اطلاع کرکے غیرت مند پاکستانی عوام کے زخموں پر نمک چھڑکتے ہیں۔ اگر حکمران پاکستان کی عزت ، وقار اور اس کے سرحدوں کی حفاظت نہیں کرسکتے تو پھر انہیں ایوانوں میں بیٹھنے اور بڑے بڑے نام اور کتبے سجانے کا کوئی حق نہیں۔ ہم خود پاکستان کا دفاع کرسکتے ہیں۔ حکمران راستے سے ہٹ جائیں، ان کی وجہ سے اندھیر نگری چوپٹ راج ہے۔حکومت کو خبردار کرنا چاہتے ہیں کہ ہمیں عزت کی موت قبول ہے لیکن بے غیرتی اور غلامی کی زندگی قبول کرنے کو تیار نہیں۔انہوں نے کہا کہ اگر امریکہ اسلام آباد ، پشاور یا کراچی پر حملہ کرے تو کیا پھر بھی وزیر اعظم کہیں گے کہ مجھے فون کرکے آگاہ کیا گیا تھا اس لئے حملہ جائز ہے؟حکمرانوں نے ملک کا دفاع اور سالمیت داؤ پر لگادی ہے۔ انہوں نے کہا کہ بنگلہ دیشن میں لوگ پاکستان کے لئے جانیں دے رہے ہیں۔ ادھر مطیع الرحمن نظامی پاکستان سے محبت کے جرم میں شہید ہورہے ہیں اور ادھر حکمران پاکستان کو لوٹ رہے ہیں۔ حکمرانوں کی وجہ سے پاکستان کا نظریہ محفوظ نہیں ۔ کوئی پاکستان کو لبرل بنانا چاہتا ہے اور کوئی سیکولر۔ ہم پاکستان کو لبرل اور سیکولر نہیں بننے دیں گے۔ انہوں نے کہا کہ ہم ایک ایسا پاکستان چاہتے ہیں جس میں نوجوان بے روزگار نہیں ہوں گے۔ جس میں کسان ، مزدور اور دہقان کو ان کی محنت اور پسینے کا پھل ملے گا۔ ہم ایک پاکستان بنانا چاہتے جہاں کرپشن نہیں ہوگی۔ قانون کی حکمرانی ہوگی۔ جرم چاہے صدر یا وزیر اعظم کرے یا کسی بازار کا چوکیدار، سب کو یکساں سزا ملے گی۔ انہوں نے کہا کہ پاکستان میں وسائل کی کمی نہیں ہے۔ ہر طرف سرسبز و شاداب زمینیں اور معدنیات سے بھرے پہاڑ ہیں۔ جوہمارے ملک کی خوشحالی کے لئے دنیا کا سب سے بڑا اثاثہ ہے۔لیکن کرپٹ اشرافیہ کی کرپشن کی وجہ سے ملک کے عوام ان وسائل کے ثمرات سے محروم ہیں۔ انہوں نے کہا کہ ٹرین مارچ کے آغاز پر پاکستان کے عوام کو خوشخبری سناتا ہوں کہ اب گزشتہ 68سال سے پاکستان پر مسلط مٹھی بھر کرپٹ شرافیہ کا یوم حساب قریب آچکا ہے۔ انشاء اﷲ ہماری اس تحریک کے نتیجے میں یہ کرپٹ اشرافیہ بہت جلد جیل کی سلاخوں کے پیچھے ہوگی۔متعلقہ عنوان :
پشاور میں شائع ہونے والی مزید خبریں
چارسدہ، تھانہ تنگی اور تھانہ خواجہ وس کے مختلف علاقوں میں پولیس کا سرچ اینڈ سٹرائیک آپریشن، 12 ملزمان ..
ضلعی انتظامیہ پشاور کا گرانفروشوں کے خلاف کریک ڈاؤن، 48 دکاندار گرفتار
صوبائی وزیر آبپاشی خیبرپختونخوا کا حالیہ بارشوں و ممکنہ سیلابی صورتحال کے پیش نظر ڈیرہ اسماعیل خان ..
وزیر اعلیٰ خیبر پختونخواکی زیر صدارت صوبائی ٹاسک فورس برائے انسداد پولیو کا اجلاس
معاون خصوصی برائے بہبود آبادی ملک لیاقت علی خان کی صدارت میں محکمہ بہبود آبادی کے حوالے سے اجلاس کا ..
مشیر سیاحت بارشوں سے متاثرہ وادی کاغان اور مانسہرہ کے دورے پر پہنچ گئے
خیبرپختونخوا میں ضمنی انتخابات،،حکومت نے پرامن انتخابات کیلئے ہدایات جاری کردی
ایمرجنسی صورتحال کے پیش نظر ڈی ایچ اوز اور ایم ایس کو ڈیوٹی سٹیشن چھوڑنے سے قبل ڈی جی ہیلتھ سے اجازت لینے ..
تعلیمی اداروں میں مارکیٹکی ضروریات کے مطابق مضامین متعارف کرانا چا ہتے ہیں، میناخان آفریدی
صوبائی وزیر برائے آبپاشی عاقب اللہ خان کا حالیہ بارشوں و ممکنہ سیلابی صورتحال سے متعلق ڈیرہ اسماعیل ..
وزیر اعلی خیبر پختونخوا علی امین گنڈاپورکی زیر صدارت صوبائی ٹاسک فورس برائے انسداد پولیو کا اہم اجلاس ..
جس بار کی جتنی ممبر شپ ہے ان کو ان کی ممبران کی تعداد سے فنڈ ملے گا،رانا مشہود احمد
پشاور سے متعلقہ
پاکستان کی تازہ ترین خبریں
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
لاہور : تین سرکاری ہسپتالوں کیلئے اربوں روپے کا بجٹ جاری
-
سرکاری لیبارٹریز نے ڈینگی مریضوں کی تشخیص بند کر دی
-
افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا
-
پنجاب میں 23 اپریل سے بارشوں کا نیا سلسلہ داخل ہو گا
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ،ریاض پیرزادہ
-
فیصل آباد سے پتوکی اپنے سسرال آئے شخص نے خود کو فائر مارکر خودکشی کرلی نعش ہسپتال پتوکی منتقل
-
ملتان: تندور مالکان نمایاں مقامات پر 100 گرام روٹی کی قیمت 15 روپے آویزاں کریں، ڈپٹی کمشنر
-
گورنرپنجاب سے سرجن ڈاکٹر برگیڈیئر (ر)رئوف افتخار احمد کی ملاقات