پشاور : ڈبگری بازار میں واقع ہوٹل میں‌ فائرنگ
بند کریں
تازہ ترین ایڈ یشن کے لیے ابھی کلک کریں
منگل مئی

پشاور

پشاور : ڈبگری بازار میں واقع ہوٹل میں‌ فائرنگ

پشاور(اُردو پوائنٹ تازہ ترین اخبار۔10مئی 2016ء): ڈبگری بازار میں ایک ہوٹل کے کمرے میں مسلح شخص نے فائرنگ کی۔ پولیس کے مطابق مسلح شخص کی جانب سے وقفے وقفے سے فائرنگ کا سلسلہ جاری ہے۔ پولیس کی بھاری نفری کو ڈبگری گراؤنڈ طلب کر لیا گیا ہے۔پولیس نے ہوٹل کے قریبی مورچوں کو سنبھال کر جوابی کارروائی کا آغاز کر دیا ہے۔ پولیس کی جانب سے ہوٹل کے اندر آنسو گیس کے گولے بھی پھینکے گئے۔

جس کے بعد پولیس کی جوابی کارروائی اور بم ڈسپوزل اسکواڈ کے ہمراہ ہوٹل میں داخل ہونے کے نتیجے میں حملہ آور کو ہلاک کر دیاگیا۔ پولیس ذرائع کا کہنا کہ حملہ آور کا تعلق وزیرستان سے ہے۔ بم ڈسپوزل اسکواڈ کی جانب سے ہوٹل کو کلئیر قرار دئے جانے کے بعد میڈیا سے گفتگو کرتے ہوئےایس ایس پی آپریشنز عباس مجیدمروت نے بتایا کہ مشکوک مسلح شخص کا نام یحییٰ ہے جبکہ اس کا تعلق وزیرستان سے ہے۔انہوں نے بتایا کہ مشکوک مسلح شخص کے کمرے سے ایک مشکوک بوری بھی برآمد ہوئی ہے۔

10/05/2016 - 10:53:09 :وقت اشاعت

:متعلقہ عنوان