خیبرلیکس ،بلین سونامی ٹری معاملات کی تحقیقات کیلئے جوڈیشل کمیشن تشکیل دیاجائے،امیر حیدر خان ہوتی
انٹی کرپشن کے ڈائریکٹر ضیاء اﷲ طورو کو غیر جانبدارانہ تحقیقات کرنے کی سزا دی گئی 2018میں تمام صوبے کے اختیارات بنی گالہ سے واپس لے کر دم لینگے، جلسے سے خطاب
جمعہ 6 مئی 2016 22:22
پشاور(اُردو پوائنٹ اخبارتازہ ترین - این این آئی۔06 مئی۔2016ء) سابق وزیراعلیٰ اور اے این پی کے صوبائی صدر امیرحیدرخان ہوتی ایم این اے نے کہاہے کہ اچھی طرز حکمرانی کے دعویداروں کے لئے بلین سونامی ٹری سیکنڈل سے جان چھڑانا مشکل ہوگیا ہے انٹی کرپشن کے ڈائریکٹر کے تبادلے سے حقیقت چپ نہیں سکتی ، خیبرلیکس کے معاملے پر حکومتی کمیشن کو مسترد کرتے ہیں ،جوڈیشل کمیشن بنایاجائے ، نچلی سطح پر اختیارات کی منتقلی ڈرمہ نکلا،چالیس ہزار سے زائد بلدیاتی نمائندوں سے فنڈز کی واپسی پختون قوم کی تضحیک ہے ،وہ جمعہ کی شام مردان شہر کے علاقہ ڈاگئی میں ایک بڑے جلسے سے خطا ب کررہے تھے جس میں مسلم لیگ (ن) کے نائب صدر سجادباچہ اپنے خاندان او رسینکڑوں ساتھیوں سمیت مستعفی ہوکر اے این پی میں شمولیت کااعلان کیا امیرحیدرخان ہوتی نے انہیں اوران کے ساتھیوں کو ٹوپیاں پہنائیں اور مبارک باددی جلسے سے سجاد باچہ کے علاوہ اے این پی ضلع مردان کے صدر اورڈسٹرکٹ ناظم حمایت اﷲ مایار اورجنرل سیکرٹری حاجی لطیف الرحمان اورسہراب اکاخیل نے بھی خطاب کیااے این پی کے صوبائی صدر نے کہاکہ سبز پختون خوا کے دعوے کرنے والوں کا بلین سونامی ٹری منصوبہ مبینہ کرپشن کا شکارہوچکاہے اور سیکرٹری جنگلات نے خود اعتراف کیاہے کہ دس لاکھ پودے وزیراعلیٰ اور دس لاکھ چیف سیکرٹری کے نذرکرچکے ہیں انہوں نے کہاکہ انٹی کرپشن کے ڈائریکٹر ضیاء اﷲ طورو کواس بات کی سزا دی گئی کہ وہ اس معاملے کی غیر جانبدارانہ تحقیقات کررہے تھے امیرحیدرخان ہوتی نے کہاکہ اچھی طرز حکمرانی کا بھانڈا پھوٹ چکاہے دوسروں کے احتساب کے لئے لانے والے نے جب حکمرانوں پر ہاتھ ڈالا تو اس کی بھی چھٹی کرادی اوراحتساب کمیشن میں من مانے ترمیمات کی ٹھان لیں ان کاکہناتھاکہ خیبرلیکس کے معاملے سے صوبائی حکومت جان چھڑانا چاہتی ہے لیکن یہ معاملہ اتنا سادہ نہیں یہ حکومت کے گلے میں ہڈی بن کر پھنسے گا انہوں نے کہاکہ کپتان دوہرے معیارکا شکارہیں وزیراعظم سے پانامالیکس پر عدالتی کمیشن کا مطالبہ کئے جارہے ہیں اور خود اپنے صوبے میں اپنے وزیرکی مبینہ کرپشن کی تحقیقات وزیرکی سربراہی میں کی جارہی ہیں انہوں نے کہاکہ اے این پی قطعی طورپر وزیرکی سربراہی میں تحقیقاتی رپورٹ ماننے کو تیارنہیں خیبرلیکس اور بلین سونامی ٹری معاملات کی تحقیقات کے لئے جوڈیشل کمیشن تشکیل دیاجائے انہوں نے بلدیاتی نمائندوں کی فنڈز کی کٹوتی پر شدید غم وغصے کا اظہا رکرتے ہوئے کہ صوبے کے چالیس ہزار بلدیاتی نمائندوں کے فنڈز سے 75%فیصد کٹوتی صرف ان کی تضحیک نہیں بلکہ یہ پورے پختون قوم سے مذاق کیاگیاہے انہوں نے کہاکہ پختون قوم بیدارہوچکی ہے اور تحریک انصاف انہیں مزید محض دعوؤں اور وعدوں سے دھوکہ نہیں دے سکتی 2018میں تمام صوبے کے اختیارات بنی گالہ سے واپس لے کر دم لیں گے امیرحیدرخان ہوتی نے کہاکہ وفاقی حکومت کی تمام توجہ ، پراجیکٹس اور ترجیحات کا مرکز پنجاب ہے جبکہ عمران خان صوبہ خیبر پختونخوا کے مسائل اور ایشوز سے لاتعلق پر مبنی رویے پر گامزن ہیں وزیراعظم میاں نوازشریف چھوتی بار اورعمران خان پہلی بار وزیراعظم کے خوابوں میں گم ہیں دونوں خیبرپختون خوا کے مسائل او رمصائب سے سروکار نہیں ہے انہوں نے کہاکہ اے این پی کے دور حکومت میں ہرطرف ترقی کا دوردورہ تھا تبدیلی والوں کے دور میں ترقی کا پہیہ رک گیاہے موجودہ دور میں کوئی نیا منصوبہ شروع نہیں کیاگیاآئندہ اقتدار میں آکر نہ صرف ادھورے منصوبے مکمل کئے جائیں گے بلکہ نئے منصوبے بھی شروع کرکے خیبرپختون خوا کو پورے ملک میں مثالی صوبہ بناکر دم لیں گے ۔
پشاور میں شائع ہونے والی مزید خبریں
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز ، معاون خصوصی مشعود احمد خان نے ..
پشاور ، کاروباری خواتین کے لیے رجسٹریشن اور تربیتی ورکشاپ کا انعقاد کیا گیا
صاف پانی کی فراہمی,نکاسی آب اور ٹیوب ویلوں کی مرمت سمیت تمام مسائل کا حل ترجیح ہے،پختون یار خان
لیڈی ریڈنگ ہسپتال میں صحت کارڈ پر داخل مریض کیلئے باہر سے ادویات کی خریداری کے معاملے پر شعبہ گائنی کی ..
وزیر زراعت میجر )ر(سجاد برکوال کو زرعی شعبہ کی ترقی کے حوالے سے ہائیڈرو پانک سسٹم کے جدید منصوبے کے متعلق ..
خیبر پختونخوا کے وزیر تعمیرات شکیل احمد نے ارباب نیاز انٹرنیشنل کرکٹ سٹیڈیم کے تعمیراتی منصوبے کی تکمیل ..
پشاور ہائی کورٹ کا 14 دن کے اندر اسمبلی کا اجلاس طلب کرنے نو منتخب ممبران سے حلف لینے کا حکم
خیبر پختونخوا کے دریاؤں میں سیلابی صورت حال اور مزید بارشوں کی وجہ سے خطرات بڑھنے کے خدشہ
خیبرپختونخواہ اسمبلی مخصوص نشستوں پر حلف معاملہ،وزیراعلیٰ اور کابینہ کو اجلاس طلب کرنے کیلئے اقدامات ..
پشاور سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو