نئے بجٹ میں ترقیاتی فنڈز اور ملازمین کی تنخواہوں میں خاطر خواہ اضافہ ہو گا،مظفر سید
پاک چین اقتصادی راہداری کے سلسلے میں ہم صوبے کے مفاد پر سمجھوتہ کرینگے نہ ہی کسی بلیک میلنگ میں آئیں گے ،وزیرخزانہ خیبرپختونخوا
منگل 26 اپریل 2016 18:46
پشاور(اُردو پوائنٹ اخبارتازہ ترین - این این آئی۔26 اپریل۔2016ء) وزیر خزانہ خیبرپختونخوا مظفر سید ایڈوکیٹ نے کہاہے کہ صوبائی حکومت نے نئے مالی سال کے بجٹ کی تیاریاں تقریبا مکمل کر لی ہیں ہماری مخلصانہ کوشش ہے کہ آئندہ مالی سال کے بجٹ میں پورے صوبے میں نئے اور جاری ترقیاتی منصوبوں کیلئے فنڈز میں خاطرخواہ اضافے کے علاوہ سرکاری ملازمین بالخصوص کم اجرت یافتہ اہلکاروں کو بھی تنخواہوں کا بہترین پیکیج دیا جائے تاکہ ان کے حالات کار اور معیار زندگی پر خوشگوار اثرات مرتب ہوں اور وہ پوری دلجمعی سے عوامی خدمت کا فرض ادا کریں وہ جماعت اسلامی کے شوریٰ اجلاس میں شرکت کیلئے لاہور روانگی سے قبل پشاور میں دیر بالا و پائیں سے ارکان اسمبلی کے علاوہ سرکاری ملازمین کے مختلف وفود سے بات چیت کررہے تھے جنہوں نے صوبے کو درپیش چیلنجوں پر تبادلہ خیال کے علاوہ اپنے متعلقہ مسائل و مشکلات سے انہیں اگاہ کیا اور انکے حل کے سلسلے میں تعاون کی استدعا کی وزیر خزانہ نے اس بات پر افسوس کا اظہار کیا کہ مرکز نے ہمیں اپنے جائز اور واجب الادا وسائل کی فراہمی میں بھی قصداً تاخیری حربے برت کر ہمارے اداروں کو کمزور حتیٰ کہ دیوالیہ بنانے میں کوئی کسر نہیں چھوڑی مگر اﷲ تعالیٰ کے فضل اور عوام کی دعاؤں اور تمناؤں کے طفیل ہم تمام مشکلات سے سرخرو نکلنے میں کامیاب ہوتے جا رہے ہیں تاہم انہوں نے کہا کہ پاک چین اقتصادی راہداری کے سلسلے میں ہم صوبے کے مفاد پر کوئی سمجھوتہ کرینگے اور نہ ہی کسی بلیک میلنگ میں آئیں گے حالیہ ایکنک اجلاس میں ہماری صوبائی حکومت پر یہ حقیقت بالکل واضح ہو گئی ہے کہ مرکز نے سی پیک پر جو بھی فیصلے کئے ہیں وہ ہمارے حق میں ہیں نہ ہی اتنے اہم اور نازک ترین معاملات پر ہمیں اعتماد میں لیا جا رہا ہے اور یہی وجہ ہے کہ انہیں ایکنک اجلاس کے دوران ہی سی پیک پر مرکز کا پورا پلان یکسر مسترد کرنا پڑا وفاق کو ماننا پڑے گا کہ مغربی روٹ جھنڈ تا ڈیرہ، بنوں، کرک، کوہاٹ سمیت جنوبی اضلاع کے درمیان سے نہ گزرا اور تمام سہولیات کے ساتھ یہاں کے تیل و گیس اور معدنی ذخائر سے استفادہ نہ کیا گیا تو نہ صرف خیبرپختونخوا بلکہ پوری قوم اسکے دور رس ثمرات سے محروم رہ جائے گی یہ عظیم الشان منصوبہ عظیم پاک و چین ہمسایہ ممالک کے باہمی مفاد پر مبنی ہے جس میں بدنیتی کااور مصلحت کوشی کا کوئی عمل دخل نہیں ہونا چاہئے ورنہ اسکے نتائج بھی قومی مفاد کے منافی ہونگے البتہ افسوسناک بات یہ بھی ہے کہ دہشت گردی اور سیلاب و زلزلہ سمیت تباہ کن قدرتی آفات سے متاثرہ اس صوبے کے عوام سے خصوصی برتاؤ کی بجائے الٹا سوتیلی ماں جیسا سلوک روا رکھا گیا ہے مگر منافقت کی انتہا یہ کہ انکی قربانیوں اور حب الوطنی کے قصیدے بھی گائے جا رہے ہیں اور صوبے سے یہی ظلم سی پیک پر بھی کیا جا رہا ہے جو ہم نہیں ہونے دینگے مظفر سید ایڈوکیٹ نے سرکاری ملازمین کو یقین دلایا کہ تنخواہوں کے ساتھ ساتھ انکے حالات کار کی بہتری پر یکساں کام جاری ہے۔
متعلقہ عنوان :
پشاور میں شائع ہونے والی مزید خبریں
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز ، معاون خصوصی مشعود احمد خان نے ..
پشاور ، کاروباری خواتین کے لیے رجسٹریشن اور تربیتی ورکشاپ کا انعقاد کیا گیا
صاف پانی کی فراہمی,نکاسی آب اور ٹیوب ویلوں کی مرمت سمیت تمام مسائل کا حل ترجیح ہے،پختون یار خان
لیڈی ریڈنگ ہسپتال میں صحت کارڈ پر داخل مریض کیلئے باہر سے ادویات کی خریداری کے معاملے پر شعبہ گائنی کی ..
وزیر زراعت میجر )ر(سجاد برکوال کو زرعی شعبہ کی ترقی کے حوالے سے ہائیڈرو پانک سسٹم کے جدید منصوبے کے متعلق ..
خیبر پختونخوا کے وزیر تعمیرات شکیل احمد نے ارباب نیاز انٹرنیشنل کرکٹ سٹیڈیم کے تعمیراتی منصوبے کی تکمیل ..
پشاور ہائی کورٹ کا 14 دن کے اندر اسمبلی کا اجلاس طلب کرنے نو منتخب ممبران سے حلف لینے کا حکم
خیبر پختونخوا کے دریاؤں میں سیلابی صورت حال اور مزید بارشوں کی وجہ سے خطرات بڑھنے کے خدشہ
خیبرپختونخواہ اسمبلی مخصوص نشستوں پر حلف معاملہ،وزیراعلیٰ اور کابینہ کو اجلاس طلب کرنے کیلئے اقدامات ..
پشاور سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو