پختون سرزمین کوانتہا پسندی،دہشت گردی اور امن و امان کی سنگین صورتحال کا سامنا ہے،آفتاب شیرپاؤ
درپیش چیلنجز سے نمٹنے ،پختونوں کی خوشحالی ،خطے میں امن ، تعمیر ترقی کیلئے پاکستان ،افغانستان کی مشترکہ کاؤشوں کی ضرورت ہے،چیئرمین قومی وطن پارٹی
جمعہ 22 اپریل 2016 19:58
پشاور(اُردو پوائنٹ اخبارتازہ ترین - این این آئی۔22 اپریل۔2016ء) قومی وطن پارٹی کے مرکزی چیئرمین آفتاب احمد خان شیرپاؤ نے کہا ہے کہ گزشتہ کئی دہائیوں سے پختون تاریخ کے نازک دور سے گزر رہے ہیں اور انھیں دہشتگردی،ٹارگٹ کلنگ،ہیروئین وکلاشنکوف کلچراور باالخصوص اپنی امن پسند و محب وطن تشخص جیسے مسئلے کا سامنا ہے جبکہ دہشت گردی کے خلاف جنگ میں پختونوں کی قربانیاں بے مثال ہیں۔
ان خیالات کا اظہار انھوں نے جمعہ کے روزبحیثیت مہمان خصوصی شہید بے نظیر بھٹووومن یونیورسٹی اورعبدالولی خان یونیورسٹی مردان کے اشتراک سے پاک افغان خطے میں آباد پختونوں کی شناخت کے سوال ،درپیش مسائل اور چیلنجز اور ان کا حل کے موضوع پر منعقدہ بین الاقوامی کانفرنس سے خطاب کرتے ہوئے کیا۔(جاری ہے)
آفتاب احمد خان شیرپاؤ نے کہا کہ اس حقیقت سے کوئی انکار نہیں کرسکتا کہ موجودہ صورتحال میں پختون سرزمین کوانتہا پسندی،دہشت گردی اور امن و امان کی سنگین صورتحال کا سامنا ہے جس نے نہ صرف پختون کلچر کو شدید نقصان پہنچایابلکہ خطے کا پورا انفراسٹرکچر شدید متاثر ہوا اور یہی وجہ ہے کہ یہاں پر مایوسیوں اور محرومیوں نے جنم لیا۔
گزشتہ تین دہائیوں سے پختونوں کی سرزمین پر جنگ جاری ہے جس میں ہزاروں پختون شہید اور لاکھوں بے گھر ہوئے لیکن تاریخ گواہ ہے کہ پختون امن پسند،محب وطن اور بہادر قوم ہیں۔ آفتاب شیرپاؤ نے پختونوں کو درپیش چیلنجز سے نمٹنے اورپختونوں کی خوشحالی اور خطے میں امن اور تعمیر ترقی کیلئے پاکستان اور افغانستان کی مشترکہ کاؤشوں کی ضرورت پر زور دیتے ہوئے کہا کہ دہشت گردی سے دونوں ممالک کے پختون براہ راست متاثر ہو رہے ہیں لہٰذا دونوں ممالک کو اس عفریت پر قابو پانے کیلئے مشترکہ لائحہ عمل اور منصوبہ بندی کرنا ہوگی کیونکہ دونوں ممالک کے درمیان لمبی باؤنڈری ہے جس کے دونوں اطراف پختون آباد ہیں۔انھوں نے کہا کہ اس کے ساتھ ساتھ پالیسیاں بناتے وقت بھی دونوں ممالک کے پختون اسٹیک ہولڈرزکو اعتماد میں لینا چاہیے اور ان کی مشاورت سے پالیسیاں بنانی چاہیے۔انھوں نے کہا کہ ان کی جماعت نے پہلے ہی دونوں ممالک کے مابین بد اعتمادی کے خاتمے اورحالات کو معمول پر لانے کیلئے اسٹبلشمنٹ ،حکومتی اور عوامی سطحوں پررابطوں کی تجویز پیش کی ہے جس سے مثبت نتائج برآمد ہونے کی امید ہے۔ قومی وطن پارٹی کے چیئرمین نے کہا کہ میں نے پاک افغان مشران پر مشتمل گرینڈامن جرگہ جس میں فاٹا،خیبر پختونخوا،جنوبی پختونخوا اور افغانستان کے مختلف صوبوں کے عمائدین نے شرکت کی کا سلسلہ شروع کیا تھاتا کہ دونوں ممالک کے مابین اعتماد کی فضاء بحال ہو اور تعلقات میں پائی جانے والی غلط فہمیوں کا خاتمہ ہو لیکن بد قسمتی سے اس سلسلے کو مزید آگے بڑھنے نہیں دیا گیا۔انھوں نے مزید کہا کہ خطے میں پائیدار امن کے قیام کیلئے دہشت گردی اورانتہا پسندی کے بنیادی عوامل پر توجہ دینا ہو گی اور مسئلے کے جڑ تک پہنچ کر اس کا موثر حل تلاش کرنا ہوگا۔انھوں نے مزیدکہا کہ پختون اس سرزمین کے وارث ہیں دہشت گرد نہیں انھوں نے اپنے خطے میں امن کے قیام کیلئے بیش بہا جانی و مالی قربانیاں دی ہیں لہٰذا وقت کا تقاضہ ہے کہ پختونوں کی محرومیوں کے خاتمے کیلئے فی الفور اقدامات کئے جائیں اور پختون خطہ کی تعمیر و ترقی اور امن و خوشحالی کیلئے پاک چائنا اکنامک کاریڈور سمیت اپنے وسائل پراختیار اور تمام میگا پراجیکٹ میں بھر پور حصہ دیا جائے تاکہ پختون خطہ تعمیر و ترقی کی راہ پر گامزن ہو اور پختون قومی ترقی میں کلیدی کردار ادا کرسکے۔انھوں نے دہشتگردی سے متاثرہ خاندانوں کی فلاح و بہبودکیلئے ایک ٹرسٹ کے قیام کا مطالبہ کیااور کہا کہ ٹرسٹ کے قیام کو یقینی بنانے کیلئے فوری اور موثر اقدامات اٹھائے جائیں تاکہ دہشت گردی سے متاثرہ خاندانوں کو صحت،تعلیم اور دیگر ضروری سہولیات بہم پہنچائی جائے۔ انھوں نے کہا کہ پختون ملک کی دوسری بڑی آبادی ہیں جو ملک کے مختلف انتظامی یونٹوں میں تقسیم ہیں لہٰذا تمام پختونوں کو ایک انتظامی یونٹ میں جمع کیا جائے اور اس سلسلے میں فاٹا کو خیبر پختونخوا میں فوری طور پر ضم کیا جائے۔انھوں نے کہا کہ پختون دہشت گردی کا شکار ہیں لہٰذا بین لااقوامی برادری پختونوں کے مسائل پر بھر پور توجہ دے اور ان کے مسائل اور معاشی مشکلات کے حل کیلئے آگے بڑھے۔متعلقہ عنوان :
پشاور میں شائع ہونے والی مزید خبریں
صوابی ، گھریلو تنازعے پر بھائی نے بھا ئی کوقتل کردیا
کمشنرمردان کی زیرصدارت تخت بائی میں کھلی کچری کا انعقاد،فوری احکامات جاری کئے
لکی مروت میں شادی کی تقریب کےموقع پر دوگروپوں کے درمیان فائرنگ سے 6 افراد جاں بحق
چینی یونیورسٹیوں کی جانب سے خیبر پختونخوا کے طلباء و طالبات کیلئے سکالرشپس کا اجراء لائق ستائش ہے،مینا ..
وزیر صحت خیبرپختونخوا سید قاسم علی شاہ کا ایل آر ایچ دورہ، آپریشن تھیٹرز کمپلیکس کا افتتاح
سابق انٹرنیشنل کرکٹرز راشد لطیف اور وجاہت اللہ واسطی کی مشیر کھیل سید فخر جہان سے ملاقات
صوبائی وزیر صحت سید قاسم علی شاہ کی آئی آر ڈی پاکستان اور ایویڈینس ایکشن کے وفد سے ملاقات
نوجوان ڈاکٹرز کو نت نئی بیماریوں کا پھیلاؤ روکنے کیلئے دنیا بھر میں شعبہ طب میں اپنا نام پیدا کرنا ہو ..
صوبائی وزیر مال خیبرپختونخواکی زیر صدارت گلیات ڈوپلیمنٹ اتھارٹی بارے اجلاس
ماحولیاتی آلودگی کا خاتمہ صوبائی حکومت کی اولین ترجیح ہے ، فضل حکیم خان
مشیر سیاحت و ثقافت زاہد چن زیب کا اعلیٰ حکام کے ہمراہ ریسکیو ہیڈکوارٹر کا دورہ
پشاور،ہیلتھ کئیر کمیشن نے آلودہ آلات سے علاج کرنیوالے سرجن کو نوٹس جاری کردیا
پشاور سے متعلقہ
پاکستان کی تازہ ترین خبریں
-
بہترین حکمت عملی کے بغیر معاشی ترقی و خوشحالی ناممکن ،خوشحالی کیلئے مائیکرو اکنامک استحکام ضروری ہے،سابق نگران وزیر خزانہ شمشاد اختر
-
صوابی ، گھریلو تنازعے پر بھائی نے بھا ئی کوقتل کردیا
-
فوجی عدالتوں میں سویلینز کے ٹرائل کیخلاف لارجر بینچ کیلئے دائر درخواست منظور
-
لکی مروت میں شادی کی محفلِ موسیقی میں فائرنگ سے 6 افراد جاں بحق
-
وزیراعظم محمد شہباز شریف ایک روزہ دورے پر کراچی پہنچ گئے
-
وزیراعظم شہباز شریف نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
برائلرگوشت کی قیمت میں مزید 25 روپے کلو کمی
-
سولر پینل بنانے والوں کو 10 سالہ مراعات دینے کی پالیسی تیار
-
حکومت گندم خریدنے کے ہدف میں4 ملین ٹن کا اضافہ کرے ‘ جمشید اقبال چیمہ
-
مولانا فضل الرحمان نے ٹاپ گیئر لگایا ہوا ہے، عوام صرف 2 مہینے انتظار کریں، شیخ رشید
-
سی ویو کے ساحل پر نوجوان کی مبینہ خودکشی کا ڈراپ سین ،نوجوان گھر واپس پہنچ گیا
-
سائفر کیس میں سزا سنانے والے جج کو واپس لاہور ہائیکورٹ بھیجنے کی سفارش