پانامہ لیکس کی تحقیقات کیلئے چیف جسٹس کی سربراہی میں عدالتی کمیشن قائم کیاجائے ، سراج الحق
کرپشن سے پاک قیادت ہی قوم کے مسائل حل کر سکتی ہے، قومی خزانہ لوٹنے والوں کی ٹیکس چوری کی دولت واپس لائیں گے اور بیرون ملک اکاؤنٹس کا منہ قوم کی طرف کھلوائیں گے ، عوام سانپوں کو مزید دودھ پلا کر اژدھا بنانے کی بجائے کرپشن فری پاکستان کیلئے ہمارا ساتھ دیں ،شانگلہ میں جلسہ سے خطاب
جمعہ 15 اپریل 2016 22:38
پشاور(اُردو پوائنٹ اخبارتازہ ترین - آن لائن۔15 اپریل۔2016ء) جماعت اسلامی پاکستان کے امیر سراج الحق نے پانامہ لیکس کی تحقیقات کیلئے چیف جسٹس آف پاکستان کی سربراہی میں تحقیقاتی عدالتی تحقیقاتی کمیشن بنانے کا مطالبہ کرتے ہوئے کہا ہے کہ کرپشن نے پورے نظام کو کھوکھلا کردیا ہے لیکن اس کاخاتمہ صرف وہ لوگ کر سکتے ہیں جو خود کرپشن سے پاک ہیں اور میں چیلنج سے کہتا ہوں کہ جماعت اسلامی کی قیادت کا دامن ہر طرح کی کرپشن سے پاک ہے ،ہم حکومتوں کا حصہ رہے ہیں ،اسمبلیوں اور سینٹ میں پہلے بھی رہے اور اب بھی موجود ہیں جماعت اسلامی کے کسی کونسلر،ناظم ،ایم پی اے، وزیر اور ایم این اے پر کرپشن کو کوئی الزام نہیں ۔
اس لیے اس کرپٹ نظام کو ہم ہی بدلیں گے وہ جمعہ کے روز آلوچ پورن ضلع شانگلہ میں کرپشن کے خلاف ایک بڑے جلسہ عام سے خطاب کر رہے تھے۔(جاری ہے)
جلسہ سے صوبائی امیر مشتاق احمد خان،اور ضلعی امیر نجیب اللہ نے بھی خطاب کیا۔سراج الحق نے کہا کہ شانگلہ کے عوام اسلام سے محبت کرنے والے ہیں، سادہ پرامن اور خوشحال زندگی گزارنا چاہتے ہیں لیکن قومی خزانہ کو لوٹ لوٹ کر سرمایہ دار بننے والوں نے قوم سے خوشحالی چھین لی ہے۔
یہ چھوٹے چھوٹے سانپ تھے عوام نے دودھ پلا پلا کر ان کو اژدھے بنا لیئے ہیں اور اب یہ پوری قوم کو ہڑپنا چاہتے ہیں انھوں نے کہا کہ وقت کے ساتھ ان کی چوری کی مال و دولت سامنے آرہی ہے ۔کبھی پانامہ لیکس کی صورت میں اور کبھی بیرون ملک اکاؤنٹس کی صورت مین ان کی چوریاں منظر عام پر آ رہی ہیں۔انھوں نے کہا کہ آج پوری قوم لٹیروں سے حساب کتاب کا مطالبہ کر رہی ہے لیکن مطالبہ کس سے کیا جائے پورا نظام کرپٹ ہے یہ لوگ باریاں بدل بدل کر ایک دوسرے کو بچا رہے ہیں اور ایک دوسرے کے مددگار ہیں یہ لوگ چاہیں بھی تو کرپشن ختم نہیں کر سکتے جو خود سر تا پا کرپشن میں ڈوبے ہوئے ہوں وہ کرپشن کیسے ختم کرسکتے ہیں ان کو عام آدمی کی دکھ درد اور مسائل کا کیا پتہ ہے۔انھوں نے کہا کہ جماعت اسلامی کی قیادت غریبوں سے تعلق رکھتی ہے۔مجھے بوڑھے بیمار کے احساسات معلوم ہیں۔میں بے روزگار نوجواں کے والدین کا دکھ جانتا ہوں میں علاج اور تعلیم کے لیے ترستے غریب آدمی کی ضرورتوں سے آگاہ ہوں۔میں محنت کش کی بچارگی محسوس کر سکتا ہوں کیونکہ میں خود ان میں سے ہوں ۔انھوں نے کہا کہ اس کرپٹ نظام کو میں اور میری جماعت اسلامی ختم کر سکتی ہے۔ہم نے پورے ملک میں کرپشن کو جڑھ سے اکھاڑ پھینکنے کے لیے کرپشن فری پاکستان تحریک شروع کر رکھی ہے۔میں ایک ایک شہر اور گاؤں جا کر کرپشن کے خلاف جلسے کر رہا ہوں۔ عوام میں شعور پیدا کر رہا ہوں ان کو ساتھ ملا رہاہوں ۔عوام اگر ایک مرتبہ یہ فیصلہ کر لیں کہ مزید ان سانپوں کو اژدھا بننے نہیں دیں گے ان سے ایک ایک پائی کا حساب لیں گے تو ان لٹیروں سے واپس لی جانے والی رقم سے ہر بے روزگار کو روزگارا لااؤنس مل سکتا ہے،ہر بوڑھے کو آخری عمر میں بڑھاپا الاؤنس مل سکتا ہے۔ہر بیمار کا مفت علاج ہو سکتا ہے ہر شخص کے بچے کو کم ازکم میٹرک تک مفت اور یکساں تعلیم مل سکتی ہے۔انھوں نے کہا کہ عوام ساتھ دیں اور ہمیں اختیار مل جائے تو ہم یہ سب کچھ کریں گے یہ قوم سے ہمارا وعدہ ہے اور وسائل کی کمی آڑے نہیں آئے گی ۔ان اژدھا قسم کے لوگوں کے بیرون ملک اکاؤنٹس کے منہ قوم کے لیے کھولیں گے ان کے ٹیکس چوری کے مال سے چلنے والے بیرون ملک کاروبار کو ختم کراکے ان کا سرمایہ واپس لائیں گے تو یہاں وسائل کی کوئی کمی نہیں رہے گے اور ہم اسلامی پاکستان خوشحال پاکستان بنائیں گے ۔عوام سے صرف اتنا مطالبہ ہے کہ کرپشن کے خلاف تحریک میں ہمارا ساتھ دے۔سراج الحق نے کہاکہ شانگلہ کے اسلام دوست عوام ہمیشہ جماعت اسلامی کے ساتھ رہے ہیں ۔ان سے درخواست ہے کہ مزید کسی کے دھوکہ میں نہ آئے اور کرپشن سے مستقل نجات کے لیے جماعت اسلامی کا ساتھ دیں۔متعلقہ عنوان :
پشاور میں شائع ہونے والی مزید خبریں
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز ، معاون خصوصی مشعود احمد خان نے ..
پشاور ، کاروباری خواتین کے لیے رجسٹریشن اور تربیتی ورکشاپ کا انعقاد کیا گیا
صاف پانی کی فراہمی,نکاسی آب اور ٹیوب ویلوں کی مرمت سمیت تمام مسائل کا حل ترجیح ہے،پختون یار خان
لیڈی ریڈنگ ہسپتال میں صحت کارڈ پر داخل مریض کیلئے باہر سے ادویات کی خریداری کے معاملے پر شعبہ گائنی کی ..
وزیر زراعت میجر )ر(سجاد برکوال کو زرعی شعبہ کی ترقی کے حوالے سے ہائیڈرو پانک سسٹم کے جدید منصوبے کے متعلق ..
خیبر پختونخوا کے وزیر تعمیرات شکیل احمد نے ارباب نیاز انٹرنیشنل کرکٹ سٹیڈیم کے تعمیراتی منصوبے کی تکمیل ..
پشاور ہائی کورٹ کا 14 دن کے اندر اسمبلی کا اجلاس طلب کرنے نو منتخب ممبران سے حلف لینے کا حکم
خیبر پختونخوا کے دریاؤں میں سیلابی صورت حال اور مزید بارشوں کی وجہ سے خطرات بڑھنے کے خدشہ
خیبرپختونخواہ اسمبلی مخصوص نشستوں پر حلف معاملہ،وزیراعلیٰ اور کابینہ کو اجلاس طلب کرنے کیلئے اقدامات ..
پشاور سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو