بلاول زرداری خود پارٹی کی سربراہی چھوڑ کر غیر مسلم کو اپنی پارٹی کا سربراہ بنائیں ،مشتاق احمد خان
منگل 29 مارچ 2016 23:01
پشاور(اُردو پوائنٹ اخبارتازہ ترین - آن لائن۔29 مارچ۔2016ء) امیر جماعت اسلامی خیبر پختونخوا مشتاق احمد خان نے کہا ہے کہ بلاول زرداری خود پارٹی کی سربراہی چھوڑ کر غیر مسلم کو اپنی پارٹی کا سربراہ بنائیں ۔ ملک کو سیکولر اور لبرل بنانے کی کوششوں کو کامیاب نہیں ہونے دیں گے۔ اسلام آباد میں دھرنے کے شرکاء کے ملک میں شریعت کے نفاذ، الیکٹرانک میڈیا پر فحاشی کے خاتمے، لاوٴڈ سپیکرز پر حمد و نعت کی اجازت اور تحفظ ناموسِ رسالت قانون کو نہ چھیڑنے کی ضمانت جیسے مطالبات دستور کے دائرے کے اندر ہیں۔
جماعت اسلامی دھرنے والوں کے ان جائز مطالبات کی حمایت کرتی ہے۔حکومت فوری طور پر دھرنا دینے والوں کے خلاف مقدمات واپس لیں دھرنے دینے والوں سے مذاکرات کریں اور ان کے مطالبات کوفور ی طوری طور پر تسلیم کریں ۔(جاری ہے)
جماعت اسلامی کی حکومت آئی تو بجلی 5روپے یونٹ ملے گی اور پٹرول کی فی لٹر قیمت 20روپے ہوگی۔ ہماری حکومت میں ہر بچے کو مفت تعلیم ملے گی اور کوئی بھی علاج سے محروم نہیں ہوگا۔
جماعت اسلامی نے کرپشن کے خلاف تحریک شروع کی ہے۔ نیک اور دیانتدار قیادت کو لا کر پاکستان کو کرپشن فری پاکستان بنائیں گے۔ ان خیالات کااظہار انہوں نے مشین کورونہ طاوٴس یونین کونسل چک ہوتی میں شمولیتی جلسہ سے خطاب کرتے ہوئے کیا۔ اس موقع پر جماعت اسلامی ضلع مردان کے امیر مولانا ڈاکٹر عطاء الرحمن، سیکرٹری جنرل عماد اکبر، تحصیل نائب ناظم مردان مشتاق سیماب، ممبر ضلع کونسل یوسی چک ہوتی و امیر جماعت اسلامی پی کے 25 حاجی احمد سلطان ، جماعت اسلامی یوتھ ضلع مردان کے صدر نعمان یوسف اور مسلم شاہ نے بھی خطاب کیا۔ جلسہ میں سینکڑوں افراد نے مختلف سیاسی جماعتوں سے مستعفی ہوکر جماعت اسلامی میں شمولیت کا اعلان کیا۔ جماعت اسلامی کے صوبائی امیر نے ان افراد کو خوش آمدید کہا اور انہیں جماعت کی ٹوپی اور جھنڈہ دیا۔ مشتاق احمد خان نے اپنے خطاب میں کہا کہ مخصوص ٹولہ ملک کو سیکولر اور لادین بنانے کی کوششوں میں مصروف ہے۔ بلاول زرداری کا بیان بھی اسی سلسلے کی کڑی ہے۔ بلاول زرداری سے کہتا ہوں کہ پاکستان اسلام کے نام پر بنا ہے اور اس میں اسلام کے سوا کوئی نظام نہیں چل سکتا۔ پاکستان کا آئین اسلامی ہے اور وہ کسی غیر مسلم کو صدر یا وزیر اعظم بنانے کی اجازت نہیں دیتا۔ بلاول خود اپنی جماعت کا سربراہ کسی غیر مسلم کو بنائیں پھر ملک کی بات کریں۔ سیکولر ازم اور لبرل ازم کو قطعاً برداشت نہیں کریں گے۔انھوں نے کہا کہ اسلام آباد میں ممتاز قادری کی پھانسی کے خلاف دھرنا دینے والوں کے مطالبات دستور کے مطابق ہیں۔حکومت سے ملک میں شریعت کے نفاذ کا مطالبہ، الیکٹرانک میڈیا پر فحاشی کے خاتمے ، لاوٴڈ سپیکروں پر حمد و نعت پڑھنے کی اجازت اور تحفظ ناموس رسالت قانون کو نہ چھیڑنے کے مطالبات آئین اور قانون سے متصادم نہیں۔ جماعت اسلامی دھرنے والوں کے دستور کے دائرے کے اندر ان مطالبات کی مکمل حمایت کرتی ہے ۔ حکومت بھی ان کے مطالبات مانتے ہوئے یقین دہانی کرائے اور مطالبات کو پورا کرے۔ ۔ انھوں نے کہا کہ جماعت اسلامی نے ملک سے کرپشن کے خاتمے کا عزم لے کر کرپشن فری پاکستان تحریک شروع کی ہے۔ کرپشن کے ناسور کو ختم کرکے ہی ترقی و خوشحالی آسکتی ہے۔ سراج الحق کی قیادت میں پاکستان کو کرپشن سے پاک کریں گے۔ انھوں نے کہا کہ ہماری حکومت آئی تو دستور کے آرٹیکل 37اور 38کو عملی طور پر نافذ کریں گے ۔ ہماری حکومت میں بچوں کو مفت تعلیم دی جائے گی۔ ریاست کے افراد کا علاج اور ادویات کی فراہمی حکومت کی ذمہ داری ہوگی۔ عوام اپنے ووٹ کی طاقت نیک اور دیانتدار لوگوں کے حق میں استعمال کریں گے تو ملک ترقی کے راستے پر گامزن ہوگا۔ عوام جماعت اسلامی کی قیادت کو منتخب کریں کیونکہ جماعت اسلامی ملک کی قیادت ملک کو مشکلات اور مسائل سے نکال کر ترقی کے راستے پر گامزن کرسکتی ہےمتعلقہ عنوان :
پشاور میں شائع ہونے والی مزید خبریں
حکومت کے آئی ایم ایف معاہدے بات چیت سے تازہ ترین چار نئے انکشافات سامنے آئے جو عوام کیلئے اچھے نہیں ..
پشاور،جنوبی اضلاع میں زراعت کی ترقی کیلئے اہم قدم
صوبائی وزیر خوراک کی زیر صدارت خیبرپختونخوا فوڈ اتھارٹی کی کاکردگی و جاری منصوبوں پر پیش رفت بارے جائزہ ..
عالمی ادارہ صحت کے نمائندہ برائے پاکستان لو دی پینگ کی وزیر صحت سید قاسم علی شاہ سے ملاقات
عاقب اللہ خان سے سول سیکرٹریٹ پشاور میں مختلف وفود کی ملاقاتیں
عوامی مسائل کے تدارک پر کوئی سمجھوتہ نہیں کریں گے،ملک پختون یار
تعلیمی اداروں مارکیٹ کی ضرورت کے مطابق مضامین کو متعارف کرانا وقت کی ضرورت ہے ،میناخان آفریدی
خیبر پختونخوا کے وزیر برائے بلدیات کی زیر صدارت ایٹا بارے اجلاس
پشاور ہائی کورٹ کے تین ججز نے اپنے عہدوں کا حلف اٹھا لیا
گورنر خیبرپختونخوا سے مسلم لیگ ق کے صوبائی صدر انتخاب خان چمکنی ایڈوکیٹ کی ملاقات
ورکرزکنونشن، جلسے کروں گا، مطالبات رکھوں گا، دیکھتا ہوں کون روکتا ہے، علی امین گنڈاپور
پاک فوج کی جانب سے خیبر پختونخوا کے عوام کوصحت کی بنیادی سہولیات کی فراہمی
پشاور سے متعلقہ
پاکستان کی تازہ ترین خبریں
-
پاکستان اور ایران کے تعلقات وقت کے ساتھ مزید مضبوط ہوں گے، ایرانی صدر
-
پنجاب میں صوبائی انفورسمنٹ اتھارٹی کے قیام کی منظوری دیدی گئی
-
عمران خان کمپرومائز نہیں کرینگے اور اس ماہ کے آخر تک جیل سے باہر آجائیں گے،اسد قیصر
-
آئی ایم ایف اسی ماہ قسط جاری کرسکتا ہے‘ کوئی پلان بی نہیں، وزیر خزانہ
-
’ایران سے تجارت کے خواہشمند پابندیوں سے خبردار رہیں‘
-
بشریٰ بی بی کی اچانک طبیعت خراب، بنی گالہ میں طبی معائنہ
-
صدر ابراہیم رئیسی کامشہد سے تہران تک کا سیاسی سفر‘سیاہ عمامہ ان کے آل رسولﷺ کی نشاندہی کرتا ہے
-
آئی ایم ایف کے نئے پروگرام کے آغاز سے معاشی فضا سازگار ہوگی
-
ضمنی الیکشن کے دوران ناروال میں جو شخص جاں بحق ہوا وہ خاندانی جھگڑا تھا
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
الیکشن کمیشن نے ضمنی انتخابات میں کامیاب ہونے والے امیدواروں کے فارم 47 جاری کردیے
-
شہبازشریف حکومت کا بڑا فیصلہ سامنے آگیا