پشاور ،سیکیورٹی فورسزکاسرچ آپریشن،36مشتبہ افراد گرفتار

پیر 22 فروری 2016 11:25

پشاور(اُردو پوائنٹ اخبارتازہ ترین - آئی این پی۔22 فروری۔2016ء ) پشاورکی کارخانو مارکیٹ میں پولیس اور سیکیورٹی فورسز نے مشترکہ سرچ آپریشن کے دوران 3افغان باشندوں سمیت 36 مشتبہ افراد کو حراست میں لے لیا۔ سیکورٹی خدشات پر مہمند ایجنسی اور بنوں میران شاہ روڈ پر غیر معینہ مدت تک کرفیو نافذکردیا گیا۔

(جاری ہے)

پولیس کے مطابق مشترکہ سرچ آپریشن پشاور اور خیبرایجنسی کے سنگھم پر واقع کارخانو مارکیٹ میں کیاگیا۔

جس دوران 3فغان باشندوں سمیت 36 مشتبہ افراد کو حراست میں لیا گیا۔ جن کے قبضہ سے ایک کلو گرام منشیات اور 6 بوتلیں شراب کی برآمد ہوئیں۔سرچ آپریشن کے دوران سنیفرڈاگز کی مدد سے 10 سے زیادہ مارکیٹس کو چیک کیاگیا۔ادھرسیکورٹی خدشات کی بنیاد پر مہمند ایجنسی اور بنوں میران شاہ روڈ پر غیر معینہ مدت تک کے لیے کرفیو نافذ کردیا گیا ہے۔

متعلقہ عنوان :

پشاور میں شائع ہونے والی مزید خبریں