حملوں کے تناظر میں نیشنل ایکشن پلان سمیت ملک کی داخلی اور خارجی پالیسیوں پر نظر ثانی کی اشد ضرورت ہے۔میاں افتخار حسین
کارروائیوں سے ثابت ہوتا ہے یا تو پلان پر عمل نہیں ہو رہا، یا اس میں کمزوریاں ہیں، حالات بہتر ہونے کی بجائے پھر سے خراب ہونے لگے ہیں
جمعہ 12 فروری 2016 21:55
ٖپشاور(اُردو پوائنٹ اخبارتازہ ترین - این این آئی۔12 فروری۔2016ء) عوامی نیشنل پارٹی کے مرکزی جنرل سیکرٹری میاں افتخار حسین نے امن و امان کی بگڑتی صورتحال پر تشویش کا اظہار کرتے ہوئے نیشنل ایکشن پلان سمیت ملک کی داخلی اور خارجی پالیسیوں پر نظر ثانی کا مطالبہ کیا ہے اور خبر دار کیا ہے کہ اگر ریاستی اداروں اور حکمرانوں نے ابہام ، لاتعلقی اور سستی پر مبنی رویے تبدیل نہیں کیے تو عوام کے صبر کا پیمانہ لبریز ہو جائیگا اور وہ بدترین عدم تحفظ کے باعث اپنی حفاظت کے لیے مزاحمت پر اُتر آئیں گے۔
پشاور کے نامور تاجر شہید حاجی حلیم جان اور شعیہ برادری سے تعلق رکھنے والے خوش آواز نوحہ خواں اور سرکاری افسرشہید افتخار کی تعزیت کے بعد میڈیا سے گفتگو کرتے ہوئے اُنہوں نے کہا کہ یہ اس جانب اشارہ ہے کہ ملک میں نہ تو سنی محفوظ ہے اور نہ شعیہ ۔(جاری ہے)
ایسے میں یہ سوال اُٹھنا فطری ہے کہ وہ کون ہیں جو بیک وقت سب کو نشانہ بنانے نکلے ہیں اور ان کا راستہ روکنا کن کی ذمہ داری ہے؟ اُنہوں نے کہا کہ فوجی اقدامات اور نیشنل ایکشن پلان کے باوجود دہشتگردی ، ٹارگٹ کلنگ ، بھتہ خوری اور دیگر کارروائیوں میں اضافے سے ہمارا یہ خدشہ پھر سے درست ثابت ہو گیا ہے کہ یا تو نیشنل ایکشن پلان پر عمل نہیں ہو رہا یا اس میں بعض بنیادی خامیاں یا نقائص موجود ہیں۔
اُنہوں نے کہا کہ آج کوئی بھی طبقہ مسلک یا ادارہ حملوں سے محفوظ نہیں ہے۔ باچا خان یونیورسٹی پر حملہ ایک وارننگ تھی تاہم اداروں اور حکمرانوں نے اس وارننگ کو سنجیدگی سے نہیں لیا اور اس کا نتیجہ یہ نکلا کہ نہ صرف حملوں کی تعداد میں اضافہ ہوا بلکہ عوام کے احساس عدم تحفظ نے ایسی شکل اختیار کی کہ اب وہ مزاحمت پر اُترتے دکھائی دے رہے ہیں۔اُنہوں نے کہا کہ عوام بجا طور پر سوال اُٹھا رہے ہیں کہ نیشنل ایکشن پلان پر پوری طرح عمل کیوں نہیں ہو رہا۔ اگر ہو رہا ہے تو حالات بہتر ہونے کی بجائے ایک بار پھر خراب کیوں ہو رہے ہیں اور معاشرے کے مختلف طبقے بیک وقت حملوں کی زد میں کیوں ہیں؟ اُنہوں نے کہا یہ تاثر بہت عام ہے کہ حکمرانوں اور اداروں نے عوام کو بوجوہ حملہ آوروں کے سامنے پھینک دیا ہے اور ان کا عملاً کوئی پرسان حال نہیں ہے۔ اُنہوں نے کہا کہ ہم مسلسل یہ مطالبہ کرتے آئے ہیں کہ عملی اقدامات اور حملوں کے تناظر میں نیشنل ایکشن پلان کے علاوہ ملک کی داخلہ اور خارجہ پالیسیوں پر نظر ثانی کی جائے اور کمزوریوں ، نقائص کے خاتمے کیلئے مزید اقدامات کیے جا ئیں۔ تاہم عملاً ایسی کوئی کوشش نظر نہیں آ رہی اور اس کے نتائج عوام ، فورسز ، مختلف مسالک اور مختلف طبقوں کو بھگتنے پڑ رہے ہیں۔ اُنہوں نے کہا کہ محسوس یہ ہو رہا ہے جیسے بعض قوتیں پاکستان کو عدم استحکام سے دوچار کرنے کی کوششوں میں مصروف عمل ہیں تاہم ہمارے پالیسی سازوں کو حالات کی نزاکت اور نتائج کا ادراک نہیں ہو رہا اوراگر اُنہوں نے اپنے رویے تبدیل نہیں کیے تو عوام کا ریاست پر اعتماد اُٹھ جائیگا اور وہ اپنے تحفظ کیلئے مزاحمت پر اُتر آئیں گے۔میاں افتخار حسین نے کہا کہ وزیر اعظم نے غیر ملکی دوروں سے فرصت کے باوجود باچا خان یونیورسٹی کا دورہ کرنے کی زحمت بھی گوارا نہیں کی۔ یہ اس جانب اشارہ ہے کہ وہ امتیاز اور لاتعلقی کے رویے پر گامزن ہیں۔ اُنہوں نے کہا کہ جس نوعیت کا رد عمل اے پی ایس سانحہ کے بعد سامنے آیا تھا وہ یونیورسٹی کے معاملے میں دیکھنے کو نہیں ملا۔ اُنہوں نے کہا کہ حلیم جان نے جب دھمکیوں سے متعلقہ حکومتی اداروں سے آگاہ کیا تو ان کو بتایا گیا کہ وہ خاموشی سے رقم ادا کریں۔ اگر حکومت کا رویہ اسی نوعیت کا ہے تو سوال اُٹھتا ہے کہ لوگ کن سے جا کر تحفظ مانگیں اور ریاست کی ذمہ داریاں کیا ہیںمتعلقہ عنوان :
پشاور میں شائع ہونے والی مزید خبریں
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
خیبر پختونخوا،بیوٹی پارلرز اور شادی ہالز پر فکسڈ ٹیکس لگانے کا فیصلہ
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز ، معاون خصوصی مشعود احمد خان نے ..
پشاور ، کاروباری خواتین کے لیے رجسٹریشن اور تربیتی ورکشاپ کا انعقاد کیا گیا
صاف پانی کی فراہمی,نکاسی آب اور ٹیوب ویلوں کی مرمت سمیت تمام مسائل کا حل ترجیح ہے،پختون یار خان
لیڈی ریڈنگ ہسپتال میں صحت کارڈ پر داخل مریض کیلئے باہر سے ادویات کی خریداری کے معاملے پر شعبہ گائنی کی ..
وزیر زراعت میجر )ر(سجاد برکوال کو زرعی شعبہ کی ترقی کے حوالے سے ہائیڈرو پانک سسٹم کے جدید منصوبے کے متعلق ..
خیبر پختونخوا کے وزیر تعمیرات شکیل احمد نے ارباب نیاز انٹرنیشنل کرکٹ سٹیڈیم کے تعمیراتی منصوبے کی تکمیل ..
پشاور ہائی کورٹ کا 14 دن کے اندر اسمبلی کا اجلاس طلب کرنے نو منتخب ممبران سے حلف لینے کا حکم
خیبر پختونخوا کے دریاؤں میں سیلابی صورت حال اور مزید بارشوں کی وجہ سے خطرات بڑھنے کے خدشہ
خیبرپختونخواہ اسمبلی مخصوص نشستوں پر حلف معاملہ،وزیراعلیٰ اور کابینہ کو اجلاس طلب کرنے کیلئے اقدامات ..
پشاور سے متعلقہ
پاکستان کی تازہ ترین خبریں
-
فواد چوہدری کو مزید 4 مقدمات میں ریلیف مل گیا
-
ضمنی الیکشن کے دوران موبائل اور انٹرنیٹ سروس بند رہنے کا امکان
-
ضمنی الیکشن کے دوران دفعہ 144 کا نفاذ عدالت میں چیلنج
-
نارووال میں نوجوان کی ہلاکت پر پنجاب حکومت نے وضاحتی بیان جاری کر دیا
-
ضمنی انتخابات، پنجاب میں پولنگ کے سامان کی ترسیل کی کوریج پر پابندی عائد
-
عمران خان نے پیغام دیا ہے21اپریل کو ووٹ کی حفاظت کریں،علیمہ خان
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..