سوات کے تعلیمی اداروں کی حفاظت کے لئے ڈی سی سوات کی زیر صدارت اجلاس
غیر معمولی حالات میں ہمیں غیر معمولی اقدامات اٹھانے پڑ رہے ہیں اور اب غفلت کی قطعاً گنجائش نہیں،ڈی سی سوات
منگل 26 جنوری 2016 17:36
پشاور(اُردو پوائنٹ اخبارتازہ ترین - این این آئی۔26 جنوری۔2016ء) سوات کے تعلیمی اداروں میں حفاظتی اقدامات کو یقینی بنانے کے لیے ایک اعلیٰ سطحی اجلاس ڈپٹی کمشنر سوات محمود اسلم وزیر کی زیر صدارت منعقد ہوا۔اجلاس میں ڈی پی او سلیم مروت اور کرنل خرم کے علاوہ ڈسٹرکٹ ایجوکیشن آفیسر سوات حافظ محمد ابراہیم،ڈی او زنانہ ،سوات یونیورسٹی ،جہانزیب کالج،سرکاری اور پرائیویٹ تعلیمی اداروں کے نمائندوں کے علاوہ تمام سرکاری محکموں کے افسران نے بھی شرکت کی۔
اجلاس سے خطاب کرتے ہوئے ڈپٹی کمشنر نے خبر دار کیا کہ غیر معمولی حالات میں ہمیں غیر معمولی اقدامات اٹھانے پڑ رہے ہیں اور اب غفلت کی قطعاً گنجائش نہیں۔انھوں نے کہا کہ تعلیمی ادارے دوسرے فنڈز بھی حفاظتی اقدامات کی مد میں تبدیل کریں لیکن حفاظتی اقدامات میں کمی کسی صورت برداشت نہیں کی جائے گی ۔(جاری ہے)
انھوں نے کہا کہ سکول اور تعلیمی اداروں میں ناکافی سہولیات کی شکایت بار بار آنے پر ان اداروں کو بند کر دیا جائے گا ۔
انھوں نے کہا کہ اے سی،ڈی ایس پی اور محکمہ تعلیم کے ایک افسر پر مشتمل جائنٹ معائنہ ٹیم روزانہ 20تا 25سکولوں کا معائنہ کرکے رپورٹ جمع کرے گی اور بار بار شکایت آنے کی صورت میں متعلقہ سکولوں کو بند کر دیا جائے گا ۔اس موقع پر ڈی پی او اور کرنل خرم نے بھی حفاظتی اقدامات پر تفصیل سے روشنی ڈالی۔محکمہ تعلیم کے افسران ،سوات یونیورسٹی اور پرائیویٹ تعلیمی اداروں کے نمائندوں نے بھی اپنی تجاویز پیش کیں ،اور کچھ نقاط پر سوالات پوچھے۔اس موقع پر فیصلہ کیا گیا کہ جن اداروں اور سکولوں کے چوکیداروں کو تربیت کی ضرورت ہے ،پولیس اور پاک فوج ان کو تربیت دے گی اور جن اداروں کو ضروری اسلحہ کی ضرورت ہے انھیں اسلحہ بھی دیا جائے گا ۔اسی طرح اجلاس میں فیصلہ کیا گیا کہ تمام تعلیمی اداروں کے ذمہ داروں کے پاس پولیس اور فوج کے ضروری رابطہ نمبر ضرور موجود ہونا چاہیے،اور پولیس یا فوج کی ٹیم کسی بھی تعلیمی ادارہ کو پیشگی اطلاع کے بغیر اس کے اندر داخل نہیں ہوگی کیونکہ دہشت گرد اکثر فورسز کی یونیفارم میں اداروں پر حملہ کرتے ہیں ۔ڈپٹی کمشنر نے سختی سے ہدایت کی کہ سکولوں کے چوکیداروں کو ایک منٹ کے لیے بھی سیکورٹی ڈیوٹی سے غیر حاضر نہیں ہونا چاہیے اور اس سلسلے میں کسی بھی معذرت کو قبول نہیں کیا جائے گا۔انھوں نے کہا کہ سکول کی چار دیواری آٹھ فٹ اونچی ہونی چاہیے اور اس پر خاردار تار لگانا چاہیے ۔اجلاس کے شرکاء نے اس عزم کا اظہار کیا کہ نئی نسل کی بہترین تعلیم پر کسی قسم کی سودا بازی نہیں کی جائے گی اور مشکل سے مشکل حالات میں تعلیم کی شمع روشن رکھی جائے گی۔متعلقہ عنوان :
پشاور میں شائع ہونے والی مزید خبریں
یونیورسٹی آف انجینئرنگ اینڈٹیکنالوجی پشاور اورقراقرم انٹرنیشنل یونیورسٹی، گلگت بلتستان کے مابین ..
عدالت کا رکن صوبائی اسمبلی کی درخواست منظور کرتے ہوئے ان کا پاسپورٹ بحال کرنے کا حکم
ڈبلیو ایس ایس پی کے سات ٹیوب ویل شمسی توانائی پر منتقل،سالانہ بجلی بلوں کی مد میں 80 لاکھ روپے سے زائد ..
سوات ٹریفک پولیس کا احسن اقدام،جمعہ کے روز بھی لائسنس ٹیسٹ کا باقاعدہ آغاز
خیبرپختونخوا کے مخصوص اضلاع میں پانچ روزہ انسداد پولیو مہم کیلئے تمام تیاریاں مکمل ہیں، وزیر صحت قاسم ..
رحمان میڈیکل انسٹیٹیوٹ میں دوسری عالمی ریسرچ کانفرنس برائے صحت کا آغاز ہو گیا
کیپٹل میٹروپولیٹن کے تعلیمی اداروں کو بہترین تعلیمی اداروں کے برابرلائیں گے،ڈائریکٹرتعلیمی کمیٹی
خیبرپختونخوا میں 2 مرحلوں پر مشتمل انسداد پولیو مہم کا آغاز ہوگیا
نقل کے خاتمے کیلئے مربوط اوربہترمنصوبہ بندی کے ساتھ کامیاب طریقہ کار بنا لیا ہے ،ایس ڈی ای اوویجیلنس ..
پشاور، ضلعی انتظامیہ نے اکیڈمی ٹاؤن میں غیرقانونی ریمپس اور سپیڈ بریکروں کو ہٹا دیا
پشاور، ڈپٹی کمشنر کی زیر صدارت ڈبلیو ایس ایس پی واجبات کی وصولی کے حوالے سے اہم اجلاس
خیبر پختونخوا کے مختلف اضلاع میں چیئرمین تحصیل کونسل کی خالی نشستوں پر ضمنی بلدیاتی انتخابات 28 اپریل ..
پشاور سے متعلقہ
پاکستان کی تازہ ترین خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات