اسلام کے نام پر وجود میں آنیوالے ملک میں حکمرانوں نے سودی نظام نافذ کرکے قوم کو اﷲ ،رسول ﷺ کیساتھ جنگ میں مبتلا کردیا ،مشتاق احمد خان
محمد نواز شریف وزیر اعظم ہاؤس میں محفل میلاد پر اکتفا نہ کریں ، عشق مصطفی ﷺ کا ثبوت دیتے ہوئے سودی معیشت کے خاتمے کا اعلان کریں، امیر جماعت اسلامی کے پی کے
جمعہ 15 جنوری 2016 20:23
پشاور(اُردو پوائنٹ اخبارتازہ ترین - این این آئی۔15 جنوری۔2016ء) امیر جماعت اسلامی خیبر پختونخوا مشتاق احمد خان نے کہا ہے کہ اسلام کے نام پر وجود میں آنے والے ملک میں حکمرانوں نے سودی نظام نافذ کرکے پوری قوم کو اﷲ تعالیٰ اور اس کے رسول ﷺ کے ساتھ جنگ میں مبتلا کردیا ہے۔ میاں نواز شریف وزیر اعظم ہاؤس میں محفل میلاد پر اکتفا نہ کریں ، عشق مصطفی ﷺ کا ثبوت دیتے ہوئے سودی معیشت کے خاتمے کا اعلان کریں۔
جماعت اسلامی سودی نظام معیشت کے خلاف بھر پور تحریک چلائے گی۔ حکمرانوں نے قوم کی آزادی سلب کرکے آئی ایم ایف اور ورلڈ بینک کا غلام بنا دیا ہے۔ آئی ایم ایف کے حکم پر فروری میں 100ارب کے نئے ٹیکس لگانے کی تیاریاں ہورہی ہیں۔عوام نئے ٹیکسوں کے خلاف اٹھ کھڑے ہوں۔ حکمران عوام کو کچھ نہیں دے رہے اور ان کا خون چوس رہے ہیں۔(جاری ہے)
ملکی خزانے لوٹ کر اپنی تجوریاں بھر رہے ہیں۔
اگر ٹیکسوں اور قیمتوں کا تعین آئی ایم ایف اور ورلڈ بینک کے حکم پر ہوتا ہے تو آزادی اور خودمختاری کہاں ہے؟ دنیا میں چھ کروڑ مسلمان مہاجر ہیں اور کسمپرسی کی زندگی گزار رہے ہیں ۔ مسلمانوں کی اس تباہی اور بربادی کے ذمہ دار مسلمان ممالک کے حکمران ہیں۔مسلمان ممالک میں جب بھی کوئی تنازعہ یا مسئلہ ابھرتا ہے تو OICغائب ہوجاتی ہے۔ او آئی سی کے پاس مسلمانوں کی قیادت اور مسائل حل کرنے کی صلاحیت موجود نہیں۔ او آئی سی انجمن غلامان امریکہ ہے۔ مسلمانوں کے تمام مسائل کا حل اسوۂ رسول ﷺ اور نظام مصطفی ﷺ میں ہے۔ جماعت اسلامی نظام مصطفی ﷺ کا قافلہ اور اس کی منزل نظام مصطفی ﷺ کا قیام ہے۔ کرپٹ ٹولہ نظام مصطفی ﷺ کے راستے میں سب سے بڑی رکاؤٹ ہے۔جماعت اسلامی نے قوم کو اسلامی پاکستان خوشحال پاکستان کا نعرہ دیا ہے جو کہ نظام مصطفی ﷺ کا دوسرا نام ہے۔ اسی تحریک کے نتیجے میں پاکستان اپنی حقیقی منزل سے ہمکنار ہوگا۔ ان خیالات کا اظہار انہوں نے پریس کلب ایبٹ آباد میں جماعت اسلامی ایبٹ آباد کے زیر اہتمام سیرت النبی ﷺ سے خطاب کرتے ہوئے کیا۔ کانفرنس سے جماعت اسلامی ضلع ایبٹ آباد کے امیر عبدالرزاق عباسی، تحصیل ناظم ایبٹ آباد اسحاق اور دیگر نے بھی خطاب کیا۔ کانفرنس میں امیر ضلع مانسہرہ ڈاکٹر طارق شیرازی اور تحصیل و ڈسٹرکٹ ممبران بھی موجود تھے۔ مشتاق احمد خان نے کہا کہ پاکستان ایک نظرئیے کے تحت وجود میں آیا تھا ۔ لاکھوں مسلمانوں نے اسلامی ریاست کے لئے قربانیاں دیں لیکن انگریز کے جانے کے بعد انگریز کے غلاموں نے اس ملک میں اسلامی نظام نافذ نہیں ہونے دیا اور عوام کو ہمیشہ دھوکے میں رکھا ۔ عوام کو سبز باغ دکھا کر مختلف حربوں سے لوٹا اور یہاں کی تمام دولت لوٹ کر دوسرے ممالک میں منتقل کردی۔ انہوں نے کہا کہ بدقسمتی سے پاکستان پر ایسے لوگ حکمران رہے جنہیں نا اسلام سے محبت ہے اور نہ ہی اپنی قوم سے دلچسپی ہے۔ یہ صرف اپنے اور اپنے خاندان کے مفاد کو دیکھتے ہیں۔ آزادی کے بعد ان حکمرانوں نے ایک بار پھر ہمیں ورلڈ بینک اور آئی ایم ایف کی غلامی میں دے دیا ہے۔ اس وقت ملک کا بچہ بچہ مقروض ہے لیکن ورلڈ بینک اور آئی ایم ایف سے حاصل ہونے والے بھاری قرضوں میں سے عوام کو ایک پائی بھی نہیں ملتی۔ الٹا ان کے احکامات کے مطابق پہلے سے ہی پسی ہوئی عوام پر ٹیکس عائد کئے جاتے ہیں اور قیمتوں میں اضافہ کیا جاتا ہے۔ انہوں نے کہا کہ پاکستان وسائل سے بھر پور ہے ۔ اﷲ تعالیٰ نے اس ملک کو اپنی نعمتیں بہت فیاضی سے دی ہیں لیکن بدقسمتی سے یہ ملک نیک اور دیانتدار قیادت سے محروم ہے۔ اسی یہاں کے عوام بنیادی ضروریات تک کے لئے ترس رہے ہیں ۔ عوام چوروں ، لٹیروں اور کرپٹ سیاستدانوں کو مسترد کرکے نیک اور صالح قیادت سامنے لائیں ۔ انہوں نے کہا کہ پاکستان مسائل سے اسی لئے دوچار ہے کہ یہ اپنی اصل سے ہٹ گیا ہے۔ اس ملک کی حقیقی منزل نظام مصطفیﷺ ہے۔ جماعت اسلامی نے نظام مصطفی ﷺ رائج کرنے کرنے کے لئے ملک میں اسلامی پاکستان خوشحال پاکستان کی تحریک شروع کردی ہے ۔ اب یہ عوام کا فرض ہے کہ ملک کو مسائل کے گرداب سے نکالنے اور نظام مصطفی ﷺ رائج کرنے کے لئے جماعت اسلامی کا ساتھ دیں۔متعلقہ عنوان :
پشاور میں شائع ہونے والی مزید خبریں
فیصل کریم کنڈی نے بطور گورنر خیبر پختونخوا عہدے کا حلف اٹھا لیا
1صدر آصف علی زرداری اور پی پی پی کا اعتماد پر مشکور ہوں۔میری پوری کوشش ہوگی کہ صوبے اور مرکز کے درمیان ..
ژ*خیبرپختونخوا کے نوتعینات گورنر فیصل کریم کنڈی نے اپنے عہدے کا حلف لے لیا
گورنر خیبر پختونخوا فیصل کریم کنڈی کاصوبے کی سیاسی قیادت کے پاس چل کر جانے کا اعلان
فیصل کریم کنڈی نے بطورگورنرخیبرپختونخوا حلف اٹھالیا
نیب کو ختم کر کے نیشنل ایگریکلچر بیورو بنا دیا جائے ‘ فائق شاہ
پرائیویٹ لیبارٹریز ایسوسی ایشن کی تقریب حلف برداری ، مختلف بازاروں کے صدور کی شرکت
یوتھ اسمبلی کی کابینہ میں مزید 9 وزراء اور 2 مشیر شامل
صوبائی وزیرخوراک کا مردان میں گندم گودام کا دورہ ،گندم خریداری کےانتظامات کا جائزہ لیا
دستیاب وسائل اور اثاثوں کا مؤثر انداز میں استعمال اہم ترجیح ہے،وزیر اعلیٰ خیبر پختونخوا
ہیلتھ کا ا نظام ڈیجیٹائز کررہے ہیں، قاسم علی شاہ
خیبرپختونخوا کے جائز بقایاجات ادا نہیں کئے جا رہے، مشیر خزانہ
پشاور سے متعلقہ
پاکستان کی تازہ ترین خبریں
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
محمد حارث نے ٹیم میں واپسی کے لیے پی آر مہم چلائی ‘ احمد شہزاد کا الزام
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
-
فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، ریونیوکلیکشن بڑا چیلنج ہے‘شہبازشریف