عمران خان اپنی حکومت کی تقلید میں کاریڈور کے ایشو پر واضح موقف اپنائیں ‘ میاں افتخار حسین
کاریڈور پر سب سے مؤثر اور پہلی آواز اے این پی ہی نے اُٹھائی تھی ، مغربی روٹ کیلئے سب کا ساتھ چلنا وقت کی ضرورت ہے
ہفتہ 9 جنوری 2016 21:43
پشاور(اُردو پوائنٹ اخبارتازہ ترین - این این آئی۔09 جنوری۔2016ء) عوامی نیشنل پارٹی کے مرکزی سیکرٹری جنرل میاں افتخار حسین نے کہا ہے کہ وزیرستان اپریشن کے بعد ملک میں جو عارضی امن قائم ہوا ہے اس کے لیے دیگر کے علاوہ وزیرستان کے عوام نے بڑی قیمت چکاتے ہوئے بے مثال قربانیاں دی ہیں تاہم افسوسناک بات یہ ہے کہ ان کی واپسی اور بحالی کیلئے وہ کوششیں نظر نہیں آ رہی ہیں جو کہ ہونی چاہئیں تھیں اور جن کے عوام کے ساتھ وعدے کیے گئے تھے۔
وفاقی ، صوبائی حکومتیں لاتعلقی پر مبنی پالیسیوں پر عمل پیرا ہیں۔ اگر یہ رویہ تبدیل نہیں کیا گیا اور نیشنل ایکشن پلان کے تحت تمام شدت پسندوں کے ساتھ بلا امتیاز کارروائیاں تیز نہیں کی گئیں تو قبائلی عوام کا احساس محرومی منفی رجحانات میں تبدیل ہو جائیگا اور عارضی امن کا مستقبل بھی خطرے میں پڑ جائے گا۔(جاری ہے)
ڈاگ اسماعیل خان نوشہرہ میں منتخب بلدیاتی نمائندوں ملک یحییٰ خان ، شبیر خان اور بعض دیگر کی اے این پی میں شمولیت کی تقریب سے خطاب کرتے ہوئے اُنہوں نے کہا کہ اگر حکومت اور دیگر ریاستی اداروں نے نیشنل ایکشن پلان کا دائرہ پنجاب اور دیگر علاقوں تک نہیں پھیلایا اور متاثرین وزیرستان کی مکمل بحالی، تعمیر نو اور فوری واپسی کو یقینی نہیں بنایا تو عارضی امن کا مستقبل سوالیہ نشان بن جائیگا اور شدت پسندوں کو پھر سے متحد ہونے کا موقع مل جائیگا۔
اُنہوں نے کہا المیہ یہ ہے کہ اے پی ایس واقعے کے بعد جن اداروں اور پالیسیوں کے وعدے کیے گئے تھے ان پر پوری طرح عمل نہیں ہوا۔ کاریڈور کے ایشو پر بات کرتے ہوئے میاں افتخار حسین نے کہا کہ اے این پی ہی نے ابتداء سے مختلف فورمز پر مغربی روٹ کی تعمیر کا ایشو اُٹھا کر واضح انداز میں موقف اپنایا کہ مغربی روٹ کی تعمیر پر کسی قسم کی سودے بازی یا مصلحت برداشت نہیں کی جائیگی اور اب بھی ایک متحرک کردار ادا کر رہے ہیں۔ اُنہوں نے کہا یہ بات خوش آئند ہے کہ صوبائی حکومت سمیت دیگر سیاسی قوتیں اس معاملے پر متحد ہو گئی ہیں۔ تاہم ضرورت اس بات کی ہے کہ وزیر اعلیٰ سندھ اور بلوچستان کو اعتماد لیکر مشترکہ مفادات کونسل کا اجلاس بلائے تاکہ چھوٹے صوبوں کے مفادات کا حکومتوں کی سطح پر تحفظ کیا جائے اور اس منصوبے سے استفادہ کیا جا سکے۔اُنہوں نے کہا کہ ہم صوبائی حکومت کے موقف کو سراہتے ہیں تاہم پی ٹی آئی کے چئیرمین عمران خان کو اس اہم ترین ایشو پر واضح سٹینڈ لیکر اپنا فعال کردار ادا کرنا چاہیے۔ اگر اُنہوں نے پنجاب کے اپنے ووٹ بینک کیلئے مصلحت سے کام لیا تو اس سے بہت سے سوالات سر اُٹھائیں گے اور صوبائی حکومت کا موقف وہ اثر نہیں ڈالے گا جس کی صوبے کے عوام اور اجتماعی مفادات کو ضرورت ہے۔اُنہوں نے بلدیاتی نظام سے متعلق حکومت کے رویے پر افسوس کا اظہار کرتے ہوئے کہا کہ حکومت اپنی بدنیتی ، غیر جانبداری اور منفی رویے کے باعث اس نظام کی ناکامی پر تلی ہوئی ہے۔ وسائل اور اختیارات کی منتقلی میں مسلسل تاخیر سے کام لیا جا رہا ہے۔ منتخب نمائندے وسائل اور دفاتر سے محروم ہیں اور اس کا نتیجہ ہے کہ ان کا اپنا وضع کردہ نظام ناکامی سے دوچار ہونے لگا ہے۔ پبی میں تجاوزات کے نام پر کی جانے والی کارروائیوں کو تنقید کا نشانہ بناتے ہوئے اُنہوں نے کہا کہ حکومت اس کی آڑ میں عام لوگوں کو زیادتی کا نشانہ بننے اور پی ٹی آئی کے کارکنوں کو نوازنے نہیں دینگے۔ اس لیے حکومت میرٹ سے کام لیکر کسی قسم کی مہم جوئی سے گریز کرے۔ قبل ازیں شمولیتی اجتماع سے سابق صوبائی وزیر اقبال حسین خٹک اور دیگر نے بھی خطاب کیا۔پشاور میں شائع ہونے والی مزید خبریں
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
خیبرپختونخوا میں منشیات کیخلاف کریک ڈاؤن میں ضلع خیبر کے بعد ضلع صوابی میں گرینڈ آپریشن، 45 کنال افیون ..
دہشتگردی اکیلے خیبر پختونخوا کا نہیں بلکہ پورے ملک کا مسئلہ ہے، مشیراطلاعات بیرسٹر ڈاکٹرسیف
کالجوں کے داخلہ فیس میں 10 فیصد کمی کیلئے اقدامات اٹھائے جائیں، مشیرخزانہ
میڈیا کا کردار کسی بھی جمہوری ریاست میں بہت اہم ہے ، صحافت اگر مثبت طریقے سے فعال ہو تو اس سے ایک مثالی ..
ڈنڈے کے فارمولے نہیں چلیں گے آئین قانون کے مطابق چلنا ہوگا
چیمبر کی سطح پر مالی و انتظامی بے ضابطگیوں اور بے قاعدگیوں میں ملوث افراد اور ملازمین کو کیفرکردار تک ..
پشاور ہائیکورٹ، پی ٹی آئی سوشل میڈیا انچارج کی اہلیہ، بھائی کا نام پی سی ایل میں ڈالنے پر ایف آئی اے ..
وزیر اعلیٰ خیبر پختونخوا سردار علی امین خان گنڈاپور کی زیر صدارت چشمہ رائٹ بینک لفٹ کینال پراجیکٹ سے ..
Yدلہ زاک روڈ پر تجاوزات کے خلاف گرینڈ آپریشن
wچھوٹے تاجر بھی سٹاک ایکسچینج کا حصہ بن جائیں ‘ سلمان الٰہی
ؒوزیر اعلی خیبر پختونخوا سردار علی امینخان گنڈاپور کی زیر صدارت چشمہ رائٹ بینک لفٹ کینال پراجیکٹ سے ..
پشاور سے متعلقہ
پاکستان کی تازہ ترین خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت