ریکارڈ دھاندلی کیخلاف 11مئی کو ڈی چوک اسلام آباد سے احتجاج کا سلسلہ شروع کرینگے ‘ اعجاز چوہدری،احتجاج میں جماعت اسلامی، عوامی مسلم لیگ اور عوامی تحریک بھی شریک ہوگی ،حکومت کی ایک سالہ کارکردگی کا عوام کے سامنے پول کھولیں گے ،پارٹی کااٹھارواں یوم تاسیس 25 اپریل کو جوش و خروش سے منایا جائیگا ،ہر ضلع اور تحصیل کی سطح پر پروگرامز منعقد کئے جائینگے‘پنجاب کے صدر کی اجلاس کے بعد میڈیا کو بریفنگ
ہفتہ 19 اپریل 2014 22:19
لاہور(اُردو پوائنٹ اخبار تازہ ترین۔19اپریل۔2014ء) پاکستان تحریک انصاف پنجاب کے صدر اعجازاحمدچوہدری نے کہاہے کہ ریکارڈ دھاندلی کے خلاف 11مئی سے احتجاج کا سلسلہ شروع کرینگے اور جماعت اسلامی، عوامی مسلم لیگ اور عوامی تحریک کے ساتھ اسلا م آباد ڈی چوک سے اسکا آغازکریں گے ،اس تحریک کے دوران حکومت کی ایک سالہ کارکردگی کا عوام کے سامنے پول کھول دینگے،پارٹی کااٹھارواں یوم تاسیس 25 اپریل کو جوش و خروش سے منایا جائے گا ، اس دن ہر ضلع اور تحصیل کی سطح پر پروگرامز منعقد ہوں گے اور کیک بھی کاٹے جائیں گے۔
ان خیالات کا اظہار انہوں نے پنجاب کے عہدیداروں ، ریجنل صدور و جنرل سیکرٹریز اور سینئررہنماؤں کے مشترکہ اجلاس کے بعد صوبائی سیکرٹریٹ میں پریس کانفرنس کرتے ہوئے کیا ۔(جاری ہے)
اعجاز چوہدری نے کہا کہ مک مکا اور دھاندلی کی پیدوار حکمران عوام کو ریلیف دینے میں بری طرح ناکام ہو چکے ہیں ۔ دھاندلی کے باوجود الیکشن ملکی مفادات کے پیش نظر قبول کئے لیکن حالات مزید خراب ہو چکے ہیں ۔
مہنگائی ، بے روزگاری اور بدحالی میں اضافہ ہواہے ۔ انہوں نے اعلان کیا کہ 11 مئی کو اسلام آباد کے ڈی چوک میں عام انتخابات میں ہونے والی دھاندلی کے خلاف جماعت اسلامی، عوامی مسلم لیگ اور عوامی تحریک کے ساتھ ملکر موثر احتجاج کریں گے۔ احتجاج کی قیادت تحریک انصاف کے چیئرمین عمران خان کریں گے جبکہ اسی رو ز پنجاب کے دوسرے شہروں میں بھی احتجاج کیاجائے گا ۔ انہوں نے کہاکہ ڈالر کی شعبدہ بازی سے عام آدمی کو کوئی فائدہ نہیں پہنچابلکہ رائے ونڈ کے مغل بادشاہ نما حکمرانوں کے ذاتی کاروبار میں اضافہ ہوا ہے۔ 11 مئی کے احتجاج میں حکومت کی ایک سالہ کارکردگی کا عوام کے سامنے پول کھول دیں گے۔ الیکشن ٹربیونل میں انصاف نہیں مل رہا اگر چارحلقوں میں انگوٹھوں کے نشانوں کی تصدیق ہو جاتی تو قوم کے سامنے دودھ کا دودھ اور پانی کا پانی ہو جاتا۔ انہوں نے کہاکہ سابقہ چیف الیکشن کمیشنر فخر الدین جی ابراہیم کو چاہئے کہ وہ اپنی زبان کھولیں اور عوام کو تمام حقائق سے آگاہ کریں کہ کن حالات کے پیش نظر انہوں نے استعفیٰ دیا تھا ۔نگران وزیراعلیٰ نجم سیٹھی کے دورمیں ایل ڈی اے پلازہ میں لگنے والی آگ میں میٹرو بس کا ریکارڈ جلانے اور31 افراد جل کر لقمہ اجل بن گئے تھے لیکن آج تک ان کی رپورٹس منظر عام پر نہیں آ سکی ۔ انہوں نے ایک سوال کے جواب میں کہاکہ پنجاب میں امن وامان کی صورتحال انتہائی خراب ہے ،بے روزگاری اور مہنگائی سے تنگ آکر عوام خود کشیاں کرنے پر مجبور ہوچکے ہیں ۔ بھارت سے تجارت کے باعث پاکستانی معیشت تباہ و برباد ہو چکی ہے ، گندم کی سپورٹ پرائس میں اضافہ نہ کرنا قابل مذمت ہے۔ صوبائی دارلحکومت سمیت پنجاب کے دیگر شہروں میں بجلی اور گیس کی لوڈشیڈنگ نے غریب عوام کو پریشان کررکھا ہے ۔ کارخانے اور صنعتی یونٹ بند ہونے سے لاکھوں مزدور بے روزگار ہوچکے ہیں جبکہ غریب عوام دووقت کی روٹی کو ترس رہے ہیں ۔اعجازاحمدچوہدری نے ایک سوال کے جواب میں کہاکہ پاکستان تحفظ آرڈیننس بل جیسے کالے قانون کو نہیں مانتے ۔ زبردستی عوام پر یہ کالاقانون مسلط کیا جا رہا ہے۔ حکومت اس بل کو پاس کروانے کے لئے پیپلزپارٹی سے مک مکا کر چکی ہے ۔متعلقہ عنوان :
لاہور میں شائع ہونے والی مزید خبریں
ڈرگ فری پنجاب مہم میں تیزی،متعدد ملزمان گرفتار
طلباءکو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ءنے رجسٹریشن کروالی
کلین سوئپ شکست،ویمنز ٹیم کی سلیکشن کمیٹی میں بڑی تبدیلیاں
مولانا عبد العلیم فاروقی کا انتقال بہت بڑا سانحہ ہے‘ جے یو آئی(س)
کشمیریوں کے شوق شہادت کو سلام پیش کرتے ہیں ‘سنی علما کونسل
ناموس مصطفیﷺ کیلئے کٹ مرنا سعادت ہے‘ متحدہ علما کونسل
موجودہ حکومت کے پاس عوامی مسائل کاکوئی حل نہیں‘ جے یو آئی
پی ٹی آئی کارکنوں کو اٹھائیسویں یومِ تاسیس مبارکباد ‘ فرخ جاوید مون
’ان کرداروں کو اکٹھا دیکھ کر عوام کی نفرت میں اضافہ ہی ہوتا ہے‘
ضمنی الیکشن میں دفعہ 144 کے نفاذ کیخلاف درخواست پر سماعت ملتوی
پنجاب پولیس نے حماد اظہر پر 33مقدمات درج کر رکھے ہیں‘ رپورٹ ہائیکورٹ میں پیش
پنجاب فوڈ اتھارٹی نے سپیشل میٹ سیفٹی ٹاسک فورس تشکیل دیدی
لاہور سے متعلقہ
پاکستان کی تازہ ترین خبریں
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت
-
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
-
پاکستان کی بہترین جامعات کو مانیٹرنگ کے موثر نظام کے ذریعے عالمی معیار کی جامعات میں شامل کرنا چاہتے ہیں، احسن اقبال
-
’ان کرداروں کو اکٹھا دیکھ کر عوام کی نفرت میں اضافہ ہی ہوتا ہے‘
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
شیر افضل مروت کی حفاظتی ضمانت منظور،پنجاب پولیس کو گرفتاری سے روک دیاگیا
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
برائلر گوشت کی قیمت میں مزید14روپے کلو کمی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
وزیر اعظم نے چیف کمشنر اسلام آباد کیپٹن (ر) انوارالحق کو عہدے سے ہٹا دیا