شہباز شریف اپنے 9اور میرے 5 سال کے کاموں اور قیمتوں کا اصلی و عوامی سروے کروائیں‘ چوہدری پرویزالٰہی ،حکمران اپنی برتری کا غلط پراپیگنڈہ کر کے چھوٹے صوبوں کا احساس محرومی بڑھا رہے ہیں، ہماری ایک سکیم ناکام ،ان کی ایک بھی کامیاب نہیں ہوئی،دنیا کی تاریخ میں یہ پہلا وزیر دفاع ہے جس نے اپنے ہی ملک کی فوج کو برا بھلا کہا ہو‘ مسلم لیگ (ق) کے مرکزی رہنما کی پریس کانفرنس
منگل 15 اپریل 2014 20:12
لاہور (اُردو پوائنٹ اخبار تازہ ترین۔15اپریل۔2014ء) پاکستان مسلم لیگ (ق) پنجاب کے سینئر مرکزی رہنما و سابق نائب وزیراعظم چودھری پرویزالٰہی نے شہبازشریف کو چیلنج کیا ہے کہ وہ پنجاب میں اپنی حکومت کے 9 اور میرے 5 سال کے دوران ہونے والے عوامی فلاحی و ترقیاتی کاموں، ضروری استعمال کی اشیاء کی قیمتوں اور امن عامہ کے بارے میں اصلی و عوامی سروے کروائیں،پاکستان میں دنیا کی تاریخ کا پہلا وزیردفاع ہے جس نے اپنے ہی ملک کی فوج کو برا بھلا کہا ہو اور یہ قومی المیہ ہے، حکمران اپنی برتری کا غلط پراپیگنڈہ کر کے چھوٹے صوبوں کا احساس محرومی بڑھا رہے ہیں۔
ہماری ایک سکیم ناکام اور ان کی ایک بھی کامیاب نہیں ہوئی۔ وہ یہاں مسلم لیگ ہاؤس میں صوبائی تنظیمی اجلاس کے بعد پریس کانفرنس سے خطاب کر رہے تھے۔(جاری ہے)
انہوں نے اجلاس میں پارٹی اور ہر ونگ کی ضلع وار تنظیم سازی میں پیش رفت کا جائزہ لیتے ہوئے اسے سراہا اور آرگنائزنگ کمیٹی، ونگز کے صدور اور عہدیداروں کو مبارکباد پیش کی۔ چودھری پرویزالٰہی نے کہا کہ حقیقی سروے سے پتہ چل جائے گا کہ پنجاب میں ہماری حکومت کے بعد موجودہ حکمرانوں کے دور میں آٹا، چینی، دالوں، گھی وغیرہ، ڈکیتیوں، جرائم، خود کشیوں، اغواء برائے تاوان، گاڑیاں موٹر سائیکل چھیننے کی وارداتوں اور سکول نہ جانے والے بچوں کی تعداد میں کتنے گنا اضافہ ہوا ہے، کتنے لوگوں کو زکوٰة اور ہسپتالوں میں فری ادویات نہیں مل رہیں، ہمارے بنائے گئے کتنے ہسپتال، برن یونٹ، سکول، کالج چالو نہیں ہوئے۔
انہوں نے کہا کہ اپنے من پسند سروے کے ذریعہ دوسرے صوبوں کے وزرائے اعلیٰ کو نیچا دکھانے کی کوشش نہایت افسوسناک ہے، حالانکہ پنجاب کے وزیراعلیٰ پہلے تین سال کے بعد اب چھ سال سے وزیراعلیٰ ہیں جبکہ خیبرپختونخواہ اور بلوچستان کے وزرائے اعلیٰ کو صرف دس ماہ ہوئے ہیں، دس ماہ کا چھ سال کی کارکردگی سے مقابلہ سراسر زیادتی ہے۔ چودھری پرویزالٰہی نے کہا کہ کہ حقیقی سروے میں پتہ چل جائے گا کہ پیلی ٹیکسی، آشیانہ، ٹریکٹر اور دیگر سکیمیں کہاں گئیں، 2 روپے کی روٹی کہیں نہیں لیکن سستی روٹی اتھارٹی پر 22 ارب روپے خرچ ہو گئے، خدا کا شکر ہے کہ 1122 سمیت ہماری سکیموں کو یہ بند نہیں کر سکے لیکن ان میں رخنہ ڈالنے کی کوششیں نہیں چھوڑ رہے۔ انہوں نے کہا کہ ہم نے چھوٹے مکانوں اور 12 ایکڑ اراضی پر ٹیکس ختم کیا انہوں نے پھر سے لگا دیا، ہم 14 لاکھ بیروزگاروں کو روزگار دیتے تھے یہ چھین رہے ہیں جبکہ خواتین، بچیوں اور بچوں سے زیادتی کے واقعات میں اضافہ ہو رہا ہے لیکن مجرموں کو سزا تو کیا پکڑے بھی نہیں جا رہے۔ پاک فوج پر وزیردفاع کی تنقید کے بارے میں ایک سوال کے جواب میں انہوں نے کہا کہ وزیردفاع کا یہ کہنا قومی المیہ ہے کہ انہوں نے جنگیں ہاریں اور پیسے کھا جاتے ہیں لیکن یہ 63جی بھی پڑھ لیں جس کے تحت فوج اور عدلیہ پر تنقید کرنے والے پارلیمنٹرین نا اہل ہو جاتے ہیں۔ ایک اور سوال کے جواب میں انہوں نے کہا کہ غیر ملکی انوسٹمنٹ کے محض دعوے ہیں، ایک ہفتہ اُدھر جاتے ایک ہفتہ اِدھر رہتے ہیں لیکن ایک بھی منصوبہ پر عمل نہیں ہوا۔ پنجاب یوتھ فیسٹیول میں عالمی ریکارڈز کے نام پر دھوکہ دہی اور ایک ارب روپے کے صوبائی نقصان کے متعلق سوال پر انہوں نے کہا کہ گینز بک ریکارڈ والوں نے صرف ایک ریکارڈ تسلیم کیا ہے اس دھوکہ دہی کا مقدمہ درج ہونا چاہئے۔ بلدیاتی الیکشن کے بارے میں انہوں نے جواب دیا کہ یہ حکمران نچلی سطح پر اختیارات دینے کی بجائے کونسلر کے اختیارات بھی خود استعمال کرنا چاہتے ہیں اس لیے بلدیاتی الیکشن نہیں کرائیں گے۔ بجلی کی لوڈشیڈنگ اور قیمتوں میں اضافہ کے بارے میں چودھری پرویزالٰہی نے کہا کہ اپنے پچھلے دور میں احتجاجی جلوسوں کی قیادت کرنے والے شہباز شریف اپنا نام تبدیل کرنے کے وعدے کے مطابق نیا نام خود تجویز کر دیں۔متعلقہ عنوان :
لاہور میں شائع ہونے والی مزید خبریں
وزیر اعلی پنجاب مریم نواز شریف نے آئندہ 5 سالوں میں تمام کھالے پکے کرنے کا حکم دے دیا
وزیر اعلی پنجاب کابنیادی مرکز صحت شامکے بھٹیاں اپ گریڈ یشن پائلٹ پراجیکٹ کا دورہ
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
وزیراعلیٰ پنجاب مریم نوازکا لاہوررنگ روڈ سدرن لوپ تھری پراجیکٹ کا دورہ ، منصوبہ جلد مکمل کرنے کا حکم ..
پراسیکیوٹر جنرل پنجاب کا پتنگ بازی کی روک تھام کیلئے وزیراعلیٰ مریم نواز کو خط
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق ..
نظریہ پاکستان ٹرسٹ کا آگہی پروگرام،244 طلبا و طالبات اور اساتذہ کا مطالعاتی دورہ
فلسطین میں قبلہ اول کی حفاظت کرنے والے’’غزہ بدر ‘‘کی یاد تازہ کررہے ہیں
وزیراعلیٰ کی ہدایت پرسی سی پی او لاہور کی زیر نگرانی موٹر سائیکل سواروں میں خونی ڈور سے بچاؤ کیلئے سیفٹی ..
پنجاب پاپولیشن ویلفیئر اور فارمن کرسچن کالج یونیورسٹی لاہور کے اشتراک سے آگاہی سیمینار کا انعقاد
نادرا نے ارجنٹ درخواست پر شناختی کارڈ ڈلیوری کی مدت 23سے کم کرکے 15دن کردی
سیف سٹی نے گھر کا راستہ بھول جانے والی بچی والدین سے ملوا دی
لاہور سے متعلقہ
پاکستان کی تازہ ترین خبریں
-
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
-
وزیراعلیٰ پنجاب مریم نوازکا لاہوررنگ روڈ سدرن لوپ تھری پراجیکٹ کا دورہ ، منصوبہ جلد مکمل کرنے کا حکم
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
سائنسی بنیاد پر رمضان کا چاند 29 کا ہونے کا امکان
-
وزیراعلی مریم نوازکی زیر صدارت اجلاس، پنک راک سالٹ کی خام حالت میں برآمدپر پابندی پراتفاق
-
چوہدری پرویزالہٰی کی سی ٹی اسکین رپورٹ ڈاکٹرز کو موصول
-
پنجاب حکومت کا کاشتکاروں کو60 فیصد سبسڈی پر 56 اقسام کی زرعی مشینری دینے کا فیصلہ
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ