وزیر اعلیٰ پنجاب سے عالمی بینک کے وفد کی ملاقات ، پنجاب کے ترقیاتی منصوبوں ،مختلف شعبوں میں بہتری لانے سے متعلق اقدامات پر تبادلہ خیال ،ملاقات میں لائٹ مینوفیکچرنگ ،اربن ڈویلپمنٹ،ایگری بزنس،کان کنی ،انفارمیشن ٹیکنالوجی، سکل ڈویلپمنٹ کے شعبوں میں تعاون پر اتفاق،پائیدار معاشی ترقی سے روزگار کے نئے مواقع پیدا کیے جاسکتے ہیں،تیز رفتار معاشی ترقی کے لیے جامع پروگرام پر عمل پیرا ہیں،انفارمیشن ٹیکنالوجی کے ذریعے ای گورنمنٹ کے قیام کیجانب تیز ی سے بڑ ھ رہے ہیں ،اداروں کی استعدادکار بڑھانے کیلئے اصلاحات کے پروگرا م پر عمل پیرا ہیں،آئندہ ساڑھے چار برس کے دوران روزگار کے لاکھوں نئے مواقع پیدا کیے جائینگے‘ وزیراعلیٰ شہباز شریف کی عالمی بینک کے وفد سے گفتگو
جمعہ 4 اپریل 2014 20:02
لاہور(اُردو پوائنٹ اخبار تازہ ترین۔4اپریل۔2014ء) وزیراعلیٰ پنجاب محمد شہباز شریف نے کہا ہے کہ پنجاب حکومت صوبے میں تیزرفتار معاشی ترقی کے لیے جامع پروگرام پر عمل پیرا ہے،پنجاب میں شرح نمو میں اضافے کے لیے ماہرین کی مشاورت سے ترقیاتی حکمت عملی 2018ء مرتب کی جارہی ہے ،معاشی ترقی کے اہداف کے حصول کے لیے اداروں میں اصلاحات کی ضرورت ہے اور حکومت اداروں کی استعدادکار میں اضافے کے لیے موثر اقدامات کررہی ہے،صوبے میں انفارمیشن ٹیکنالوجی کے ذریعے ای گورنمنٹ کے قیام کی جانب تیزی سے بڑھ رہے ہیں۔
آئندہ ساڑھے چار برسوں کے دوران روزگار کے لاکھوں نئے مواقع پیدا کیے جائیں گے۔ان خیالات کا اظہارانہوں نے جمعہ کے روز یہاں عالمی بینک کے وفد سے ملاقات کے دوران گفتگو کرتے ہوئے کیا۔(جاری ہے)
ملاقات کے دوران پنجاب کے ترقیاتی منصوبوں اورمختلف شعبوں میں بہتری لانے سے متعلق اقدامات پر تبادلہ خیال ہوا ۔ورلڈ بینک کے حکام اورپنجاب حکومت کے درمیان لائٹ مینوفیکچرنگ ،اربن ڈویلپمنٹ ،ایگری بزنس،کان کنی ،انفارمیشن ٹیکنالوجی اورسکل ڈویلپمنٹ کے شعبوں میں تعاون پراتفاق کیا گیا۔
وزیراعلیٰ محمد شہباز شریف نے عالمی بینک کے وفد سے گفتگو کرتے ہوئے کہا کہ پائیدار معاشی ترقی سے نہ صرف روزگار کے نئے مواقع پیدا کیے جاسکتے ہیں بلکہ معیشت کو بھی مضبوط بنیادوں پر استوار کیا جا سکتا ہے ۔حکومت معاشی ترقی کے اہداف کے حصول کے لیے ٹھوس اقدامات کررہی ہے ۔موٹر وے کے قریب جدید قائداعظم اپیرل پارک کے قیام کامنصوبہ بنایا گیا ہے اور اس اپیرل پارک میں گارمنٹس سے وابستہ سرمایہ کاروں کو ایک چھت تلے تمام ضروری سہولتیں فراہم کی جائیں گی۔انہوں نے کہا کہ قائداعظم اپیرل پارک کے منصوبے کی تکمیل سے ٹیکسائل کا شعبہ مستحکم ہوگا اور ملکی برآمدت میں بھی اضافہ ہوگا۔انہوں نے کہا کہ پاکستان کو جی ایس پی پلس کا درجہ ملنے کے تناظر میں اپیرل پارک کے قیام کامنصوبہ انتہائی اہمیت کا حامل ہے ۔جی ایس پی پلس کا درجہ ملنے سے پاکستان کی ٹیکسٹائل مصنوعات کو یورپی منڈیوں تک فری رسائی حاصل ہوگئی ہے۔انہوں نے کہاکہ صوبے میں سرمایہ کاری کے لیے حالات سازگار بنائے گئے ہیں۔ملکی اورغیر ملکی سرمایہ کاروں کی ہر ممکن حوصلہ ا فزائی کی جارہی ہے ۔انہوں نے کہاکہ زراعت،لائیوسٹاک،ڈیری فارمنگ کے شعبوں میں ترقی کی بڑی گنجائش موجود ہے۔لائیوسٹاک اور حلال مصنوعات کی برآمدت کے وسیع مواقع موجود ہیں ۔ان شعبوں کی پائیدار ترقی سے پاکستان کثیر زرمبادلہ کما سکتا ہے۔ انہوں نے کہا کہ صنعتوں کا پہیہ رواں دواں رکھنے کے لیے توانائی کی اشد ضرورت ہے ۔حکومت توانائی کے بحران پر قابوپانے کے لیے جامع منصوبہ بندی کے تحت تیز رفتاری سے آگے بڑھ رہی ہے ۔انہوں نے کہا کہ تعلیم ،صحت اورسماجی ترقی کے دیگر شعبوں میں بہتری لانے کے لیے اصلاحاتی پروگراموں پر عملدر آمد کیا جارہا ہے ۔انہوں نے کہا کہ مختلف شعبوں کی ترقی میں عالمی بینک کا تعاون بھی لائق تحسین ہے ۔عالمی بینک کے وفد کے اراکین نے اس موقع پر اظہار خیال کرتے ہوئے کہا کہ اپیرل پارک کا منصوبہ انتہائی شاندار ہے اوراس منصوبے کی تکمیل سے روزگار کے نئے مواقع پیدا ہوں گے۔وزیراعلیٰ سے ملاقات کرنے والے عالمی بینک کے وفد میں لیڈسپیشلسٹ ونسینٹ پلمیڈ ، کنسلٹنٹ جیمز کریٹل، اکانومسٹ ڈاکٹر چین،سینئر اربن سپیشلسٹ فاطمہ شاہ اوردیگر عہدیدار شامل تھے ۔ مشیر ڈاکٹر اعجاز نبی،ایم پی اے ڈاکٹر عائشہ غوث پاشا، چیئرمین منصوبہ بندی و ترقیات، ایڈیشنل چیف سیکرٹری توانائی، سیکرٹری صنعت، چیئرمین پنجاب سرمایہ کاری بورڈ اور متعلقہ حکام بھی اس موقع پر موجود تھے۔متعلقہ عنوان :
لاہور میں شائع ہونے والی مزید خبریں
پاکستان ، افغانستان کے درمیان باہمی تجارت کے فروغ کی بڑی گنجائش موجود ہے، بینکنگ چینل کا ہونا بہت فروری ..
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
کیڈٹ کالج پنجگورکے طلبہ کا آرمی میوزیم لاہور کا دورہ
پی آر اے کی کارروائی،11ملین سے زائد کا ٹیکس ادا نہ کرنے پر تین مین پاور ریکروٹمنٹ ایجنٹس کے دفاتر سیل ..
جعفر ایکسپریس کی بوگی میں ہاٹ ایکسل کی وجہ سے دھواں بھر گیا
برٹش ہائی کمیشن لاہور کی ہیڈ کلارا سٹرینڈ ہوج کا چائلڈ پروٹیکشن بیورو کا دورہ ،چیئرپرسن سارہ احمد سے ..
ایران کے تعلیمی تجربات سے بھی بھرپور استفادہ کریں گے‘ رانا سکندر حیات
مولانا ادریس چنیوٹی کے انتقال پر جے یو آئی( س) کا اظہار تعزیت
اتحادی حکومت کسانوںکامعاشی قتل عام بند کرے ‘ سنی علما کونسل
حکمرانوں کی غلط پالیسیوں نے ملکی بنیادوں کو ہلا کر رکھ دیا ہے‘ جے یو آئی
سودی نظام اور سودی قرضے پاکستان کا سب سے بڑا مسئلہ ہے‘ متحدہ علما کونسل
سپریم کورٹ ضمنی انتخابات میں دھاند لی کا نو ٹس لے‘فرخ جاوید مون
لاہور سے متعلقہ
پاکستان کی تازہ ترین خبریں
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
خیبرپختونخوا،غیرت کے نام پرقتل کے الزام میں 3 مشتبہ افراد گرفتار
-
بشریٰ بی بی مکمل فٹ قرار، طبی رپورٹ اعلیٰ حکام کو ارسال
-
دفعہ 144 کی خلاف وزری کا کیس: رہنما پی ٹی آئی اعظم سواتی کی ضمانت کنفرم
-
مئی کیس،شیخ رشید کی 3 مقدمات میں بریت کی درخواست پر نوٹس جاری
-
پاکستان کو 1.1 ارب ڈالرقسط کی منظوری کیلئے آئی ایم ایف بورڈ اجلاس 29 اپریل کو ہوگا
-
جون تک زرمبادلہ کے ذخائر9 سے 10 ارب ڈالرتک پہنچ جائیں گے، محمد اورنگزیب
-
وزیرِاعظم محمد شہبازشریف کا چیف کمشنر ان لینڈ ریونیو اسلام آباد اور متعلقہ افسران معطل کر کے انکوائری کا حکم
-
وفاقی وزیر سینیٹر اعظم نذیر تارڑ اور اٹارنی جنرل منصور عثمان اعوان سے پاکستان ٹیکس بار ایسوسی ایشن کے صدر اور سیکرٹری کی ملاقات
-
ملک میں سونا ہزاروں روپے سستا ہوگیا
-
عالمی سطح پر پاکستان کی نمائند گی پرفخر ہے ،اگلا ہدف ورلڈ ٹائٹل جیتنا ہے، کراٹے فائٹرشازیب رند