سرکاری محکموں سمیت تمام نا دہندگان کو واجبات کی ادائیگی کیلئے 15روز کا حتمی نوٹس ..
بند کریں
تازہ ترین ایڈ یشن کے لیے ابھی کلک کریں
جمعرات مارچ

مزید اہم خبریں

وقت اشاعت: 27/03/2014 - 20:49:06 وقت اشاعت: 27/03/2014 - 20:49:06 وقت اشاعت: 27/03/2014 - 20:42:53 وقت اشاعت: 27/03/2014 - 20:34:11 وقت اشاعت: 27/03/2014 - 20:34:11 وقت اشاعت: 27/03/2014 - 20:09:31 وقت اشاعت: 27/03/2014 - 20:09:31 وقت اشاعت: 27/03/2014 - 20:09:31 وقت اشاعت: 27/03/2014 - 20:06:53 وقت اشاعت: 27/03/2014 - 20:06:53 وقت اشاعت: 27/03/2014 - 20:06:53
پچھلی خبریں - مزید خبریں

لاہور

سرکاری محکموں سمیت تمام نا دہندگان کو واجبات کی ادائیگی کیلئے 15روز کا حتمی نوٹس جاری کیا جائے ،عدم ادائیگی پرکنکشن منقطع کردئیے جائیں ‘ عابد شیر علی ،بجلی چوروں پر ہاتھ ڈالنے پر تحریک استحقاق جمع کرائی گئی ہے،تحریک استحقاق آئے یا تحریک التوا کسی صورت نہیں چھوڑیں گے،منگلا اور تربیلا قومی اثاثہ ہیں کسی ایک صوبے کی جاگیر نہیں،یہ ڈیم عوام کے ٹیکسوں سے بنے ہیں ،کسی ایک کو سستی بجلی دینا مناسب نہیں ہو گا، وزیر مملکت برائے پانی وبجلی کی زیر صدارت لیسکو ہیڈ کواٹر میں اجلاس ، میڈیا سے گفتگو

لاہور(اُردو پوائنٹ اخبار تازہ ترین۔27مارچ۔2014ء)وزیرمملکت برائے پانی وبجلی نے لاہور الیکٹرک سپلائی کمپنی کو ہدایت کی ہے کہ وفاقی و صوبائی محکموں سمیت تمام نا دہندگان کو واجبات کی ادائیگی کیلئے 15روز کا حتمی نوٹس جاری کیا جائے اور مقررہ مدت میں واجبات کی عدم ادائیگی کی صورت میں کنکشن منقطع کردئیے جائیں ،بجلی چوروں پر ہاتھ ڈالنے پر انکے خلاف اسمبلی میں تحریک استحقاق بھی جمع کرائی گئی ہے لیکن تحریک استحقاق آئے یا تحریک التوا بجلی چوروں کو کسی صورت نہیں چھوڑیں گے،بجلی چوروں کے خلاف کارروائی کے لئے اراکین اسمبلی کو بھی تعاون کرنے کا خط لکھ دیا ہے،منگلا اور تربیلا قومی اثاثہ ہیں کسی ایک صوبے کی جاگیر نہیں،یہ ڈیم عوام کے ٹیکسوں سے بنے ہیں اس لئے کسی ایک کو سستی بجلی دینا مناسب نہیں ہو گا۔

ا ن خیالات کا اظہار انہوں نے جمعرات کے روز لیسکو ہیڈ کوارٹر میں اجلاس کی صدارت اور بعد ازاں صحافیوں سے گفتگو کرتے ہوئے کیا ۔عابد شیر علی نے کہا کہ رواں سال 1500سے 2000میگاواٹ ‘بجلی سسٹم میں آ جائیگی، حکومت اپنے اسی دور میں نا صرف بجلی کی کمی کو پورا کریگی بلکہ آئندہ 25سالوں کیلئے بھی منصوبہ بندی کی جائیگی جس کیلئے لانگ‘ میڈیم اور شارٹ ٹرم منصوبے لائے جا رہے ہیں۔

گدو پاور پلانٹ سے 747میگا واٹ بجلی 2015ء میں آنا تھی لیکن ہم نے ریکارڈ مدت دس ماہ میں پراجیکٹ کو مکمل کیا اور اس سے243میگا واٹ بجلی آ چکی ہے اسکے افتتاح کے لئے وزیر اعظم محمد نواز شریف سے وقت مانگا ہے ۔اسی طرح نندی پور کی پہلی ٹربائن بھی جلد پیداوار شروع کردے گی ۔بجلی چوری کی روک تھام کے لئے پختہ ارادہ کرلیا ہے اب تحریک استحقاق آئے یا تحریک التواء پیچھے نہیں ہٹیں گے بلکہ اراکین اسمبلی کو بھی بجلی چوری کی روک تھام کے لئے مدد کے لئے خط لکھا ہے ۔



اس خبر کی تفصیل پڑھنے کیلئے یہاں پر کلک کیجئے

27/03/2014 - 20:09:31 :وقت اشاعت