لاہور‘حکومتی اراکین اسمبلی کاٹریفک وارڈنز کے رویے کیخلاف پنجاب اسمبلی کے اجلاس میں شدید احتجاج ،ٹریفک وارڈن کو معطل کر دیاگیا

جمعہ 21 مارچ 2014 16:56

لاہور( اُردو پوائنٹ تازہ ترین اخبار۔ 21مارچ 2014ء) حکومتی اراکین اسمبلی نے ٹریفک وارڈنز کے رویے کے خلاف پنجاب اسمبلی کے اجلاس میں شدید احتجاج کیا ،قائمقام سی ٹی او نے ٹریفک وارڈن کو معطل کر دیا ۔ پنجاب اسمبلی کے اجلاس میں حکومتی رکن اسمبلی آزاد علی تبسم نے پوائنٹ آف آرڈر پر بات کرتے ہوئے کہا کہ عمر اکمل کے واقعے کے بعد ٹریفک واردنز کی بد تمیزیاں حد سے بڑھ گئی ہیں ۔

انہوں نے بتایا کہ وہ گزشتہ روز مال روڈ سے گزر رہے تھے کہ ٹریفک وارڈ ن نے انکی گاڑی کو روک لیا اور ڈرائیونگ لائسنس مانگا میرے ساتھ میرا بھائی گاڑی چلا رہا تھا اور ہم نے ڈرائیونگ لائسنس اسے دیدیا ۔ ٹریفک واردڈن لائسنس لے کر وہاں سے 15گزکے فاصلے پرچلا گیا اور اشارے سے ہمیں اپنے پاس آنے کو کہا ۔

(جاری ہے)

میں نے ٹریفک وارڈن کو اپنا تعارف بھی کرایا لیکن اس نے کہا کہ آپ کو پیچھے رکنے کا اشارہ کیا گیا لیکن آپ نہیں رکے جس پر میں نے کہا کہ ہم آپ کاروکنے کا اشارہ نہیں دیکھ سکے لیکن اس کے باوجود وارڈن نے بد تمیزی کی جس پر قائمقام اسپیکر نے کہا کہ آپ چیمبر میں بھی میرے پاس آئے تھے اور میں نے آپ سے کہا ہے کہ آپ اس پر تحریک استحقاق لائیں ۔

خاتون حکومتی رکن اسمبلی عظمیٰ زاہد بخاری نے بھی احتجاج کرتے ہوئے کہا کہ جس وارڈن کی میں نے شکایت کی تھی اسکے ذہنی مریض ہونے کا انکشاف ہوا ہے اور خواتین سے بد تمیزی کرنا اس کا معمول ہے ۔ مجھے کہا گیا کہ تھاکہ اس معاملے کو اسپیکر خود دیکھیں گے لیکن آج تک اس پر کوئی پیشرفت نہیں ہوئی ۔ جس پر شیخ علاؤ الدین نے کہا کہ اسپیکر آپ تحریک استحقاق کی بجائے از خود نوٹس بھی نوٹس لے کر کارروائی کر سکتے ہیں او رآپ کو نوٹس لینا چاہیے ۔ نجی ٹی وی کے مطابق قائمقام سٹی ٹریفک پولیس آفیسر رانا شجاعت نے رکن اسمبلی آزاد علی تبسم سے بد تمیزی کرنے والے ٹریفک وارڈن غلام مصطفی کو معطل کر دیاہے ۔

Facebook Twitter Reddit Pinterest Whatsapp

لاہور میں شائع ہونے والی مزید خبریں

یوایم ٹی میں لبرل آرٹس پر تین روزہ بین الاقوامی کانفرنس کا انعقاد

لاہور کے صحافیوں کیلئے جلد فیز ٹو لا رہے ہیں،ہماری ڈکشنری میں فیورٹ ازم نہیں‘ عظمی بخاری

پنجاب میں پلاسٹک بیگز کے استعمال پر پابندی، وزیر اعلیٰ مریم نواز نے منظوری دیدی

صوبائی وزیر صنعت و تجارت کا ڈائریکٹوریٹ آف کنزیومر پروٹیکشن کونسل کا دورہ، مختلف شعبوں کی ورکنگ کا جائزہ ..

سید فرہاد علی شاہ کا ڈسٹرکٹ پبلک پراسیکیوٹر آفس شیخوپورہ کا دورہ

مہنگی روٹی اور نان بیچنے پر 13افراد موقع سے گرفتار، پوائنٹس سیل

آئندہ جنوری میں پرنٹنگ، فروری میں کتب تقسیم کا مرحلہ مکمل کیا جائے گا‘ وزیرتعلیم

پنجاب میں ورلڈ بینک کے خاندانی منصوبہ بندی پروگرام کے جائزہ کیلئے ورلڈ بنک مشن کے وفدکا محکمہ بہبود ..

نوجوانوں کو مہارت سے لبریز کرکے روزگار کیلئے تیار کرنا بڑا چیلنج ہے‘ ڈاکٹر خالد محمود

نارووال ، سرکاری گاڑی کی مبینہ ٹکر سے موٹر سائیکل سوار نوجوان جاں بحق ،مقدمہ درج

متروکہ وقف املاک بورڈ کی 40ارب مالیت کی ٹرسٹ اراضی واگزار

وزیراعلی پنجاب نے ناروال میں گاڑی کی ٹکر سے بچے کی ہلاکت کا نوٹس لے لیا‘ عظمی بخاری

لاہور‘حکومتی اراکین اسمبلی کاٹریفک وارڈنز کے رویے کیخلاف پنجاب اسمبلی کے اجلاس میں شدید احتجاج ،ٹریفک وارڈن کو معطل کر دیاگیا

متعلقہ عنوان :

لاہور میں شائع ہونے والی مزید خبریں

لاہور سے متعلقہ

پاکستان کی تازہ ترین خبریں

پاکستان کے مشہور شہروں کی خبریں