پاکستان بھارت کو فوری طور پر پسندیدہ ملک کا درجہ دے، بھارتی ہائی کمشنر
بدھ 19 مارچ 2014 15:27
لاہور(اُردو پوائنٹ تازہ ترین اخبار۔ 19مارچ 2014ء) پاکستان میں متعین بھارتی ہائی کمشنر ٹی سی اے راگھون نے کہا ہے پاکستان فوری طور پر بھارت کو پسندیدہ ملک کا درجہ دے، پانی کا مسئلہ ایسا نہیں جو آج ہی حل ہو جائے۔دونوں ملکوں کے واٹر کمیشن سال میں 3 یا 4 مرتبہ ملاقات کرتے ہیں اس مرتبہ واٹر کمیشن کی ملاقات دہلی میں ہوگی جس میں پانی کا مسئلہ زیر بحث آئے گا لیکن تعلقات میں بہتری آنے سے وقت کے ساتھ ساتھ دونوں ملکوں کے درمیان پانی کا مسئلہ بھی حل ہو جائیگا۔
یہ بات انہوں نے وفاق ایوان ہائے صنعت و تجارت لاہور کے زونل دفتر میں صنعت کاروں اور تاجروں کے اجلاس سے خطاب اور صحافیوں سے گفتگو کرتے ہوئے کہی، اجلاس کی صدارت ایف پی سی سی آئی کے نائب صدر اور زونل چیئرمین ایس ایم نصیر نے کی۔(جاری ہے)
بھارتی ہائی کمشنر نے ایک سوال کے جواب میں کہا کہ بھارت پاکستان کو 500میگاواٹ بجلی کی فراہمی کیلیے تیار ہے، دونوں ملکوں کی ٹیکنیکل ٹیمیں جلد رپورٹ پیش کریں گی جس کی روشنی میں پاکستان کو بجلی سپلائی کی جائے گی، جہاں تک بھارت میں ہونیوالے آئی پی ایل میں پاکستانی کھلاڑیوں کی شمولیت کی بات ہے تو یہ دونوں ملکوں کے کرکٹ بورڈ کا مسئلہ ہے جو وقت کے ساتھ ساتھ حل کرلیں گے، بنگلہ دیش میں ایشیا کپ میں ساری دنیا نے پاک بھارت میچ دیکھا اور اب ٹی ٹونٹی ورلڈکپ میں پھر لوگ پاک بھارت میچ سے لطف اندوز ہوں گے۔
انہوں نے کہا کہ جس طرح پاکستان میں بھارتی فنکاروں کی پذیرائی کی جاتی ہے اسی طرح بھارت میں بھی پاکستانی فنکاروں کو بھرپور عزت دی جاتی ہے جس کی واضح مثال پاکستانی گلوکار اور اداکار علی ظفر کی ہے۔ قبل ازیں بھارتی ہائی کمیشن نے صنعت کاروں اور تاجروں کے اجلاس سے خطاب کرتے ہوئے کہا کہ پاکستان اور بھارت کے درمیان باہمی تجارت کو فروغ دینا وقت کی ضرورت ہے، دونوں ملک تجارت بڑھانے کیلیے سنجیدہ ہیں، دونوں ملکوں کے تعلقات میں بہتری آئی ہے اور جب آزادانہ تجارت شروع ہو جائے گی تو تعلقات مزید بہتر ہو جائیں گے۔
انہوں نے کہا کہ پہلے کی نسبت پاکستانی کاروباری افراد کو بھارت کے ویزوں میں آسانی فراہم کی گئی ہے، تجارت بڑھانے کیلیے دونوں ملکوں میں نمائشوں کا انعقاد اور وفود کے تبادلے ضروری ہیں، لاہور میں میڈ ان انڈیا نمائش بڑی کامیاب رہی جس میں لاہور چیمبرنے اہم کردار ادا کیا، ایسی نمائشوں کا انعقاد پاکستان بھارت میں بھی کر سکتا ہے۔بھارتی
ہائی کمشنر نے کہا کہ واہگہ بارڈر کے راستے 24گھنٹے تجارت جاری رکھنے، فری ٹریڈ زون کے قیام اور ایک دوسرے کے ملکوں میں بینک برانچیں کھولنے پر غور ہو رہا ہے۔ سارک چیمبر کے نائب صدر افتخار علی ملک نے کہا کہ دونوں ملکوں کے درمیان باہمی تجارت 10ارب ڈالر تک بڑھائی جا سکتی ہے جس کے لیے دونوں ملکوں کی حکومتوں کو نان ٹیرف بیریئر ختم اور ویزے میں آسانی فراہم کرنا ہو گی۔ انہوں نے کہا کہ پاکستان اور بھارت کے عوام جنگ نہیں امن چاہتے ہیں اور نئی نسل تعلقات بہتر بنانا چاہتی ہے، موجودہ حکومت بھی تجارت بڑھانے کی خواہاں ہے جبکہ یہاں کے کاروباری افراد بھی بھارت سے تجارت چاہتے ہیں۔اس موقع پر خطاب کرتے ہوئے ایف پی سی سی آئی کے نائب صدر ایس ایم نصیر نے کہا کہ اگر مشرقی جرمنی اور مغربی جرمنی اکٹھے ہو سکتے ہیں تو پاکستان اور بھارت اپنے تنازعات بھلا کر تعلقات کیوں بہتر نہیں بنا سکتے، دونوں ملکوں کی کاروباری برادری اور عوام ایک دوسرے سے ملنا اور تجارت کرنا چاہتے ہیں جس کیلیے دونوں ملکوں کی حکومتوں کو اہم فیصلے کرنے ہوں گے جس کیلیے ہمیں چھوٹے چھوٹے مسئلے ختم کرنے ہوں گے، سمندر میں کون سی سرحد ہوتی ہے کہ آئے دن پاکستانی ماہی گیروں کو پکڑ لیا جاتا ہے اور پھر بعد میں رہا کر دیا جاتا ہے، ایسے واقعات ختم ہونے چاہئیں، کاروباری افراد اور عوام کو ویزے میں مزید آسانی فراہم کی جائے، تجارت بڑھانے کیلیے نان ٹیرف بیریئر ختم کیے جائیں اور پاکستان کو بھی برابری کی سطح پر تجارت کا موقع دیا جائے۔
انہوں نے کہا کہ ٹیکسٹائل، انجینئرنگ، آئی ٹی انڈسٹری اور زراعت میں جوائنٹ وینچرز سے دونوں ممالک فائدہ اٹھا سکتے ہیں، واہگہ بارڈر پر فری ٹریڈ زون کے قیام سے دونوں ملکوں کے درمیان تجارت کو فروغ مل سکتا ہے۔انہوں نے حکومت پر زور دیا کہ بھارت کو فوری طور پر پسندیدہ ملک کا درجہ دے دیا جائے کیونکہ بھارت پاکستان کو پہلے ہی یہ درجہ دے چکا ہے اس میں مزید تاخیر نہیں ہونی چاہیے۔لاہور میں شائع ہونے والی مزید خبریں
محکمہ وائلڈ لائف کی کارروائی، سمگل شدہ جنگلی پرندوں کی بڑی کھیپ برآمد
شہریوں کی جان و مال کا تحفظ ہماری اولین ذمہ داری ہے، ڈی آ ئی جی آ پریشنز
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
وزیراعلیٰ مریم نواز پنجاب میں خدمت کے نئے ریکارڈ قائم کریں گی، نسرین اختر ملک
وزیراعلیٰ پنجاب کی ہدایت پر سرکاری نرخ پر روٹی پر فروخت نہ کرنے والوں کیخلاف کریک ڈاون جاری
وزیر اعلی ٰمریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد ..
وزیراعلیٰ پنجاب مریم نواز سے اے ڈی ایم ہولڈنگ لمیٹڈ کے وفد کی ملاقات
پنجاب بھرمیں1236ٹریفک حادثات میں11افراد جاں بحق1295زخمی ہوئے
وزیراعلیٰ پنجاب پنک گیمز کے کامیاب انعقاد کیلئی9 انتظامی کمیٹیاں تشکیل
ڈی جی سپورٹس پرویز اقبال کی زیر صدارت پہلی وزیراعلیٰ پنجاب پنک گیمز 2024کے حوالے سے اہم اجلاس
مسلم لیگ (ن) کی مرکزی جنرل کونسل کا اجلاس 11مئی کو طلب
وزیراعلیٰ مریم نوازپولیس کے بعد اب ایلیٹ فورس کی وردی بھی پہنیں گی
لاہور سے متعلقہ
پاکستان کی تازہ ترین خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی