اپوزیشن نے ڈی سی سی کمیٹیوں میں شامل نہ کرنے پر حکومت کیخلاف تحریک استحقاق ایوان میں پیش کردی ،کمیٹیوں ں کا قیام انتظامی معاملہ ہے ،استحقاق کمیٹی کا جو بھی فیصلہ آئے اسے سب کو تسلیم کرنا ہوگا‘ وزیر قانون رانا ثنا اللہ ،سات تحاریک التوائے کار کو آئندہ ہفتے تک کیلئے ملتوی کر دیا گیا
جمعہ 14 مارچ 2014 18:17
لاہور(اُردو پوائنٹ اخبار تازہ ترین۔14مارچ۔2014ء) اپوزیشن نے ترقیاتی سکیموں کیلئے ڈسٹرکٹ کوارڈی نیشن کمیٹیوں میں شامل نہ کرنے پر حکومت کیخلاف تحریک استحقاق ایوان میں پیش کردی جسے استحقاق کمیٹی کے سپرد کر دیا گیا ،جبکہ سات تحاریک التوائے کار کو آئندہ ہفتے تک کیلئے ملتوی کر دیا گیا ۔ پنجاب اسمبلی کے اجلاس میں اپوزیشن لیڈر میاں محمودالرشید نے اپوزیشن کی طرف سے 6ماہ قبل اسمبلی سیکرٹریٹ میں جمع کرائی گئی تحریک استحقاق ایوان میں پیش کرنے کی اجازت طلب کی تاہم قائمقام اسپیکر نے کہا کہ یہ ابھی میرے تک نہیں پہنچی آپ ایک روز ٹھہر جائیں اور سوموار کے روز اس معاملے کو دیکھ لیتے ہیں۔
جس پر اپوزیشن نے شدید احتجاج کیا اور اصرار کیا کہ اسے ایوان میں پیش کرنے کی اجازت دی جائے ۔(جاری ہے)
اس موقع پر صوبائی وزیر قانون رانا ثنا اللہ خان نے کہا کہ ڈی سی سی کمیٹیوں ں کا قیام انتظامی معاملہ ہے اگر اپوزیشن کا سوال ہے کہ انہیں اس میں شامل نہ کرنے پر ان کا استحقاق مجروح ہوا ہے تو اس سوال پر استحقاق کمیٹی میں غور ہونا چاہیے اور وہا ں سے جو بھی فیصلہ آئے اسے اپوزیشن تسلیم کرے اور میں بھی حکومت کی طرف سے یقین دہانی کراتا ہوں کہ اسے تسلیم کیا جائے گا ۔
جس پر اپوزیشن لیڈر نے ایوان میں تحریک استحقاق پیش کی جس میں موقف اختیار کیا گیا ہے کہ ڈسٹرکٹ کوآرڈی نیشن کمیٹیوں میں اپوزیشن کے ارکان کوشامل نہیں کیا جا رہا بلکہ ایسے لوگوں کو شامل کیا جا رہا ہے جنہیں اپوزیشن کے ممبران نے انتخابات میں شکست دی ہوئی ہے۔ جس پر قائمقام اسپیکر نے اسے مجلس استحقاق کے سپرد کر کے ایک ماہ میں رپورٹ طلب کر لی ۔بعدازاں ایوان میں7تحاریک التوائے کا ر بھی پڑی گئیں جن کا جواب آئندہ ہفتہ تک ملتوی کردیا گیا۔ پنجاب اسمبلی کے اجلاس میں پاکستان مسلم لیگ (ن) کی رہنماء و ممبر صوبائی اسمبلی حنا پرویز بٹ نے جمعہ کے روز اپنی تحریک التوائے کار میں بتایا کہ میڈیا میں چھپنے والی رپوٹس کے مطابق لاہور کے متعدد سلاٹر ہاؤسز میں مردار گوشت کا انکشاف ہوا ہے۔انہوں نے بتایا کہ سگیاں پل کے پاس جلال کولڈ سٹوریج میں چھاپے کے دوران4ہزار کلو گرام مضر صحت گوشت قبضے میں لیکر تلف کر دیاگیا۔یہ تو صرف ایک غیر قانونی سلاٹر ہاؤس سے اتنی بڑی مقدار میں مردار گوشت برآمد ہوا ہے اور ایسے کئی غیر قانونی سلاٹر ہاؤس قائم ہیں جو اس مکروہ اور گھناؤنے کاروبار میں ملوث ہیں۔یہ لوگ دیدہ دلیری سے نہ صرف غیر اسلامی‘غیر قانونی کا م کر رہے ہیں بلکہ شہریوں سے زندگیوں سے کھیل کر اپنی تجوریاں بھر رہے ہیں۔اس تحریک التوائے کار کے جواب میں پارلیمانی سیکرٹری نذر حسین گوندل نے ایوان کو بتایا کہ سٹی ڈسٹرکٹ گورنمنٹ‘ محکمہ لائیو سٹاک اور کمشنر آفس لاہور نے لاہور اور گرد و نواح میں غیر قانونی قائم سلاٹر ہاؤسز اور مضر صحت گوشت بیچنے والے قصابوں کیخلاف سخت کارروائی اور تمام ممکنہ اقدامات کئے ہیں۔سٹی ڈسٹرکٹ گورنمنٹ نے 16قصابوں کیخلاف ایف آئی آر درج کر کے ہزاروں کلوگرام مضر صحت گوشت ضائع کیا ہے اور گزشتہ دو ماہ میں مردہ اور مضر صحت گوشت بیچنے والے قصابوں کیخلاف295مقدمات درج کئے گئے جبکہ10154کلو گرام گوشت کو تلف کیا گیا۔متعلقہ عنوان :
لاہور میں شائع ہونے والی مزید خبریں
پنجاب بھر میں مختلف ٹریفک حادثات میں 596 افراد شدید زخمی ہو گئے
لاہور پریس کلب میں اقراء کلب کی ہفتہ وار نشست
تمام اضلاع اور تحصیلوں میں ڈرائیونگ سکول کے قیام کو یقینی بنایا جائی: مرزا فاران بیگ
خاتون اول ایران ڈاکٹر جمیلہ عالم الہدی کا ہوم اکنامکس یونیورسٹی کا تاریخی دورہ
شاہین نے رضوان کو ٹی ٹوئنٹی کا بریڈمین قرار دے دیا
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
عالمی ہفتہ برائے حفاظتی ٹیکہ جات 24 سے 30 اپریل تک منایا جائیگا، صوبائی وزیر صحت خواجہ عمران نذیر
چوہدری قمر عباس پاکستان عوامی تحریک جنوبی پنجاب کے صدر مقرر،نوٹیفکیشن جاری
رمضان کیلئے بنائے گئے صوبائی کنٹرول روم میں بہترین کارکردگی کا مظاہرہ کرنے والوں میں سرٹیفکیٹ تقسیم ..
پنجاب میں سرمایہ کاری پر چینی کمپنی کو ہر ممکن سہولت فراہم کریں گے، وزیر صنعت چوہدری شافع حسین
ضلعی انتظامیہ کی غفلت سے رائے ونڈ میں گرانفروش بے لگام ،پرائس کنٹرول مجسٹریٹ ناکام
لاہور سے متعلقہ
پاکستان کی تازہ ترین خبریں
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
شاہین نے رضوان کو ٹی ٹوئنٹی کا بریڈمین قرار دے دیا
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ