نامور اداکار محبوب عالم کی بیسویں برسی 18مارچ کو منائی جائے گی

جمعہ 14 مارچ 2014 13:05

لاہور ( اُردو پوائنٹ تازہ ترین اخبار۔ 14مارچ 2014ء )ٹی وی کے نامور اداکار محبوب عالم کی بیسویں برسی 18مارچ کو منائی جائے گی ۔ محبوب عالم کا شمار پی ٹی وی کے ورسٹائل اداکاروں میں ہوتا تھا جنہوں نے اپنی جاندار اداکاری سے اپنی پہچان بنائی ۔

(جاری ہے)

محبوب عالم کو پی ٹی وی کے ڈرامہ سیریل ” وارث “ سے حقیقی معنوں میں شہرت ملی انہوں نے اس ڈرامہ سیریل میں چوہدری حشمت کے کردار میں حقیقت کے کردار کے قریب اداکاری کی اور آخری دم تک وہ چوہدری حشمت کے کردار کے طور پر پہچانے جاتے تھے ۔ محبوب عالم 18مارچ 1994ء کو اس دنیا فانی سے کوچ کر کے اپنے خالق حقیقی سے جا ملے تھے ۔

لاہور میں شائع ہونے والی مزید خبریں