شوہر اور سسرالی جسم فروشی کے لئے زبردستی دبئی بھیجنا چاہتے تھے، بسما کا دوران تفتیش انکشاف

جمعرات 6 مارچ 2014 17:51

شوہر اور سسرالی جسم فروشی کے لئے زبردستی دبئی بھیجنا چاہتے تھے، بسما کا دوران تفتیش انکشاف

لاہور(اُردو پوائنٹ تازہ ترین اخبار۔ 6مارچ 2014ء) جوہر ٹاؤن میں غربت سے تنگ آکر اپنے بچوں کو قتل کرنے والی ماں سے تفتیش کے دوران انکشاف ہوا ہے کہ اس کا شوہر اور سسرال والے اسے جسم فروشی کے لئے زبردستی دبئی بھیجنا چاہتے تھے۔

(جاری ہے)

لاہور کےعلاقے جوہر ٹاؤن میں اپنے بچوں کو قتل کرنے والی خاتون بسما سے دوران تفتیشن انکشاف ہوا ہے کہ اس کا شوہر اور سسرال والے خواتین سے جسم فروشی کا کام کرانے والے گھناؤنے دھندوں میں ملوث ہیں جب کہ شوہر اور سسرالیوں کی جانب سے اسے بھی جسم فروشی کے لئے زبردستی دبئی بھیجنے کی کوشش کی گئی تھی جب کہ دونوں بچوں کو پیدائش سے قبل اسقاط حمل کے ذریعے ضائع کرنے کی کوشش بھی کی گئی۔

تفتیشی ذرائع کے مطابق شوہر کے رویئے سے تنگ آکر بسما نیند کی گولیاں کھانے کی عادی ہوچکی ہے جب کہ سسرال میں بیٹی کے ساتھ ناروا سلوک پر دلبرداشتہ ہوکر بسما کی والدہ نے ایک برس قبل خودکشی کرلی تھی۔ تفتیشی ٹیم کا کہنا ہے کہ بسما اپنے بچوں کو یاد کرکے تھوڑی تھوڑی دیر بعد دھاڑیں مار کر رونے لگتی ہے اور اپنے بچوں کی قبروں پر لے جانے کا مطالبہ کرتی ہے۔ بسما کا کہنا ہے کہ بچوں کو مار کر اس نے بہت بڑا ظلم کیا اس سے بہتر تھا کہ شوہر کو مار دے دیتی ۔

لاہور میں شائع ہونے والی مزید خبریں