5 بڑے شہروں میں صفائی کا جدید نظام متعارف کرا رہے ہیں، راولپنڈی میٹرو بس منصوبے کا جلد سنگ بنیاد رکھا جائیگا، شہبازشریف
بدھ 5 مارچ 2014 17:23
لاہور ( اُردو پوائنٹ تازہ ترین اخبار۔ 5مارچ 2014ء) وزیراعلیٰ پنجاب محمد شہباز شریف نے کہا ہے کہ صوبائی دارالحکومت میں سالڈویسٹ مینجمنٹ کے کامیاب تجربے کے بعد5 بڑے شہروں فیصل آباد، ملتان، گوجرانوالہ، سیالکوٹ اور راولپنڈی میں صفائی کا جدید نظام متعارف کرایا جا رہا ہے،دوست ملک ترکی کے تعاون سے لاہور سمیت پنجاب کے مختلف شہروں میں کئی منصوبے کامیابی سے چل رہے ہیں، میٹروبس پراجیکٹ پاک ترک دوستی کی شاندار مثال ہے، پاکستان اور ترکی کے درمیان تاریخی برادرانہ تعلقات مفید معاشی روابط میں بدل چکے ہیں اور آنے والے وقت میں دونوں ملکوں کے مابین معاشی اور تجارتی تعلقات میں مزید اضافہ ہوگا۔
ان خیالات کا اظہار وزیراعلیٰ محمد شہباز شریف نے ترکی کے بین الاقوامی ادارے البراک گروپ آف کمپنیز کے بورڈ آف ڈائریکٹرز کے چیئرمین احمت البراک کی سربراہی میں وفد سے بات چیت کرتے ہوئے کیا جس نے بدھ کے روز یہاں ان سے ملاقات کی۔
(جاری ہے)
ملاقات کے دوران توانائی، سالڈویسٹ مینجمنٹ اور دیگر شعبوں میں تعاون کے فروغ پر تبادلہ خیال کیا گیا۔
البراک گروپ کے وفد میں ترکی کے سابق ڈی جی انرجی اینڈ پرائیوٹائزیشن حسن کوکٹاس ، سابق وزیر ماحولیات و جنگلات عثمان پیپے، ایم ڈی البراک ویسٹ مینجمنٹ باہری ترساکوز اور بنیامین کراکا شامل تھے جبکہ چیئرمین لاہور ٹرانسپورٹ کمپنی خواجہ احمد حسان، ایڈیشنل چیف سیکرٹری توانائی، سیکرٹری بلدیات اور ایم ڈی لاہور ویسٹ مینجمنٹ کمپنی بھی اس موقع پر موجود تھے۔وزیراعلیٰ محمد شہباز شریف نے البراک گروپ کے چیئرمین احمت البراک سے گفتگو کرتے ہوئے کہا کہ سالڈویسٹ مینجمنٹ کے لئے دیگر شہروں میں بھی لاہور کی طرز پر نظام وضع کیا جا رہا ہے۔پنجاب حکومت غیرملکی سرمایہ کاروں کو صوبے میں سرمایہ کاری پر خصوصی سہولتیں فراہم کر رہی ہے۔ لاہور کے بعد راولپنڈی میں بھی میٹرو بس پراجیکٹ پر کام کا آغاز کیا جا رہا ہے جس سے لاکھوں افراد کو تیز رفتار، آرام دہ او ر باکفایت سفری سہولتیں میسر آئیں گی۔
لاہور میں میٹرو بس پراجیکٹ پر روزانہ ایک لاکھ 75 ہزار مسافر سفر کر رہے ہیں۔ انہوں نے کہا کہ حکومت نے عام آدمی کی فلاح و بہبود کیلئے متعدد منصوبے شروع کئے ہیں اور میٹرو بس پراجیکٹ قومی وسائل کے عوام کیلئے بہترین استعمال کی اعلیٰ مثال ہے۔ انہوں نے کہا کہ البراک گروپ توانائی سمیت دیگر شعبوں میں تعاون کے فروغ کا جائزہ لے، ترک سرمایہ کاروں کی توانائی اور دیگر شعبوں میں سرمایہ کاری کا خیرمقدم کریں گے۔اس موقع پر البراک گروپ کے چیئرمین احمت البراک نے کہا کہ ان کا گروپ پنجاب حکومت کے ساتھ مختلف شعبوں میں تعاون کو مزید فروغ دے گا۔ انہوں نے میٹرو بس پراجیکٹ کو ایک شاہکار قرار دیتے ہوئے کہا کہ اس منصوبے کو قلیل مدت میں مکمل کرنا وزیراعلیٰ شہباز شریف کا کارنامہ ہے۔متعلقہ عنوان :
لاہور میں شائع ہونے والی مزید خبریں
فواد چوہدری کو 9 مئی کے واقعات میں شامل تفشیش کرنے کا فیصلہ
تحریک انصاف کی رہنماءیاسمین راشد نے چیف جسٹس کو خط لکھ دیا
ریلوے انتظامیہ کی ملت ایکسپریس کے باندھی ریلوے سٹیشن کے سٹاپ میں3 ماہ کی توسیع
ملک بھر سے حج پروازیں 9 مئی سے شروع ہونگی،ترجمان وزارت مذہبی امور
جاپانی ثقافتی قونصلر تکانہ کا الحمراء کا دورہ
کاہنہ کے علاقہ میں فائرنگ ،ایک شخص جاں بحق
ایف آئی اے کی مختلف کارروائیوں میں 2 انسانی سمگلرز گرفتار
رائیونڈ میں سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
فواد چودھری کی حفاظتی ضمانت میں توسیع کی درخواست دو رکنی بنچ کو ارسال
ضمنی الیکشن میں ’’ووٹ کو عزت دو‘‘ کا نعرہ دفن ہو گیا ‘ یاسمین راشد
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
لیسکو ہیڈ کوارٹر میں چیف ایگزیکٹو کی زیر صدارت اعلی سطح کا اجلاس
لاہور سے متعلقہ
پاکستان کی تازہ ترین خبریں
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
سپریم کورٹ نے فوجی عدالتوں میں سویلینز کے ٹرائلز کے خلاف کیس ججز کمیٹی کو واپس بھجوادیئے، سماعت غیر معینہ مدت تک کیلئے ملتوی
-
ملک بھر سے حج پروازیں 9 مئی سے شروع ہونگی،ترجمان وزارت مذہبی امور
-
وزیراعلیٰ خیبرپختونخوا سردارعلی امین خان گنڈاپور کی زیر صدارت محکمہ سیاحت کا پہلا اجلاس
-
بہاولنگر ،وزیر اعلیٰ پنجاب کے یوتھ بائیکس پروگرام کا آغاز ہوگیا
-
انڈین پریمیئر لیگ میں واحد میچ رائل چیلنجرز بنگلورو اور سن رائزرز حیدرآباد کی ٹیموں کے مابین کل کھیلا جائے گا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
سرگودھایونیورسٹی میں 20ویں سالانہ سپورٹس گالا اور 45 ویں آل پاکستان فٹ بال چیمپئن شپ کی سرگرمیاں شروع ہوگئیں
-
ایف آئی اے کی مختلف کارروائیوں میں 2 انسانی سمگلرز گرفتار
-
رائیونڈ میں سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
-
فواد چودھری کی حفاظتی ضمانت میں توسیع کی درخواست دو رکنی بنچ کو ارسال
-
ضمنی الیکشن میں ’’ووٹ کو عزت دو‘‘ کا نعرہ دفن ہو گیا ‘ یاسمین راشد