جھنگ کے ضمنی الیکشن میں ہوائی فائرنگ ،وزیراعلیٰ کا سخت نوٹس، ڈی ایس پی اور ایس ایچ او کو معطل کرنے کاحکم ،پنجاب بھر میں سکیورٹی انتظامات مزید سخت کرنے کی ہدایت،پولیس عوام کے جان و مال کے تحفظ کیلئے کوئی کسر اٹھا نہ رکھیں،داخلی اور خارجی راستوں کی سخت مانٹیرنگ کی جائے، 2 ہزار پولیس اہلکارو ں پر مشتمل خصوصی پروٹیکشن یونٹ بنانے کا فیصلہ،پنجاب میں ہوائی فائرنگ کا کوئی واقعہ کسی صورت برداشت نہیں کیا جائے گا‘ وزیراعلیٰ محمد شہباز شریف کا اجلاس سے خطاب
منگل 4 مارچ 2014 19:11
لاہور (اُردو پوائنٹ اخبار تازہ ترین۔4مارچ۔2014ء) وزیراعلیٰ پنجاب محمد شہباز شریف نے پنجاب بھر میں سکیورٹی انتظامات مزید سخت کرنے کی ہدایت کرتے ہوئے کہا ہے کہ امن و امان قائم رکھنے کیلئے تمام ضروری اقدامات اٹھائے جائیں، حساس عمارات اور مقامات کی سکیورٹی پر خصوصی توجہ دی جائے،پولیس عوام کے جان و مال کے تحفظ اور سکیورٹی انتظامات کو فول پروف بنانے کیلئے کوئی کسر اٹھا نہ رکھے، صوبے کے داخلی اور خارجی راستوں کی سخت مانیٹرنگ کی جائے، مشتبہ افراد پر کڑی نظر رکھی جائے۔
سکیورٹی انتظامات میں کسی قسم کی کوتاہی برداشت نہیں کی جائے گی۔وہ منگل کے روز یہاں صوبے میں امن و امان کی مجموعی صورتحال کا جائزہ لینے سے متعلق اجلاس کی صدارت کر رہے تھے۔ صوبائی وزیر کرنل (ر) شجاع خانزادہ، معاون خصوصی رانا مقبول احمد، چیف سیکرٹری، انسپکٹر جنرل پولیس، سیکرٹری داخلہ اور متعلقہ حکام نے اجلاس میں شرکت کی۔(جاری ہے)
اجلاس میں 2 ہزار پولیس اہلکارو ں پر مشتمل خصوصی پروٹیکشن یونٹ بنانے کا فیصلہ کیا گیا۔
وزیراعلیٰ محمد شہباز شریف نے اجلاس سے خطاب کرتے ہوئے کہا کہ عوام کے جان و مال کا تحفظ حکومت کی اولین ذمہ داری ہے۔ پولیس امن و امان کی صورتحال مزید بہتر بنانے کیلئے جانفشانی سے فرائض سرانجام دے۔ سکیورٹی انتظامات کو مزید بہتر بنایا جائے۔ امن و امان کی صورتحال کا جائزہ لینے کیلئے میں خود ہفتے میں 2 باراجلاس کی صدارت کروں گا۔ امن و امان کی بہتری کیلئے پہلے بھی وسائل فراہم کئے ہیں، آئندہ بھی مہیا کریں گے لیکن متعلقہ اداروں کو قومی وسائل کا ذمہ داری کے ساتھ استعمال یقینی بنانا ہوگا۔انہوں نے کہاکہ امن وامان کی صورتحال بہتر بنانے کیلئے ڈیجیٹل مانیٹرنگ کا موثر نظام وضع کیا جا رہا ہے۔ پنجاب میں دہشت گردی کے واقعات سے نمٹنے کیلئے انسداد دہشت گردی فورس کی تشکیل کا عمل تیزی سے جاری ہے اور محکمہ انسداد دہشت گردی کے علاقائی دفاتر قائم کرنے کیلئے مقامات کا انتخاب کر لیا گیا ہے۔ وزیراعلیٰ نے ہدایت کی کہ کابینہ کمیٹی صوبے کے دور دراز علاقوں میں داخلی اور خارجی راستوں پر سکیورٹی انتظامات کا خود موقع پر جا کر جائزہ لے۔ اجلاس میں فیصلہ کیا گیا کہ خصوصی پروٹیکشن یونٹ میں تعینات پولیس اہلکاروں کی جدید تربیت کا اہتمام کیا جائے گا۔ وزیراعلیٰ نے اجلاس کے دوران جھنگ کے ضمنی الیکشن میں ہوائی فائرنگ کا سخت نوٹس لیتے ہوئے انسپکٹر جنرل پولیس کو ہدایت کی کہ واقعہ میں ملوث تمام افراد کو فی الفور گرفتار کیا جائے اور قانون کے مطابق کارروائی عمل میں لائی جائے۔وزیراعلیٰ نے متعلقہ ڈی ایس پی اور ایس ایچ او کو معطل کرنے کا حکم دیتے ہوئے کہا کہ پنجاب میں ہوائی فائرنگ کا کوئی واقعہ کسی صورت برداشت نہیں کروں گا۔ پولیس کے ساتھ انتظامیہ بھی ہوائی فائرنگ کرنے والو ں کے خلاف موثر قانونی کارروائی کرے۔ اجلاس میں سیکرٹری داخلہ نے صوبے میں امن و امان کی صورتحال کے حوالے سے تفصیلی بریفنگ دی۔متعلقہ عنوان :
لاہور میں شائع ہونے والی مزید خبریں
سید منیر حسین گیلانی کی علامہ راجہ ناصر عباس جعفری کو بلا مقابلہ سینیٹر منتخب ہونے پر مبارکباد
نیلم جہلم پراجیکٹ نے پوری صلاحیت کے مطابق 969 میگاواٹ بجلی کی پیداوار دوبارہ شروع کردی
بجلی کی قیمتوں میں ظالمانہ اضافہ عوام دشمنی کا ثبوت ہی: ضیاء الدین انصاری
عوام کو فوری انصاف کی فراہمی کیلئے وکلاء کمیونٹی کا کردار انتہائی اہمیت رکھتا ہے۔ سپیکرملک محمد احمد ..
ٹیل تک پانی کی رسائی اس حکومت کی ترجیحات میں شامل ہے : کاظم پیرزادہ
ٹیل ریس ٹنل کی انسپکشن کے بعد نیلم جہلم پراجیکٹ نے گزشتہ روز پوری صلاحیت کے مطابق 969میگاواٹ بجلی پیدا ..
ڈی جی پی ڈی ایم اے عرفان علی کاٹھیا سے نیوی سٹیشن کمانڈر لاہور کی ملاقات
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
لاہور میں اغوا ء برائے تاوان کی وارداتوں میں اضافہ ہونے لگا
نوجوان نسل کو منشیات کے لت سے محفوظ رکھنے کیلئے پنجاب پولیس کا کریک ڈاؤن جاری
پنجاب پولیس میں آفیشئیٹنگ سے انسپکٹر رینک پر ریگولر کنفرم ہونے والے افسران کا نوٹیفکیشن جاری
رمضان المبارک کے تیسرے جمعتہ المبارک کے موقع پر صوبہ بھر میں سکیورٹی کے فول پروف انتظامات
لاہور سے متعلقہ
پاکستان کی تازہ ترین خبریں
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
بجلی کے فی یونٹ میں2روپے 75 پیسے اضافے کی منظوری ظالمانہ فیصلہ ہے، ایاز میمن
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
پاکستان سٹاک ایکسچینج میں 137 پوائنٹس کی کمی
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا