پولیس نے کرکٹرعمراکمل کیخلاف مقدمے کاچالان عدالت میں جمع کرادیا

بدھ 5 فروری 2014 13:54

لاہور(اُردو پوائنٹ تازہ ترین اخبار۔ 5 فروری 2014ء) پولیس نے کرکٹرعمراکمل کے خلاف مقدمے کاچالان عدالت میں جمع کرادیا،پولیس کے مطابق چالان میں عمر اکمل کو ٹریفک وارڈن سے جھگڑے کا باقاعدہ ذمہ دار قراردیا گیا ہے ،ایس پی انویسٹی گیشن کا کہنا ہے کہ عمر اکمل پر مقدمے کا چالان کل عدالت میں جمع کراگیا تھا۔

عمراکمل پر ٹریفک وارڈن سے جھگڑے کے بعد کارسرکارمیں مداخلت پرمقدمہ درج کیا گیا تھا۔

(جاری ہے)

پولیس کے مطابق واقعہ فردوس مارکیٹ کے قریب پیش آیا جہاں عمر اکمل نے سگنل توڑا اور وارڈن کے روکنے کے باوجود گاڑی نہ روکی، پولیس کا کہنا تھا کہ عمر اکمل نے وارڈن کے ساتھ بدتمیزی کی اوراسے دھمکیاں بھی دیں جبکہ عمر اکمل کا موقف ہے کہ انہوں نے وارڈن سے کہا کہ انہیں جلدی ہے، ایک تقریب میں جانا ہے لیکن اس نے بد تمیزی کی اور مجھ پر تشدد کیا، جس سے چہرے پر زخم بھی آیا۔عینی شاہدین کے مطابق کرکٹر عمر اکمل اور ٹریفک وارڈن میں جھگڑا گاڑی کے کاغذات طلب کر نے پر ہوا تھا۔

متعلقہ عنوان :

لاہور میں شائع ہونے والی مزید خبریں