الطاف حسین ایک طرف دعوت دیتے ہیں ،دوسری جانب ڈنڈے برساتے ہیں،عمران خان
شاندار استقبال پر کراچی والوں کا شکرگزار، کارکنوں کو خوف کے باوجود بڑی تعداد میں گھروں سے باہر نکلنے پر داد دیتا ہوں
جمعرات 9 اپریل 2015 17:17
کراچی (اُردو پوائنٹ اخبار تازہ ترین۔09 اپریل۔2015ء) پاکستان تحریک انصاف کے چیئرمین عمران خان نے کہا ہے کہ جناح گراوٴنڈ میں ہمارے کارکنوں پر تشدد کیا گیا ہے ۔الطاف حسین ایک طرف دعوت دیتے ہیں اور دوسری جانب ڈنڈے برساتے ہیں ۔ شاندار استقبال پر کراچی والوں کا شکریہ ادا کرنا چاہتا ہوں اور تحریک انصاف کے کارکنوں کو داد دیتا ہوں کہ اتنے خوف کے باوجود بڑی تعداد میں گھروں سے باہر نکلے۔
کراچی میں پارٹی کارکنوں نے خوف کا حصار توڑ دیا ہے ۔ہم نے کراچی کو پرامن شہر بنانا ہے ۔کارکن کسی قسم کے تصادم سے گریز کریں ۔جناح گراوٴنڈ تحریک انصاف کے 19 اپریل کے جلسے کے لئے چھوٹا پڑ جائے گا۔وہ جمعرات کو جناح گراوٴنڈ عزیز آباد کا دورہ کرنے کے بعد کریم آباد پر مرکزی انتخابی کیمپ پر ریلی کے شرکا سے خطاب کررہے تھے ۔(جاری ہے)
عمران خان نے کہا کہ یہ سن کر بہت افسوس ہوا کہ ہمارے نوجوانوں پر متحدہ کے کارکنوں نے حملہ کیا لیکن تحریک انصاف کے کارکنوں کو کسی تصادم میں شریک نہیں ہونا کیونکہ ہم ایک پر امن جماعت ہیں ۔
نیا کراچی بننے والا ہے ہم کراچی کو ایک بار پھر روشنیوں کا شہر بنائیں گے اور یہاں عالمی سرمایہ کاری ہوگی۔انہوں نے کہا کہ ایم کیوا یم کا تو ڈسپلن بہت مانا جاتا ہے جبکہ تحریک انصاف میں اس قدر ڈسپلن نہیں پھر کیسے الطاف حسین کے اعلان کے باوجود پی ٹی آئی کے کارکنوں پر تشدد کیا گیا۔الطاف حسین دوغلی پالیسی رکھتے ہیں، ایک طرف دعوت دیتے ہیں اور دوسری طرف ڈنڈے برساتے ہیں لیکن ہم نے بندوق کا مقابلہ بندوق سے نہیں کرناہے۔ انہوں نے کہا کہ جناح گرانڈ عزیز آباد کا دورہ کیا ہے اور ایسا لگتا ہے کہ یہ گرانڈ تحریک انصاف کے 19 اپریل کے جلسے کے لئے چھوٹا پڑ جائے گا،انہوں نے 19 اپریل کو جلسے کا اعلان کرتے ہوئے این اے 246 میں پی ٹی آئی کے امیدوار عمران اسمعیل کو مخاطب کرکے کہا کہ کسی بڑی جگہ کا انتخاب کریں عوام کی کثرت کے باعث جگہ کم پڑنے والی ہے۔این اے 246 کو لوگوں کو کہتا ہوں کہ ڈرنا نہیں ہے۔ 19 اپریل کو کراچی میں ہر صورت میں جلسہ کیا جائے گا ۔انہوں نے کہا کہ وہ کراچی سے خوف و ہراس کی فضا ختم کرنے آئے ہیں ، ان کی کسی سے کوئی ذاتی لڑائی نہیں ، کراچی میں امن ہوگا تو ملک امن کا گہوارہ بن جائے گا ، میری خواہش ہے کہ پورا ملک امن کا گہوارہ بن جائے اور اس کے کیلئے کراچی سے خوف و ہراس کی فضا ختم کرنا ہوگی ۔انہوں نے کہا کہ کوئی غلط فہمی میں نہ رہے ،کسی کے ڈرانے سے ڈریں گے نہ پیچھے ہٹیں گے۔ این اے 246 سے جیتنے کی پوری کوشش کریں گے لیکن ہار جیت اللہ کے ہاتھ میں ہے ۔ ہم جتنی زیادہ مزاحمت کریں گے اتنے ہی مزید مستحکم ہوں گے۔ مخالفت سے پارٹی اورزیادہ مضبوط ہو رہی ہے۔ پارٹی آج اس مقام تک پہنچ چکی ہے جس کا ہم سوچ بھی نہیں سکتے تھے انہوں نے کہا کہ 2015الیکشن کا سال ہے ۔انہوں نے ریحام خان کا شکریہ ادا کرتے ہوئے کہا کہ نیا پاکستان بنانے میں خواتین بھی اپنا کردار ادا کر رہی ہیں انہوں نے پارٹی کے کارکنان کو ریلی کے انعقاد پر مبارک باد دی اور ایم کیو ایم کے قائد الطاف حسین اور رابطہ کمیٹی کا جناح گراونڈ پہنچنے پر استقبال کرنے کے لئے شکریہ بھی ادا کیا۔متعلقہ عنوان :
کراچی میں شائع ہونے والی مزید خبریں
عوام کو درپیش مسائل کا حل حکومت کی ذمہ داری ہے،شمسہ ماہ جبین
مسجد دیوا اکیڈمی کے امام کی جبری بے دخلی اور قتل کی دھمکیاں ، حکومت تحفظ فراہم کرے،متحدہ علماء محاذ
شہید عبدالحفیظ بجارانی ہمیشہ زندہ اور راہ حق کے مسافروں کیلئے نشان منزل ہونگے،ممتاز حسین سہتو
پری رباب کو آرٹس کونسل کے ایک اسٹیج ڈرامہ میں اہم رول کے لیے کاسٹ کرلیا گیا
سیدنا امیر حمزہؓ شہدائے غزوہ احد ہیں، مولانا عبد الماجد فاروقی
اسرائیل ناجائز ریاست ہے ،پاکستان کے عوام کسی طور تسلیم نہیں کرینگے ،محمد شاداب رضا نقشبندی
کراچی، قربانی کے جانوروں کی مرکزی منڈی 10 مئی سے لگائی جائے گی
ڈپٹی میئر کراچی کا انسداد تجاوزات آپریشن کا جائزہ لینے کے لیے مختلف بازاروں کاد ورہ
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
ایف پی سی سی آئی پاکستان اور آذربائیجان کے درمیان براہ راست پروازوں کا خیر مقدم کرتی ہے،صدر ایف پی سی ..
کراچی سے متعلقہ
پاکستان کی تازہ ترین خبریں
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت