کراچی کے ضمنی انتخاب کو کشیدگی سے بچانا ہم سب کی ذمہ داری ہے،علی اکبر گجر
جمعرات 2 اپریل 2015 17:02
کراچی(اُردو پوائنٹ اخبار تازہ ترین۔02 اپریل۔2015ء) کراچی کے ضمنی انتخاب کو کشیدگی سے بچانا ہم سب کی ذمہ داری ہے لیکن سندھ حکومت کا کردار سب سے اہم ہوگا․ پاکستان مسلم لیگ(ن) سندھ کی قیادت اس بات کی توقع رکھتی ہے کہ کراچی کے ضمنی انتخابات صوبے کے عوام کے لئے مزید مسائل کا سبب بننے کی بجائے سندھ میں پر امن اور مثبت سیاسی سرگرمیوں کے فروغ کا آغاز ثابت ہونگے․حکمران جماعت پاکستان مسلم لیگ(ن) کے صوبائی نائب صدر علی اکبر گجر نے کہا ہے کہ تحریک انصاف اور متحدہ قومی موومنٹ سمیت ضمنی انتخابات میں حصہ لینے والی دیگر تمام جماعتیں سیاسی ہار جیت کے ساتھ ساتھ پاکستان کے سب سے بڑے شہر کی تجارتی و کاروباری حیثیت کو بھی مد نظر رکھیں․کراچی کا امن ضمنی انتخاب میں حصہ لینے والی تمام جماعتوں کے مفاد میں ہے․ سندھ حکومت شہر قائد میں ہونے والے ضمنی انتخابات کو پر امن بنانے کی طرف بھرپور توجہ دے․ ایک حلقے کے ضمنی انتخابات کے موقع پر امن و امان کی مخدوش صورتحال کا سبب بننے والے عوامل کا سد باب صوبائی حکومت کی ذمہ داری ہے․پاکستان مسلم لیگ(ن) سندھ کے نائب صدر علی اکبر گجر نے کراچی میں بڑھتی ہوئی سیاسی کشیدگی پر اپنی جماعت کے تحفظات کا اظہار کرتے ہوئے کہا ہے کہ ضمنی انتخابات کو کراچی کے امن کے لئے خطرہ نہیں بننا چاہےئے․ کراچی کے ضلع وسطی میں بڑھتی ہوئی سیاسی کشیدگی سندھ کے دارلخلافہ کے ساتھ ساتھ پورے ملک کے امن و امان کو تہہ و بالا کر سکتی ہے جس کا سب سے زیادہ نقصان جمہوریت اور جمہوریت کے لئے جد و جہد کرنے والے سیاسی عناصر کو ہوگا․کراچی کے حلقےNA-246 کے ضمنی انتخاب میں سیاسی کشیدگی جس تیزی سے بڑھ رہی ہے اس سے آنے والے دنوں میں شہر قائد کے امن و امان کی صورتحال مزید مخدوش ہونے کا خطرہ ہے لیکن پاکستان مسلم لیگ(ن) سندھ کی قیادت اور کارکنان کراچی کے حلقے NA-246 کے ضمنی انتخاب میں حصہ لینے والی تمام سیاسی جماعتوں سے یہ توقع رکھتے ہیں کہ اس کشیدگی کو مزید بڑھنے سے روکا جائے گا ․ سیاسی سرگرمیاں جمہوری عمل اور جمہوریت کے استحکام کی اصل روح ہوتی ہیں جن کا جاری رہنا سیاسی جماعتوں کے لئے ناگزیر ہے لیکن سیاسی سرگرمیوں میں تشدد اور لاقانونیت کا عنصر شامل ہوجائے تو اس سے جمہوریت کے خطرات پیدا ہو سکتے ہیں․ پاکستان مسلم لیگ(ن) سندھ کے نائب صدر علی اکبر گجر نے مسلم لیگ(ن) کے دفتر میں ملیر اور فیصل کنٹونمنٹ بورڈ کے بلدیاتی انتخابات میں حصہ لینے والے پارٹی امیدواروں کے ساتھ بلدیاتی انتخابات کے حوالے سے منعقدہ ایک اجلاس سے خطاب کر تے ہوئے کہا کہ کراچی کے قومی اسمبلی کے حلقے اور کنٹونمنٹ بورڈز کے بلدیاتی انتخابات اپریل ہی میں منعقد ہو رہے ہیں اس لئے ہمیں اس بات پر بھی بھرپور توجہ دینی ہے کہ بلدیاتی انتخابات میں کسی قسم کی کشیدگی نہ پیدا ہو اور سندھ کے تمام کنٹونمنٹ بورڈز کے بلدیاتی انتخابات خوشگوار ماحول میں تکمیل کو پہنچیں․
متعلقہ عنوان :
کراچی میں شائع ہونے والی مزید خبریں
لیاقت آباد کے تاجر سے 10لاکھ بھتہ طلب کرنے والا مبینہ ملزم گرفتار
ایرانی صدر کے دور ہ کراچی کے موقع پر سخت سیکیورٹی انتظامات کئے گئے تھے، ڈی آئی جی سیکیورٹی
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
وزیراعظم شہبازشریف نے مختلف شعبوں میں نمایاں کارکردگی دکھانے والے نوجوانوں سے مزارقائد پر پاکستان ..
وزیراعظم شہا زشریف کی مزار قائد پرحاضری، پھول چڑھائے اور فاتحہ خوانی کی
کراچی کو ایک دن بند رکھنے سے ساڑھے 3 ارب روپے کے نقصان کا انکشاف
وزیراعظم شہباز شریف نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان ..
چھوٹی عمر میں شادی پر اداکارہ کو کوئی افسوس نہیں ،اداکارہ سدرہ نیازی
اداکارہ ثناء جاوید نے ایک بار پھر سوئمنگ پول سے لطف اندوز ہوتے ہوئے تصویر شیئر کردی
اداکارہ امرخان نے وہاج علی کی تعریفوں کے پٴْل باندھ دیئے
رواں برس موسم گرما میں ’دی گلاس ورکر‘ پاکستان بھر میں نمائش کے لیے پیش کی جائے گی
کراچی سے متعلقہ
پاکستان کی تازہ ترین خبریں
-
ملک بھر سے حج پروازیں 9 مئی سے شروع ہونگی،ترجمان وزارت مذہبی امور
-
وزیراعلیٰ خیبرپختونخوا سردارعلی امین خان گنڈاپور کی زیر صدارت محکمہ سیاحت کا پہلا اجلاس
-
بہاولنگر ،وزیر اعلیٰ پنجاب کے یوتھ بائیکس پروگرام کا آغاز ہوگیا
-
انڈین پریمیئر لیگ میں واحد میچ رائل چیلنجرز بنگلورو اور سن رائزرز حیدرآباد کی ٹیموں کے مابین کل کھیلا جائے گا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
سرگودھایونیورسٹی میں 20ویں سالانہ سپورٹس گالا اور 45 ویں آل پاکستان فٹ بال چیمپئن شپ کی سرگرمیاں شروع ہوگئیں
-
ایف آئی اے کی مختلف کارروائیوں میں 2 انسانی سمگلرز گرفتار
-
رائیونڈ میں سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
-
فواد چودھری کی حفاظتی ضمانت میں توسیع کی درخواست دو رکنی بنچ کو ارسال
-
ضمنی الیکشن میں ’’ووٹ کو عزت دو‘‘ کا نعرہ دفن ہو گیا ‘ یاسمین راشد
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک