ایف پی سی سی آئی نے ویمن چیمبر کی نمائش میں بھرپور تعاون کا اعلان کر دیا، پائیدار ترقی کے لئے تاجرخواتین کی حوصلہ افزائی ضروری ہے ،ایس ایم منیر
اتوار 29 مارچ 2015 22:23
کراچی (اردو پوائنٹ تازہ ترین اخبار29مارچ ۔2015ء) ٹی ڈیپ کے سربراہ اور یونائیٹڈ بزنس گروپ کے سرپرست اعلیٰ ایس ایم منیراور ایف پی سی سی آئی کے صدر میاں ادریس نے کہا ہے کہ معاشی سرگرمیوں میں خواتین کی شمولیت کے بغیرترقی ممکن نہیں۔شہری اور دیہی خواتین کو ترقی کے لئے بھرپور مواقع دینے کی ضرورت ہے جس کے لئے حکومت کے ساتھ نجی شعبہ کو بھی اپنا کردار ادا کرنا ہو گا۔
حکومت پائیدار ترقی کو یقینی بنانے کے لئے خواتین کی ہر ممکن حوصلہ افزائی جاری رکھے گی۔ویمن چیمبر کی جانب سے اسلام آباد میں منعقد ہونے والی نمائش کی بھرپور مدد کی جائے گی کیونکہ ایسی نمائشوں سے خواتین کو با اختیار بنانے میں مدد ملے گی ۔انھوں نے یہ بات ویمن چیمبر کی جانب سے انکے اعزاز میں منعقدہ تقریب سے خطاب کرتے ہوئے کہی۔(جاری ہے)
اس موقع پر ایس ایم نصیر، ایف پی سی سی آئی کے نائب صدرمیاں اکرم فرید، ویمن چیمبر کی صدر ڈاکٹر ذکیہ ہاشمی، بانی صدر ثمینہ فاضل اور دیگر بھی موجود تھے۔
ایس ایم منیر اور میاں ادریس نے کہا کہ حکومت نے صنفی مساوا ت کے لئے متعدداقدامات کئے ہیں جبکہ خواتین کی فلاح و بہبود اور انکے کاروبار کے فروغ دینے میں خصوصی دلچسپی لی جا رہی ہے۔خواتین کی استعداد میں اضافہ، مسائل کے حل اور سازگارماحول اور یکساں مواقع کی فراہمی کو یقینی بنانے کے لئے حکومت کے ساتھ نجی شعبہ بھی آگے آئے۔ ہم عورتوں کے لئے خوشحال اور محفوظ مستقبل چاہتے ہیں جس کے لئے انکی مصنوعات کو اندرون وبیرون ملک روشناس کروا نے کی کوششیں کی جا رہی ہیں ۔ہم انھیں نئی منڈیاں تلاش کرنے میں مدد جبکہ شہری خواتین کے ساتھ دیہی ہنرمند خواتین کو مواقع دینگے۔ خواتین کو زیادہ محنت کے باوجود مردوں کے مقابلے میں کم معاوضہ دیا جاتا ہے جس سے انکی حوصلہ شکنی ہوتی ہے۔قبل ازیں ایف پی سی سی آئی کی سابق نائب صدر نائمہ انصاری نے شرکاء کو نمائش کے متعلق پریزینٹیشن دیتے ہوئے کہا کہ یہ نمائش خریداری اور تفریح کے علاوہ سیکھنے، تجربہ حاصل کرنے اور نئے روابط استوار کرنے کا نادر موقع ہوگاجس میں ملک بھر اور سارک ممالک کی تاجر خواتین اور متعدد سرکاری و نجی ادارے شرکت کر رہے ہیں۔یہ نمائش ہاتھ سے تیار کئے گئے ملبوسات، دستکاری، سجاوٹ، زیورات، فرنیچر، قیمتی و نیم قیمتی پتھر، پرس، موبائل کور، اور کھانے کی اشیا کا کاروبار کرنے والی خواتین کو اپنی مصنوعات روشناس کروانے اور نئی منڈیاں تلاش کرنے میں مدد دے گی۔کراچی میں شائع ہونے والی مزید خبریں
پہلا ویمنز ٹی ٹوئنٹی انٹرنیشنل، ویسٹ انڈیز نے پاکستان کو ایک رن سے ہرادیا
مراد علی شاہ سے یو این ڈی پی کی اسسٹنٹ سیکریٹری جنرل کی ملاقات
یومِ مزدور، سندھ میں یکم مئی کو عام تعطیل کا اعلان
سندھ حکومت نے 54 نجی اسکولوں کی رجسٹریشن روک دی
سینئر صوبائی وزیرشرجیل انعام میمن کی زیر صدارت اعلیٰ سطح کا اجلاس
پی ایس کیو سی اے کے عملے کی ہڑتال، بندرگاہ پر سیکڑوں کنٹینرپھنس گئے
کچے کے ڈاکوؤں سے رابطے رکھنے والے 78 پولیس اہلکاروں کا کراچی تبادلہ
گورنر سندھ کی سر سید یونیورسٹی کے27ویں جلسہ تقسیم اسناد میں شرکت
گورنر سندھ کی خصوصی افراد کے اعزاز میں منعقدہ تقریب میں شرکت
سونے کی قیمتوں میں اضافے کا رجحان برقرار
بینک دولتِ پاکستان کی زری پالیسی کمیٹی (ایم پی سی) کا اجلاس پیر 29 اپریل 2024ء کو ہوگا
یوم مئی پر محنت کشوں کی تنخواہوں میں اضافے کا اعلان کیا جائے، اسلم فاروقی
کراچی سے متعلقہ
پاکستان کی تازہ ترین خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار