حکمران اپنی ترجیحات میں تعلیم کو ہر شے پر مقدم رکھیں، الطاف شکور،
ضمنی الیکشن کیلئے امتحانی شیڈول کو متاثر کرنا سول سوسائٹی کیلئے ناقابل قبول ہے، عثمان معظم
ہفتہ 28 مارچ 2015 18:07
کراچی (اُردو پوائنٹ اخبار تازہ ترین۔28مارچ2015ء) پاسبان پاکستان کے صدر الطاف شکور نے کہا ہے کہ کراچی کے شہری تعلیم پر الیکشن کو فوقیت دینے کو مسترد کرتے ہیں۔ضمنی الیکشن میٹرک کے لاکھوں طلباء اور طالبات کے مستقبل سے زیادہ اہم نہیں ہیں ۔ ہم مطالبہ کرتے ہیں کہ نویں اور دسویں کے امتحانات کے شیڈول کو تبدیل کرنے کی بجائے NA-246 کے ضمنی الیکشن کے شیڈول کوتبدیل کیا جائے۔
ضمنی الیکشن کی وجہ سے میٹرک امتحانات کے شیڈول میں ردوبدل کے خلاف کراچی پریس کلب پر اسکول کے بچوں، والدین پاسبان کے ذمہ داران اور کارکنان نے احتجاجی مظاہرہ کیا۔اس موقع پر الطاف شکور نے کہا کہ جب تک حکمرانوں کی ترجیحات میں تعلیم کو اولین ترجیح حاصل نہیں ہوگی معاشی ترقی کے ثمرات سے اٹھارہ کروڑ عوام محروم رہے گے ۔(جاری ہے)
ملک بھر اور باالخصوص سندھ کے تعلیمی شعبے میں بدعنوانی، رشوت ستانی اور سیاسی مداخلت نوجوانوں کے مستقبل کو تباہ کررہی ہے۔
انہوں نے کہا کہ حکمران ملک میں تعلیم کے فروغ کیلئے کبھی مخلص نہیں رہے ہیں جیسا کہ وہ جانتے ہیں کہ اگر نوجوان نسل تعلیم یافتہ بن گئی تو وڈیروں، فیوڈلز، بدعنوان بیوروکریسی، پیروں اور میروں کیلئے پارلیمنٹ میں کوئی جگہ نہیں ہوگی۔ ملک میں تعلیمی پسماندگی کی وجہ سے ہی چند خاندان جنہوں نے حریت پسندوں کو کچلنے میں برطانوی سامراج کی خدمت کی تھی ملک پر حکمرانی کررہے ہیں۔ اب اس کرپٹ مافیا کو سیاسی میدان سے بے دخل کئے جانے کا وقت آگیا ہے۔ انہوں نے کہا کہ کھیتوں میں کام کرنے والی نوجوان افرادی قوت کیلئے ضلعی سطح پر ملک بھر میں زرعی اور ٹیکنیکل کالج قائم کئے جائیں ملک کی معاشی ترقی کیلئے جس کی اشد ضرورت ہے۔انہوں نے کہا ٹیکنیکل تعلیمی کورسز اور ڈپلومہ دینی مدارس میں بھی متعارف کرائیں جائیں تاکہ اسکول اور دینی مدرسوں کے نظام تعلیم کے درمیان قائم فاصلہ کو ختم کیا جاسکے ۔ انہوں نے کہا کہ تیزی سے ترقی کرتی ہوئی معاشی گلوبل مسابقت کی دوڑ میں شامل ہونے کیلئے ملک کی فضا مکمل طور پر تیار ہے جس کیلئے سنجیدگی سے تعلیمی انقلاب پر فوکس کرنے کی ضرورت ہے۔اس موقع پر پاسبان کے جنرل سیکریٹری عثمان معظم نے کہا کہ ضمنی الیکشن کیلئے امتحانی شیڈول کو متاثر کرنا سول سوسائٹی کیلئے ناقابل قبول ہے۔انگوٹھا چھاپ کلچر کو تعلیم پر فوقیت نہیں دی جاسکتی ۔ انگوٹھا چھاپ سرکار صرف جہالت کے فروغ سے ہی قائم رہ سکتی ہے ۔ انہوں نے کہا کہ قلم پرانگوٹھے کو فوقیت دینا حکمرانوں اور بیورو کریسی کی غلط ترجیحات ہے۔ نوجوانوں کے مستقبل پر کوئی کمپرومائز نہیں کیا جاسکتا۔ انہوں نے کہا کہ وہی معاشرہ ترقی کرسکتا ہے جہاں قلم و علم کو ہر شے پر برتری حاصل ہو۔ ضمنی الیکشن کے انعقاد کیلئے میٹرک کے امتحانات کی تاریخ میں ردوبدل قلم پر انگوٹھے کی جاگیردارانہ سوچ کی عکاسی کرتا ہے ۔ انہوں نے کہا کہ ارباب اختیار قوم کو تعلیم سے دور رکھ کر وڈیرہ شاہی نظام برقرار رکھنا چاہتی ہے ۔ انہوں نے سوال کیا کہ کیا بیورو کریسی کو معلوم نہیں تھا کہ کراچی میں ہر سال امتحانات کس مہینے میں منعقد کئے جاتے ہیں ؟ پاسبان رہنماؤں نے مطالبہ کیا کہ حکمران اپنی ترجیحات میں تعلیم کو ہر شے پر مقدم رکھیں ۔متعلقہ عنوان :
کراچی میں شائع ہونے والی مزید خبریں
۔سندھ میں ٹیچرز لائسنس کے لیے ہونے والے ٹیسٹ کے نتائج کا اعلان، صوبائی وزیر سردار علی شاہ کی کامیاب امیدواروں ..
منگھوپیر پولیس اسمگلنگ شدہ 120کلو سے زائدچھالیہ برآمد کرلی
سرکاری وصولیوں،ڈیوٹیوں،ٹیکسوں کی وصولی کے لیے30 اور 31مارچ کو بینک برانچیں کھلی رہیں گی
سندھ میں ٹیچرز لائسنس کے لیے ہونے والے ٹیسٹ کے نتائج کا اعلان کردیا گیا
علامہ ڈاکٹر عامر عبداللہ محمدی مرکزی محمد ی مسجد برنس روڈ میں جمعہ کا خطبہ دیںگے
دہشتگردوں کا مقصد پاکستان کو عدم استحکام سے دوچار کرناہے، پیر ارشدکاظمی
قر آن وسنت، اسوہ حسنہ زندگی کے ہر شعبہ میں کامیابی کا ضامن ہے۔ڈاکٹر اشرف جیلانی
پی ڈی پی چیئرمین الطاف شکور کی ورکرز کو ملک بھر میں 30مارچ کو یوم سیاہ منانے کی ہدایات
ملک میں پتنگ کی ڈور سے ہلاکتیں معمول بن گئی ہیں، نوید لطیف قادری
شانگلہ بشام واقعہ پاکستان کی ترقی روکنے کی سازش ہے،عامر صدیقی
عید کی خریداری کیلئے آنے والوں کو ہر ممکن سہولیات فراہم کرنے کیلئے کام کئے جائیں گے،ڈاکٹر فواد احمد
باپ اولاد کیلئے جنت بھی ہے اور دوزخ بھی، علامہ الیاس قادری
کراچی سے متعلقہ
پاکستان کی تازہ ترین خبریں
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
حکومت کا تعلیمی نصاب میں ماحولیاتی بہتری کے مضامین شامل کرنے کا فیصلہ
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سونے کی قیمتوں میں اضافے کا رجحان برقرار
-
انٹر بینک میں پاکستانی روپیہ ڈالر کے سامنے ڈٹا رہا جبکہ اوپن مارکیٹ میں روپیہ نے ڈالر کی قدر کو گرا دیا