پاکستان کوآئی ایم ایف قرضے کی ساتویں قسط رواں ماہ جاری ہونے کا امکان

پیر 16 مارچ 2015 17:25

کراچی(اُردو پوائنٹ اخبار تازہ ترین۔16مارچ۔2015ء) عالمی مالیاتی فنڈ(آئی ایم ایف)کی جانب سے پاکستان کو ساتویں قسط کے 51 کروڑ 80لاکھ ڈالررواں ماہ کے آخری ہفتے میں جاری کئے جانے کاامکان ہے جس سے زرمبادلہ کے ذخائر17ارب ڈالرتک بڑھانے کی راہ ہموار ہوجائے گی۔

(جاری ہے)

وفاقی وزیر خزانہ سینیٹر اسحاق ڈار پہلے ہی اعلان کرچکے ہیں کہ زرمبادلہ کے ذخائر17ارب ڈالرتک بڑھانے کاہدف مقررکیا گیا ہے۔ موجودہ حکومت نے جب ذمے داریاں سنبھالیں تو زرمبادلہ کے ذخائر انتہائی کم ہوگئے تھے۔ اسٹیٹ بینک کے ذخائر صرف 2ارب 80 کروڑ ڈالر رہ گئے تھے۔

متعلقہ عنوان :

کراچی میں شائع ہونے والی مزید خبریں