کراچی اسٹاک مارکیٹ میں کاروباری اتار چڑھاؤ کے بعد محدود پیمانے پر تیزی ،

کراچی (اردو پوائنٹ تازہ ترین اخبار . 12 مارچ 2015ء) کراچی اسٹاک مارکیٹ میں جمعرات کو کاروباری اتار چڑھاؤ کے بعد محدود پیمانے پر تیزی دیکھی گئی تاہم کے ایس ای100انڈیس32500پوائنٹس کی سطح پر ہی برقرار رہا ،تیزی کے باعث مارکیٹ کے سرمایے میں 1ارب روپے سے زائد کااضافہ ریکارڈ کیاگیا جبکہ کاروباری لین دین بدھ کی نسبت 3کروڑ شیئرز کم رہا ۔ کراچی اسٹاک مارکیٹ میں جمعرات کو کاروبار کے آغاز پرفرٹیلائزر،توانائی اوربینکنگ سیکٹرمیں سرمایہ کاروں کی دلچسپی کے سبب تیزی کارجحان دیکھا گیا اور ٹریڈنگ کے دوران کے ایس ای 100انڈیکس 32700پوائنٹس کی حدعبور کرتا ہوا 32715.79پوائنٹس پرجاپہنچا تاہم منافع خوری کی خاطر قلیل مدت کے لئے حصص کے فروخت پردباؤکے سبب کے ایس ای 100انڈیکس ایک موقع پر32400پوائنٹس کی سطح پر آگیاتاہم کاروبار کے اختتام پرکے ایس ای 100انڈیکس 43.07پوائنٹس اضافے سے 32539.61پوائنٹس سے بڑھ کر 32582.68پوائنٹس پربندہوااسی طرح کے ایس ای آل شیئرز 23190.99پوائنٹس سے بڑھ کر 23202.03پوائنٹس پرجا پہنچا جبکہ کے ایس ای 30انڈیکس 5.79پوائنٹس کی کمی سے 21126.20پوائنٹس پر آگیا۔

(جاری ہے)

اسٹاک ماہرین کے مطابق سندھ میں سیاسی بے یقینی کی کیفیت کے باعث مارکیٹ میں اتار چڑھاؤ دیکھا جا رہا ہے ۔جمعرات کو تیزی کے سبب مارکیٹ کے سرمایے میں 1ارب 48کروڑ 32لاکھ 46ہزار 543روپے کااضافہ ریکارڈ کیا گیا جس سے مارکیٹ کامجموعی سرمایہ 73کھرب 6ارب 29کروڑ60لاکھ 2ہزار753روپے سے بڑھ کر73کھرب 7ارب 77کروڑ92لاکھ 49ہزار 296روپے ہوگیا۔جمعرات کو مارکیٹ میں مجموعی طورپر14کروڑ55لاکھ62ہزار حصص کاکاروبار ہوا تاہم ٹریڈنگ ویلیو 8ارب روپے تک محدود رہا جبکہ بدھ کو 17کروڑ24لاکھ17ہزار حصص کاکاروبار ہواتھا اورٹریڈنگ ویلیو 9ارب روپے ریکارڈ کیاگیاتھا۔

کراچی اسٹاک مارکیٹ میں گذشتہ روزمجموعی طورپر 362کمپنیوں کاکاروبارہواجن میں سے 182کمپنیوں کے حصص کے بھاؤ میں اضافہ، 151میں کمی اور29کمپنیوں کے حصص کے بھاؤ میں استحکام رہا۔کاروبار کے لحاظ سے فوجی فرٹیلائزر 2کروڑ16لاکھ،پاک الیکٹرون 1کروڑ46لاکھ،جہانگیرصدیق کمپنی 1کروڑ اوراینگروفرٹیلائزر 66لاکھ حصص کے سودوکے ساتھ سرفہرست رہے۔قیمتوں میں اتارچڑھاؤ کے لحاظ سے مورے بریورے کے بھاؤ میں41.50روپے اورشیزان انٹرنیشنل کے بھاؤ میں 26روپے کااضافہ جبکہ کولگیٹ پامولوکے بھاؤ میں 69.59روپے اورایکسائیڈ پاک کے بھاؤ میں 67.75روپے کی نمایاں کمی ریکارڈکی گئی۔