حق پرست نمائندے عوامی خدمت کے سلسلے میں اپنی کاوشوں کو برؤے کار لارہے ہیں،معین عامر پیرزادہ

منگل 10 مارچ 2015 17:49

کراچی (اُردو پوائنٹ اخبار تازہ ترین۔10مارچ۔2015ء) قائد تحریک الطاف حسین کی خصوصی ہدایت پر حق پرست نمائندے عوامی خدمت کے سلسلے میں اپنی کاوشوں کو برؤے کار لارہے ہیں اور ترقی و خوشحالی کے ساتھ ساتھ عوام کی خدمت میں مصروف عمل ہیں اور حق پرست قیادت بلا کسی امتیاز وتفریق لوگوں کے مسائل حل کرنے اور انکی مشکلات و تکالیف میں کام کر کے اطمینان محسوس کرتے ہیں شہر کی ترقی اور شہریوں کی خوشحالی ہمارا نصب العین ہے صفائی ستھرائی سمیت تمام بنیادی ضروریات کی فراہمی کو یقینی بنایا جارہا ہے ان خیالات کا اظہار حق پرست رکن صوبائی اسمبلی سندھ معین عامر پیر زادہ نے ہیلتھ اینڈ سروسز کے افسران و یوسی انسپکٹر کے اجلاس میں کیا اس موقع پرXEN کورنگی زون محمد مبین صدیقی ،ڈپٹی ڈائریکٹر ہیلتھ اینڈ سروسز سید محمد احمد نقوی اور دیگر بھی موجود تھے حق پرست رکن صوبائی اسمبلی سندھ معین عامر پیر زادہ نے متعلقہ افسران کوہدایت جاری کرتے ہوئے کہا کہ کورنگی کی تمام شاہراہوں اور لنک روڈ پر صفائی ستھرائی کے خصوصی انتظام کئے جائیں اورمین شاہراہوں، لنک روڈ ،گلی محلوں اور سینٹرل آئی لینڈ کی بھی صفائی روزانہ کی بنیادوں پر سر انجام دیا جائے اور یو سی انسپکٹر کو ہدایت دی کہ وقت کی پابندی کو اپنا شعار بنائیں اور اپنے عملے کو پابند کریں کہ وہ بھی وقت کی پابندی کریں اور مزیدکہا کہ وہ اپنے اپنے علاقوں کی مانیٹر نگ کریں اور اپنے کاموں میں ٹیم ورک کو برقرار رکھیں تاکہ کورنگی کی عوام النا س کو بلدیاتی سہولیات کی فراہمی میں کسی بھی قسم پریشانی نہ ہو اس سلسلے میں کسی بھی قسم کی غفلت اور کوتاہی کو برداشت نہیں کیا جا ئیگا۔

کراچی میں شائع ہونے والی مزید خبریں