کراچی اسٹاک ایکس چینج گذشتہ ہفتہ مندی کی زد میں رہی،100انڈیکس 33711پوائنٹس کی سطح ..
بند کریں
تازہ ترین ایڈ یشن کے لیے ابھی کلک کریں
ہفتہ مارچ

کراچی

کراچی اسٹاک ایکس چینج گذشتہ ہفتہ مندی کی زد میں رہی،100انڈیکس 33711پوائنٹس کی سطح کو چھونے کے بعد 33200پوائنٹس کی سطح پر بند

کراچی (اُردو پوائنٹ اخبار تازہ ترین۔07مارچ۔2015ء) کراچی اسٹاک مارکیٹ کاروباری اتار چڑھاؤ کے بعدگزشتہ ہفتہ بھی مندی کی زد میں رہی،ٹریڈنگ کے دوران کے ایس ای100انڈیکس 33711پوائنٹس کی سطح کو چھونے کے بعد 33200پوائنٹس کی سطح پر بند ہوا ،مندی کے سبب مارکیٹ میں سرمایہ کاروں کے 1کھرب37ارب سے زائد رپے ڈوب گئے جس کی وجہ سے سرمائے کا مجموعی حجم 76کھرب روپے کی بلند سطح سے گھٹ کر74کھرب روپے رہ گیا ۔

کراچی اسٹاک مارکیٹ میں گذشتہ ہفتہ کے پہلے ہی روز مندی کے بادل چھاگئے اور 100انڈیکس400سے زائد پوائنٹس گھٹ گیا جس کے بعد وقتا فوقتا مارکیٹ کاروباری اتار چڑھاؤکی زد میں رہی ۔گذشتہ ہفتہ5کاروباری دنوں میں مارکیٹ مندی سے دوچار ہوئی اور انڈیکس 548.6پوائنٹس کم ہوا جبکہ 2کاروباری دنوں میں معمولی تیزی کے باعث انڈیکس نے 180.07پوائنٹس کو ریکور کیا ۔

اسٹاک ماہرین کے مطابق گذشتہ ہفتہ مارکیٹ میں کوئی نیا ٹریگر نہ ہونے پر سرمایہ کار تذبذب کا شکار دکھائی دیئے اور انہوں نے شارٹ ٹرم حصص کی فروخت کو ترجیح دی جس کی وجہ سے مارکیٹ سنبھل نہ سکی ،پرافٹ ٹیکنگ کا رجحان بھی غالب رہا جبکہ غیر ملکی سرمایہ کار سائیڈ لائن رہے ۔اسٹاک ماہرین کے مطابق کیونکہ کاروباری اتار چڑحاؤ کے باوجود مارکیٹ اب بھی32ہزار پوائنٹس کی سطح پر ہی برقرار ہے تو امید ہے کہ نیا کاروباری ہفتہ مارکیٹ میں تیزی کا سبب بن سکتا ہے ۔

گذشتہ

اس خبر کی تفصیل پڑھنے کیلئے یہاں پر کلک کیجئے

07/03/2015 - 16:13:45 :وقت اشاعت

:متعلقہ عنوان