ایکسپوپاکستان کے انعقاد پر 14کروڑ روپے خرچ ہوئے ،ایس ایم منیر
بند کریں
تازہ ترین ایڈ یشن کے لیے ابھی کلک کریں
ہفتہ مارچ

کراچی

ایکسپوپاکستان کے انعقاد پر 14کروڑ روپے خرچ ہوئے ،ایس ایم منیر

کراچی (ٓاُردو پوائنٹ اخبار تازہ ترین۔07مارچ۔2015ء)ٹریڈ ڈویلپمنٹ اتھارٹی کے چیف ایگزیکٹو اور کاٹی کے سرپرست اعلیٰ ایس ایم منیر نے کہا ہے کہ ایکسپوپاکستان کے انعقاد پر 14کروڑ روپے خرچ ہوئے لیکن ہم نے اسی نمائش کے ذریعے پونے دوارب روپے کے برآمدی آڈرز حاصل کئے ، حکومتی اقدامات اور پاکستانی برآمدکنندگان ملک کی معاشی تعمیر وترقی کے لیے ہروقت کوشاں رہتے ہیں اسی وجہ سے تجارتی وکاروباری سرگرمیاں فروغ پارہی ہیں۔

وہ گذشتہ روزایسوسی ایشن آف بلڈرز اینڈڈیولپرز کی جانب سے دئیے گئے ظہرانے کے موقع پرکہی اس موقع پر فیڈریشن کے صدر میاں محمد ادریس،آباد کے سرپرست اعلی محسن شیخانی،چیئرمین جنید احمد تالو نے بھی اظہارخیال کیا جبکہ سینیٹرعبدالحسیب خان،حنیف گوہر،منیر سلطان،سلیم قاسم پٹیل ،اخلا ق میمن، عارف صدیق اور دیگر بھی موجودتھے ۔ ایس ایم منیر نے کہا کہ ایکسپوپاکستان سے دنیا بھر میں پاکستان کامثبت امیج پیش کیا گیا ہے جبکہ امن وامان کی صورتحال ماضی کی نسبت بہترہورہی ہے جوکہ خوش آئند عمل ہے ۔

انہوں نے آباد کے عہدیداران کو گیس کنکشن کے مسائل پر یقین دہانی کراتے ہوئے کہا کہ وزیراعظم نوازشریف سے بہت جلد تاجربرادری کاوفد ملاقات کریگا جس میں آباد کے عہدیداران کو بھی ساتھ رکھا جائیگا

مکمل خبر پڑھنے کیلئے یہاں پر کلک کیجئے

07/03/2015 - 13:57:35 :وقت اشاعت