کراچی کی روشنیاں ہر قیمت پر واپس لائی جائیں گی،رانا محمد حیات خان،
وفاقی حکومت کی مثالی کاوشوں سے ملک بھر میں ترقیاتی کاموں کا جال پھیلایا جا چکا ہے،رکن قومی اسمبلی کی علی اکبر گجر سے گفتگو
منگل 3 مارچ 2015 19:45
کراچی(اُردو پوائنٹ اخبار تازہ ترین۔03مارچ۔2015ء) پاکستان مسلم لیگ(ن) کے رکن قومی اسمبلی اور کیبنٹ قائمہ کمیٹی کے چےئرمین رانا محمد حیات خان نے اپنے حالیہ دورہ کراچی میں پاکستان مسلم لیگ(ن) سندھ کے صوبائی نائب صدر علی اکبر گجر کے ساتھ گفتگو کرتے ہوئے وفاقی حکومت کے اس عزم کا اعادہ کیا کہ کراچی کی روشنیاں ہر قیمت پر واپس لائی جائیں گی․ پاکستان مسلم لیگ(ن) کراچی کے امن کے لئے بھرپور کوشش کر رہی ہے․ کراچی کے امن کے ساتھ اٹھارہ کروڑ پاکستانیوں کا معاشی مستقبل وابستہ ہے․ وزیر اعظم پاکستان میاں محمد نواز شریف کی اولین ترجیح پاکستان کے سب سے بڑے شہر میں مستقل بنیادوں پرامن کی واپسی اور شہر کی معاشی سرگرمیوں کی بحالی ہے․ پاکستان مسلم لیگ(ن) کے رکن قومی اسمبلی اور کیبنٹ قائمہ کمیٹی کے چےئرمین رانا محمد حیات خان اپنے والد حاجی ملک محمد بوٹا اور ملک رؤف کے ہمراہ کراچی پہنچے تو اےئرپورٹ پر مسلم لیگ(ن) سندھ کے نائب صدر علی اکبر گجر، حاجی محمد اقبال،علی عاشق گجر نے ان کا استقبال کیا․ رکن قومی اسمبلی رانا محمد حیات خان نے پاکستان مسلم لیگ(ن) سندھ کے نائب صدر علی اکبر گجر و دیگر رہنماؤں کے ساتھ تفصیلی نشست میں گفتگو کرتے ہوئے کہا کہ پاکستان مسلم لیگ(ن) ملک کے ہر حصے میں امن کے قیام کے لئے بھرپور کوششیں کر رہی ہے خصوصا کراچی کا امن ہماری قیادت کی سب سے اہم ترجیح ہے․ رانا محمد حیات خان نے کہا کہ سندھ کے امن کی مجموعی صورتحال بھی بڑی حد تک غیر تسلی بخش ہے لیکن پاکستان کی معیشت کا بنیادی رکن ہونے کی حیثیت سے کراچی میں امن کا قیام وزیر اعظم پاکستان کے لئے ہر لمحہ اہم رہتا ہے․ وفاقی حکومت نے سندھ حکومت اور قانون نافذ کرنے والے اداروں کو بھرپور تعاون کے ساتھ اس بات کی پیشکش بھی کی ہے کہ کراچی کے امن کے لئے ان کی ہر تجویز کو وفاق کی مکمل پشت پناہی حاصل ہوگی․ رانا محمد حیات خان نے کہا کہ وفاقی حکومت کی مثالی کاوشوں سے ملک بھر میں ترقیاتی کاموں کا جال پھیلایا جا چکا ہے․ آزاد کشمیر اور گلگت بلتستان سمیت ملک کے تمام صوبوں میں توانائی اور شاہراہوں کے سلسلے کے میگا پروجیکٹس کا آغاز ہو چکا ہے․ ہر گذرتے دن کے ساتھ ہماری حکومت پاکستان کو اندھیروں سے نکالنے کے لئے کامیاب پیش قدمی کر رہی ہے․ گوادر پورٹ،اورچین کے ساتھ تجارتی راہداری پاکستان کے ساتھ ساتھ ایشیا کا معاشی نقشہ بدلنے کا سبب بنے گی․ پاکستان مسلم لیگ(ن) کی حکومت آئندہ انتخابات سے پہلے قوم کو روشن پاکستان دے کر اپنے عہد سے سرخرو ہوگی․ پاکستان مسلم لیگ(ن) سندھ کے نائب صدر علی اکبر گجر نے قومی اسمبلی کی قائمہ کمیٹی برائے کیبنٹ سیکریٹیریٹ رانا محمد حیات خان کو سندھ میں پاکستان مسلم لیگ(ن) کی مجموعی کارکردگی اور سندھ کے عوام کو درپیش مسائل کی بابت آگاہ کرتے ہوئے کہا کہ سندھ میں پاکستان مسلم لیگ(ن) کے کارکنوں اور رہنماؤں کے ساتھ صوبائی انتظامیہ کے معاندانہ روئیے کے باوجود پاکستان مسلم لیگ(ن) کی صوبائی قیادت اپنے قائد میاں محمد نواز شریف کے تاریخی مشن کی تکمیل کے لئے بھرپور جدوجہد کر رہی ہے․ سندھ میں پاکستان مسلم لیگ(ن) کے کارکنوں کا جذبہ جمہوری تاریخ کا ایسا باب بن چکا ہے جس کی مثال کہیں دکھائی نہیں دیتی․ رانا محمد حیات خان نے پاکستان مسلم لیگ(ن) سندھ کی قیادت اور کارکنوں کی جمہوری جدوجہد کو خراج تحسین پیش کرتے ہوئے کہا کہ وزیر اعظم پاکستان میاں محمد نواز شریف بھی سندھ کے کارکنوں کی خدمات کے معترف ہیں اور اس بات کے لئے کوشاں ہیں کہ پنجاب کی طرح سندھ میں بھی پاکستان مسلم لیگ(ن) صوبائی حکومت کی تشکیل کے لئے مطلوبہ سیاسی قوت حاصل کرے اور ہم سندھ کے عوام کی خدمت بھی اسی طرح کر سکیں جیسا کہ پنجاب کے عوام کی خدمت کی جا رہی ہے․
متعلقہ عنوان :
کراچی میں شائع ہونے والی مزید خبریں
رواں سال معیشت کا آغاز بہتراندازمیں ہوا ہے، پی ایس ایکس اور چینی ایکسچینجز کے درمیان بڑھتا ہوا تعاون ..
ملک کی تعمیر و ترقی میں سٹاک ایکسچینج کی حمایت شامل رہے گی،ڈاکٹر شمشاد اختر
صنم سعید کی انگلش سن کر مداح دنگ رہ گئے
معروف اداکار لطیف کپاڈیہ کو مداحوں سے بچھڑے 22 برس بیت گئے
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
پیپلز پارٹی کا بھٹو کے یوم شہادت پر ہونے والا جلسہ 4 اپریل کی بجائے 14 اپریل کو منعقد کرنے کا اعلان
سندھ میں ایسٹر پر یکم اپریل کو مسیحی سرکاری ملازمین کیلئے چھٹی کا اعلان
کراچی میں قبضہ مافیا کے کارندوں کا حاملہ خاتون پر تشدد
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
زرمبادلہ کے سرکاری ذخائر 8 ارب ڈالر کی سطح پر مستحکم
انٹربینک اور اوپن مارکیٹ میں ڈالر کی نسبت روپیہ تگڑا
ڈی آئی جی ایسٹ کے بیٹے کی اسلحے کی نمائش اور ہوائی فائرنگ کی ویڈیو وائرل
کراچی سے متعلقہ
پاکستان کی تازہ ترین خبریں
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کا اسلام آباد میں چینی سفارت خانے کے دورے کے موقع پر گفتگو
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
ملک کی تعمیر و ترقی میں سٹاک ایکسچینج کی حمایت شامل رہے گی،ڈاکٹر شمشاد اختر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم