بیماریوں کے بچاؤ کے ٹیکے لگانے کا عمل فوری طور پر مضبوط و مربوط بنایا جائے گا،سائرہ افضل تارڑ،
انسداد پولیو مہم، پولیو کے مکمل خاتمے تک جاری رہے گی۔ وزیر مملکت برائے نیشنل ہیلتھ سروسز کا اجلاس اور پریس کانفرنس سے خطاب
جمعہ 27 فروری 2015 20:54
کراچی(اردو پوائنٹ تازہ ترین اخبار. 27 فروی 2015ء) وزیر مملکت برائے نیشنل ہیلتھ سروسز سائرہ افضل تارڑ نے کہا ہے کہ بیماریوں کے بچاؤ کے ٹیکے لگانے کا عمل فوری طور پر مضبوط و مربوط بنایا جائے گا، کراچی اور خیبر پختونخواہ میں جن علاقوں میں پولیو کے قطرے پلانے میں خطرات محسوس ہوتے تھے وہاں اب 90 فیصد کامیابی حاصل ہوئی ہے۔ ان خیالات کا اظہار انہوں نے جمعہ کو محکمہ صحت کے افسران کے ہمراہ اجلاس کے بعد پریس کانفرنس سے خطاب کرتے ہوئے کیا۔
وزیر مملکت سائرہ تارڑ نے کہا کہ انسداد پولیو مہم، پولیو کے مکمل خاتمے تک جاری رہے گی، اس سلسلے میں پولیو کے قطرے نہ پلانے والے افراد میں نمایاں کمی سامنے آئی ہے جس کو بین الاقوامی ادارے بھی محسوس کر رہے ہیں اور حکومتی اقدامات کو سراہا جا رہا ہے۔(جاری ہے)
انہوں نے کہا کہ بین الاقوامی ادارہ گاوی نے حال ہی میں پولیو مہم میں اپنی امداد جاری رکھنے پر رضا مندی ظاہر کی ہے۔
وزیر مملکت نے کہا کہ پاکستان میں نوزائیدہ بچوں اور ماؤں کو بیماریوں سے بچاؤ کے ٹیکوں کے پروگرام کو دوبارہ شروع کیا جائے گا۔ انہوں نے کہا کہ پاکستان میں انسداد پولیو مہم کی بہتری کے سلسلے میں غیر جانبدار ادارے بھی اس کی تصدیق کر رہے ہیں۔ بی سی جی ویکسین کے بارے میں وزیر مملکت سائرہ تارڑ نے کہا کہ یہ عالمی مسئلہ ہے، اس کے لئے حکومتی سطح پر مسئلہ حل کرنے کے لئے کام ہو رہا ہے، جیسے ہی بڑی مقدار میں اسٹاک ہمیں ملے گا جسے فوری طور پر ملک بھر میں روانہ کر دیا جائے گا۔ انہوں نے کہا کہ ماضی میں ملک کے جن علاقوں میں پولیو مہم چلانے میں دشواری پیش آ رہی تھی، اب وہاں پر 90 فیصد کامیابی حاصل ہوئی ہے۔ وزیر مملکت نے کہا کہ پولیو کے قطرے اور ٹیکوں کا اسٹاک موجود ہے جس سے نمایاں کامیابی حاصل کرنے میں مدد مل رہی ہے۔ قبل ازیں صوبائی محکمہ صحت کے اجلاس کی صدارت کے دوران وزیر مملکت سائرہ تارڑ نے انسداد پولیو کے لئے اٹھائے گئے اقدامات کا جائزہ لیا اور حالیہ مہینوں میں جن نکات پر خصوصی اقدامات اٹھائے گئے تھے ان کو بھی سراہا گیا۔ وزیر مملکت نے انسداد پولیو مہم کے دوران ان علاقوں میں جہاں پر مکینوں کی مداخلت اور امن و امان کے خدشات تھے، وہاں کامیابی حاصل کرنے پر مبارکباد دی۔ اجلاس میں وزیر مملکت کو بریفنگ کے دوران بتایا گیا کہ محکمہ پولیس کی جانب سے پولیو مہم کے دوران 700 پولیس اہلکار فراہم کرنے کا وعدہ کیا گیا تھا جو اب تک پورا نہیں ہو سکا ہے۔ بریفنگ میں بتایا گیا کہ بعض حساس علاقوں میں سیکورٹی خدشات کے پیش نظر متعدد بار مہم کو ملتوی کرنا پڑا۔ اس موقع پر پولیو مہم سندھ کی چیئرپرسن شہناز وزیر علی نے بتایا کہ سندھ حکومت اور شہری انتظامیہ کی جانب سے انسداد پولیو مہم کی بھرپور حمایت کے باعث بڑی حد تک کامیابی حاصل ہوئی ہے۔ اجلاس میں پاکستان رینجرز سندھ کی جانب سے حساس علاقوں میں پولیو ورکرز کو سیکورٹی فراہم کرنے کی تعریف کی گئی۔ اجلاس میں صوبائی وزیر صحت جام مہتاب حسین ڈھر، سیکریٹری صحت افتخار علی شالوانی، کمشنر کراچی شعیب احمد صدیقی، پروگرام منیجر ای پی آئی سندھ ایم خمسانی اور وفاقی ہیلتھ سیکریٹری بھی موجود تھے۔متعلقہ عنوان :
کراچی میں شائع ہونے والی مزید خبریں
وزیراعلیٰ سندھ نےآئی جی سے مانسہرہ کالونی میں دھماکے کی تفصیلی رپورٹ طلب کر لی
کراچی، غیر ملکیوں کی گاڑی پر حملہ کرنے والے دہشتگردوں کی شناخت بارے تفصیلات سامنے آگئیں
جاپانی شہریوں کی گاڑی پر دھماکہ، سندھ میں سیکیورٹی ہائی الرٹ کے احکامات جاری
کراچی،پولیس نے لانڈھی میں غیرملکیوں پر ہونے والے حملے کو ناکام بنادیا، دو دہشتگرد ہلاک
غیر ملکیوں کی گاڑی پر حملہ، دہشتگرد حملہ آور پیدل چل کر گاڑی تک پہنچے،ڈی آئی جی ایسٹ اظفر مہیسر
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
oجامعہ کراچی ایرانی صدر کو پی ایچ ڈی کی اعزازی سند دے گی
ج*کراچی،عربی سکھانے کا سینٹر قائم، اماراتی قونصل جنرل نے افتتاح کردیا
{سندھ ہائیکورٹ، بانی پی ٹی آئی کی سیکیورٹی یقینی بنانے کا حکم
نیب احتساب کی بجائے عملی طور سیاسی انتقام کا ادارہ بن چکا ہے۔جماعت اسلامی
محمد حسین محنتی کا عالمی مجلس ختم نبوت سندھ کے امیر کی وفات پر اظہار تعزیت
کراچی سے متعلقہ
پاکستان کی تازہ ترین خبریں
-
قومی اسمبلی کے سپیکر و ڈپٹی سپیکر کی کراچی میں غیر ملکیوں پر خودکش حملے کی مذمت
-
نرسنگ کے شعبہ کی بہتری کیلئے اصلاحات لا رہے ہیں،معیار کو بہتر بنانے کیلئے جدید تربیت کو ترجیح دی جائیگی‘خواجہ سلمان رفیق
-
آئی ایم ایف نے پاکستانی معیشت کی بہتری پر مثبت ردعمل دیدیا
-
واپڈا نے منگلا بحالی اور اپ گریڈیشن منصوبے کے ایک اور پیکیج کے لئے کنٹریکٹ ایوارڈ کردیا
-
ریلویز میں جدید ٹیکنالوجی پر مبنی فیول مینیجمنٹ سسٹم کا آغاز ہو گیا
-
یوسف رضا گیلانی کی کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
متحدہ عرب امارات سے ترسیلات زرمیں جاری مالی سال کے پہلے9ماہ میں سالانہ بنیادوں پراضافہ
-
صدرمملکت آصف علی زرداری کی لانڈھی کراچی میں خود کٴْش دھماکے اور فائرنگ کی مذمت
-
سپیکرنے سنی اتحاد کونسل کے معطل اراکین کی رکنیت بحال کرنے کی یقین دہانی کروائی ہے،شیر افضل مروت
-
مصدق ملک سے یو ای اے کے سفیر کی ملاقات ،باہمی دلچسپی کے امور پر گفتگو
-
ْترکیہ کے چیف آف جنرل سٹاف جنرل متین گورک کی وزیر دفاع سے ملاقات،دوطرفہ تعلقات پر گفتگو
-
صدارتی خطاب پر بحث کیلئے تحریک رواں سیشن کے ایجنڈے پر لائی جائیگی ، اعظم نذیر تارڑ