28 سے 32 سال کے درمیان کی جانے والی شادیاں زیادہ کامیاب ہوتی ہیں، ماہرین

ماہرین کے مطابق شادی کے وقت آپ کو نہ ذیادہ جوان ہونا چاہیے اور نہ ہی بوڑھا اسی لیے زندگی کے دوسرے عشرے کے اواخر یا تیسرے عشرے کے ابتدائی برس بہت موزوں رہتے ہیں۔ کیونکہ اس عمر میں مرد اور عورت کئی ذمے داریوں کو پہلے سے ہی سنبھالنا شروع کردیتے ہیں

جمعہ 16 اکتوبر 2015

28 Se 32 Saal K Darmiyaan Ki Jane Wali Shadiyaan
شادی دفاتر اور ایسی سروس فراہم کرنے والے ڈیٹا کو پرکھنے کے بعد انکشاف ہوا ہے کہ 28 سے 32 سال کے درمیان شادیاں ذیادہ خوشگوار اور کامیاب رہتی ہیں۔
یونیورسٹی آف یوٹاہ میں سماجیات کے ماہر نِک وولفنگر نے امریکا میں نیشنل سروے آف فیملی گروتھ کے تعاون سے کہا ہے کہ نوعمری سے لے کر 30 کے عشرے کی ابتدا میں کی جانے والی شادیاں ذیادہ کامیاب ہوتی ہیں اور وہ طلاقوں سے متاثر نہیں ہوتیں۔

اس سے ذیادہ عمر پر طلاق ہونے کا خدشہ بڑھ جاتا ہے یعنی 32 سال سے زائد عمر کے بعد طلاق کا خطرہ 5 فیصد تک بڑھ جاتاہے۔ اس سروے میں ریاضی کے اصولوں سے بھی مدد لی گئی ہے۔
ماہرین کے مطابق شادی کے وقت آپ کو نہ ذیادہ جوان ہونا چاہیے اور نہ ہی بوڑھا اسی لیے زندگی کے دوسرے عشرے کے اواخر یا تیسرے عشرے کے ابتدائی برس بہت موزوں رہتے ہیں۔

(جاری ہے)

کیونکہ اس عمر میں مرد اور عورت کئی ذمے داریوں کو پہلے سے ہی سنبھالنا شروع کردیتے ہیں اور سنجیدہ ہوجاتے ہیں۔


ولفنگر کا کہنا ہے کہ اگرچہ اس مطالعے میں عمر، جنس، قومیت، خاندانی نظام، تعلیم، مذہبی رجحانات ، جنسی رجحان اور رہائشی علاقوں کو بھی مدِ نظررکھا گیا ہے لیکن عمر شادی پرخاص طور پر اثر انداز ہوسکتی ہے، ایک اور ماہر فلپ کوہن کہتے ہیں کہ ان کے مطابق اگر شادی 45 سے 49 سال کی عمر میں کی جائے تو اس کے ناکام ہونے کے امکانات کم ہوجاتے ہیں لیکن دیگر افراد اس سے متفق نہیں۔ دوسری جانب تعلیم اور مالی حیثیت بھی شادی پر اثرانداز ہوسکتی ہے۔

ادارہ اردوپوائنٹ کا مضمون نگار کی رائے سے متفق ہونا ضروری نہیں ہے۔

متعلقہ مضامین :

28 Se 32 Saal K Darmiyaan Ki Jane Wali Shadiyaan is a social article, and listed in the articles section of the site. It was published on 16 October 2015 and is famous in social category. Stay up to date with latest issues and happenings around the world with UrduPoint articles.